ಮುಸ್ಲಿಮರು ಮತ ನೀಡದಿದ್ದರೂ ಕೆಲಸ ಮಾಡಿಕೊಡುತ್ತೇನೆ ಎಂದ ವರುಣ್ ಗಾಂಧಿ
ಪಿಲಿಬಿಟ್, ಏ.22: ದೇಶದೆಲ್ಲೆಡೆ ಚುನಾವಣಾ ಕಾವು ಹೆಚ್ಚಾಗಿದೆ. ಒಂದೆಡೆ ಮುಸ್ಲಿಮರು ಮತ ನೀಡದಿದ್ದರೆ ಅವರ ಕೆಲಸ ಮಾಡಿಕೊಡುವುದಿಲ್ಲ ಎಂದು ತಾಯಿ ಹೇಳಿದರೆ ಇನ್ನೊಂದೆಡೆ ಮತ ನೀಡದಿದ್ದರೂ ಕೂಡ ನಾನು ನಿಮ್ಮ ಕೆಲಸ ಮಾಡಿಕೊಡುತ್ತೇನೆ ಎಂದು ವರುಣ್ ಗಾಂಧಿ ಭರವಸೆ ನೀಡಿದ್ದಾರೆ.
ಮತಕ್ಕಾಗಿ ಮುಸ್ಲೀಮರ 'ಬೆದರಿಸಿದ' ಮೇನಕಾ ಗಾಂಧಿಗೆ ನೊಟೀಸ್
ಮುಸ್ಲಿಮರು ಮತ ನೀಡದಿದ್ದರೆ ಕೆಲಸ ಮಾಡಿಕೊಡುವುದಿಲ್ಲ ಎಂದಿದ್ದ ಕೇಂದ್ರ ಸಚಿವೆ ಮನೇಕ ಗಾಂಧಿಗೆ ಅವರ ಹೇಳಿಕೆಗೆ ವ್ಯತಿರಿಕ್ತವಾದ ಹೇಳಿಕೆಯನ್ನು ವರುಣ್ ಗಾಂಧಿ ನೀಡಿದ್ದಾರೆ.
#WATCH BJP's Varun Gandhi in Pilibhit, earlier today: Bas mein ek cheez Muslim bhai ko bolna chahta hun ki agar aapne mujhe vote diya toh mujhe bahut accha lagega, agar aapne mujhe vote nahi diya, koi baat nahi, tab bhi mujh se kaam le le na, koi dikat ki baat nahi. pic.twitter.com/xMLzreAJ1k
— ANI UP (@ANINewsUP) April 21, 2019
''ನನಗೆ ನೀವು ಮತನೀಡದಿದ್ದರೂ ಕೂಡ ನಾನು ನಿಮ್ಮ ಕಲಸವನ್ನು ಮಾಡಿಕೊಡುತ್ತೇನೆ''ಎಂದು ಹೇಳಿರುವುದು ಆಶ್ಚರ್ಯ ಮೂಡಿಸಿದೆ. ಕಟ್ಟ ಹಿಂದುತ್ವವಾದಿ ಎಂದು ಕರೆಸಿಕೊಂಡಿದ್ದ ವರುಣ್ ಗಾಂಧಿ ಉತ್ತರ ಪ್ರದೇಶದಲ್ಲಿ ತೀವ್ರ ಕುತೂಹಲ ಮೂಡಿಸಿದೆ.
ಇತ್ತೀಚೆಗೆ ಪ್ರಚಾರ ಸಭೆಯಲ್ಲಿ ಪಾಲ್ಗೊಂಡಿದ್ದ ಮನೇಕ ಗಾಂಧಿ ಮುಸ್ಲಿಮರು ಮತನೀಡದಿದ್ದರೆ ಅವರ ಕೆಲಸ ಮಾಡಿಕೊಡುವುದಿಲ್ಲ ಎಂದು ಎಚ್ಚರಿಸಿದ್ದರು. ಈ ಹೇಳಿಕೆ ಕುರಿತು ಚುನಾವಣಾ ಆಯೋಗವು ಮನೇಕ ಗಾಂಧಿಗೆ 48 ಗಂಟೆಗಳ ನಿರ್ಬಂಧವನ್ನು ಹೇರಿತ್ತು.
ಲೋಕಸಭಾ ಚುನಾವಣೆ 2019 : ವಿಶೇಷ ಪುಟ | ಗ್ಯಾಲರಿ
ಉತ್ತರಪ್ರದೇಶದಲ್ಲಿ ನಡೆದ ಪ್ರಚಾರ ಸಭೆಯಲ್ಲಿ ಪಾಲ್ಗೊಂಡು ಮಾತನಾಡಿದ ಅವರು, ಮುಸಲ್ಮಾನ ಸಹೋದರರೆ ನೀವು ನನಗೆ ಮತ ಹಾಕಿದರೆ ಸಂತೋಷ, ಒಂದೊಮ್ಮೆ ಮತ ಹಾಕದಿದ್ದರೂ ಕೂಡ ನಿಮ್ಮ ಕೆಲಸವನ್ನು ಮಾಡಿಕೊಡುತ್ತೇನೆ' ಎನ್ನುವ ಮೂಲಕ ಎಲ್ಲರೂ ಅವರ ಕಡೆ ಚಿತ್ತ ನೆಡುವ ಹಾಗೆ ಮಾಡಿದ್ದಾರೆ.