ಟ್ವಿಟ್ಟರ್ ಲೋಕಕ್ಕೆ ಎಂಟ್ರಿ ಕೊಟ್ಟ ಪ್ರಿಯಾಂಕಾ ಗಾಂಧಿ ವಾದ್ರಾ

ಕಾಂಗ್ರೆಸ್ ಅಧಿನಾಯಕಿ ಸೋನಿಯಾ ಗಾಂಧಿ ಅವರ ಪುತ್ರಿ ಪ್ರಿಯಾಂಕಾ ಗಾಂಧಿ ಅವರು ಸಕ್ರಿಯ ರಾಜಕೀಯಕ್ಕೆ ಎಂಟ್ರಿ ಕೊಟ್ಟಿರುವುದು ರಾಜಕೀಯ ಸುದ್ದಿ ಆಸಕ್ತರಿಗೆ ತಿಳಿದಿರುವ ವಿಷಯ. ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಅವರ ಸೋದರಿ ಪ್ರಿಯಾಂಕಾ ಅವರು ಇಂದು ಮೈಕ್ರೋ ಬ್ಲಾಗಿಂಗ್ ತಾಣ ಟ್ವಿಟ್ಟರ್ ಖಾತೆ ತೆರೆದಿದ್ದಾರೆ. ಟ್ವಿಟ್ಟರ್ ಖಾತೆ ಆರಂಭಗೊಳ್ಳುತ್ತಿದ್ದಂತೆ ಸಾವಿರಾರು ಮಂದಿ ಹಿಂಬಾಲಕರನ್ನು ಪಡೆದುಕೊಂಡಿದ್ದಾರೆ.ಅ

ಉತ್ತರಪ್ರದೇಶದಲ್ಲಿ ಪ್ರಿಯಾಂಕಾ ಗಾಂಧಿ ಹಾಗೂ ಜ್ಯೋತಿರಾದಿತ್ಯಾ ಸಿಂಧಿಯ ಅವರ ತಂಡಗಳು ಯೋಗಿ ಆದಿತ್ಯನಾಥ್ ವಿರುದ್ಧ ರಣತಂತ್ರ ಹೆಣೆಯಲು ಇಂದು ಸಭೆ ಸೇರುತ್ತಿವೆ. ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಅವರು ಸಭೆಯ ಅಧ್ಯಕತೆ ವಹಿಸಲಿದ್ದಾರೆ. ನಂತರ ಲಕ್ನೋದಲ್ಲಿ ಬೃಹತ್ ರೋಡ್ ಶೋ ನಡೆಯಲಿದೆ.

ಸೋಮವಾರ ಬೆಳಗ್ಗೆ 11.49ರ ಸುಮಾರಿಗೆ ಪ್ರಿಯಾಂಕ ಅವರು ಟ್ವಿಟ್ಟರ್ ಖಾತೆ ಆರಂಭಗೊಂಡಿದ್ದು, ಟ್ವಿಟ್ಟರ್ ನಿಂದ ಅಧಿಕೃತ ಖಾತೆ ಎಂಬ ಮುದ್ರೆಯೂ ಸಿಕ್ಕಿದೆ.

ಸಾವಿರಾರು ಹಿಂಬಾಲಕರನ್ನು ಪಡೆದ ಪ್ರಿಯಾಂಕಾ ಗಾಂಧಿ

ಸೋಮವಾರ ಬೆಳಗ್ಗೆ 11.49ರ ಸುಮಾರಿಗೆ ಪ್ರಿಯಾಂಕ ಅವರು ಟ್ವಿಟ್ಟರ್ ಖಾತೆ ಆರಂಭಗೊಂಡಿದ್ದು, ಟ್ವಿಟ್ಟರ್ ನಿಂದ ಅಧಿಕೃತ ಖಾತೆ ಎಂಬ ಮುದ್ರೆಯೂ ಸಿಕ್ಕಿದೆ. ಮೊದಲ 15 ನಿಮಿಷಗಳಲ್ಲಿ 5000 ಮಂದಿ ಹಿಂಬಾಲಕರನ್ನು ಪಡೆದುಕೊಂಡಿದ್ದು, ಮೊದಲ ಒಂದು ಗಂಟೆ ಅವಧಿಯಲ್ಲೇ 25,000 ಹಿಂಬಾಲಕರನ್ನು ಹಿಂದಿದ್ದಾರೆ.

Smt. Priyanka Gandhi Vadra is now on Twitter. You may follow her at @priyankagandhi

— Congress (@INCIndia) February 11, 2019

ಕಾಂಗ್ರೆಸ್ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಘೋಷಣೆ

ಪ್ರಿಯಾಕಾ ಅವರು ಟ್ವಿಟ್ಟರ್ ಲೋಕಕ್ಕೆ ಎಂಟ್ರಿಕೊಟ್ಟಿದ್ದನ್ನು ಕಾಂಗ್ರೆಸ್ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲಿ ಘೋಷಿಸಲಾಯಿತು. ಈ ಸುದ್ದಿಗೆ ಅನೇಕರು ಪ್ರತಿಕ್ರಿಯಿಸಿ, ಪ್ರಿಯಾಂಕಾ ಅವರು ಟ್ವಿಟ್ಟರ್ ಲೋಕಕ್ಕೆ ಬಂದಿರುವುದು ಒಳ್ಳೆ ಬೆಳವಣಿಗೆ ಎಂದಿದ್ದಾರೆ.

Thanks for coming in active politics.. India need you... Youth, women n whole India is waiting for you to listen and you r a fighter.. The fascist forces are in black now... Love to see n meet u.... Jai congress

— Moeen Ali 🇮🇳🇦🇪 (@MoinAli0007) February 11, 2019

ಸಾರ್ವಜನಿಕರ ಅಭಿಪ್ರಾಯ

ಭಾರತಕ್ಕೆ ನಿಮ್ಮಂಥ ನಾಯಕಿ ಬೇಕಿದೆ. ಸಕ್ರಿಯ ರಾಜಕೀಯಕ್ಕೆ ಬಂದಿದ್ದಕ್ಕೆ ಧನ್ಯವಾದಗಳು

GS Incharge UP East, Priyanka Gandhi Vadra's message inviting the people of UP to join her as equal partners in a new kind of politics. #NayiUmeedNayaDeshhttps://t.co/u42l3JKBTQ

— Congress (@INCIndia) February 10, 2019

ಪ್ರಿಯಾಂಕಾ ಗಾಂಧಿ ಅವರಿಂದ ಕರೆ

ಉತ್ತರಪ್ರದೇಶದಲ್ಲಿ ಚುನಾವಣಾ ಪ್ರಚಾರಕ್ಕೆ ಆಗಮಿಸುವಂತೆ ಕಾರ್ಯಕರ್ತರಿಗೆ ಕರೆ ನೀಡಿದ ಪೂರ್ವ ವಲಯದ ಉಸ್ತುವಾರಿ, ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ.

ಯಾವ ಯಾವ ಖಾತೆಯನ್ನು ಹಿಂಬಾಲಿಸುತ್ತಿದ್ದಾರೆ?

ಪ್ರಿಯಾಂಕಾ(47) ಅವರು ಈ ಸಮಯಕ್ಕೆ(1.08) ಇನ್ನು ಯಾವುದೇ ಪೋಸ್ಟ್ ಮಾಡಿಲ್ಲ. ಸೋದರ ರಾಹುಲ್ ಗಾಂಧಿ ಅವರ ಖಾತೆ ಸೇರಿದಂತೆ ಸಚಿನ್ ಪೈಲಟ್, ಅಶೋಕ್ ಗೆಹ್ಲೋಟ್, ಕಾಂಗ್ರೆಸ್, ಅಹ್ಮದ್ ಪಟೇಲ್, ರಣದೀಪ್ ಸಿಂಗ್ ಸುರ್ಜೆವಾಲ, ಜ್ಯೋತಿರಾದಿತ್ಯಾ ಸಿಂಧಿಯಾ ಖಾತೆಗಳನ್ನು ಪ್ರಿಯಾಂಕಾ ಹಿಂಬಾಲಿಸುತ್ತಿದ್ದಾರೆ.

English summary

Congress general secretary Priyanka Gandhi Vadra on Monday unveiled her official Twitter handle, drawing thousands of followers within the first few minutes. The launch of her social media presence came on the same day as her mega roadshow in Lucknow