ಯುವತಿ ಮೇಲೆ ಹರಿದ ಕಾರು: ಘಟನೆ ಹಿಂದಿದೆಯೇ ನಿಗೂಢ ಕತೆ?
ನೊಯ್ಡಾ, ಜನವರಿ 21: ಯಮುನಾ ಎಕ್ಸ್ಪ್ರೆಸ್ ವೇನಲ್ಲಿ ಯುವತಿ ಮೇಲೆ ಕಾರೊಂದು ಹರಿದಿದೆ. ಅದಕ್ಕೂ ಮುನ್ನ ತಮ್ಮ ಮಗಳ ಮೇಲೆ ಅತ್ಯಾಚಾರ ನಡೆದಿದೆ ಎಂದು ಪೋಷಕರು ಆರೋಪಿಸಿದ್ದಾರೆ.
ಯಮುನಾ ಎಕ್ಸ್ಪ್ರೆಸ್ವೇ ನಲ್ಲಿ 20 ವರ್ಷದ ಯುವತಿ ಮೇಲೆ ವೇಗವಾಗಿ ಬಂದ ಕಾರೊಂದು ಹರಿದಿತ್ತು. ಗಂಭೀರವಾಗಿ ಗಾಯಗೊಂಡಿದ್ದ ಯುವತಿಯನ್ನು ದೆಹಲಿಯ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.
ಆಕೆಯ ಮೇಲೆ ಇಬ್ಬರು ಸ್ನೇಹಿತರಿಂದ ಅತ್ಯಾಚಾರ ನಡೆದಿತ್ತು. ಆಕೆ ನೊಯ್ಡಾದಲ್ಲಿ ಕೆಲಸ ಮಾಡುತ್ತಿದ್ದರು. ಆಕೆಯ ಕಚೇರಿಯಲ್ಲಿ ಕೆಲಸ ಮಾಡುವವರು, ಆಕೆಯ ಸ್ನೇಹಿತ ನಾಲ್ವರಿಗೂ ಅಪಘಾತವಾಗಿತ್ತು.
ರಸ್ತೆಯಲ್ಲಿ ಅಡ್ಡಾದಿಡ್ಡಿ ಕಾರು ಚಲಾಯಸಿ ಓರ್ವನ ಪ್ರಾಣ ತೆಗೆದ ಟೆಕ್ಕಿ
ಮಥುರಾದಿಂದ ಮನೆಗೆ ಹಿಂದಿರುತ್ತಿದ್ದಾಗ ಯಮುನಾ ಎಕ್ಸ್ಪ್ರೆಸ್ ವೇ ಬಳಿ ಅಪಘಾತ ಸಂಭವಿಸಿದೆ. ಆಕೆಯ ಮಥುರಾ ಟ್ರಿಪ್ ಬಗ್ಗೆ ಮನೆಯವರಿಗೆ ತಿಳಿಸಿರಲಿಲ್ಲ. ನಾಲ್ವರು ಎರಡು ಬೈಕ್ಗಳಲ್ಲಿ ತೆರಳಿದ್ದರು.
ಮನೆಗೆ ಹಿಂದಿರುಗುತ್ತಿದ್ದಾಗ ರೆಸ್ಟ್ರೂಮಿಗೆ ಹೋಗಬೇಕು ಗಾಡಿ ನಿಲ್ಲಿಸು ಎಂದು ಸ್ನೇಹಿತನ ಬಳಿ ಹೇಳಿದ್ದಳು. ಆಕೆ ರಸ್ತೆ ದಾಟುತ್ತಿದ್ದಾಗ ವೇಗವಾಗಿ ಬರುತ್ತಿದ್ದ ಕಾರೊಂದು ಬಂದು ಗುದ್ದಿತ್ತು.
ಇನ್ನುಳಿದವರು ಆ ಸ್ಥಳದ ಹತ್ತಿರದಲ್ಲೇ ಇದ್ದರು. ತಕ್ಷಣವೇ ಆಕೆಯನ್ನು ಕೈಲಾಸ್ ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ ಆಕೆಯ ಜೊತೆಗೆ ತೆರಳಿದ್ದ ಇಬ್ಬರು ಸ್ನೇಹಿತರಿಂದ ಆಕೆಯ ಮೇಲೆ ಅತ್ಯಾಚಾರ ನಡೆದಿದೆ ಎಂದು ಅವರು ದೂರಿದ್ದಾರೆ.
ಮರಣೋತ್ತರ ಪರೀಕ್ಷೆಯ ವರದಿ ಇನ್ನೇನು ಬರಬೇಕಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.