ಕಚೇರಿಯ ಚೌಕೀದಾರನಿಗೆ ರಾಜೀನಾಮೆ ಪತ್ರ ನೀಡಿ ಪಕ್ಷ ತೊರೆದ ಬಿಜೆಪಿ ಸಂಸದ

ಲಕ್ನೋ, ಮಾರ್ಚ್ 27: ಬಿಜೆಪಿ ಸಂಸದೊಬ್ಬರು ಬಹು ವಿಭಿನ್ನವಾಗಿ ರಾಜೀನಾಮೆ ನೀಡಿ ಗಮನಸೆಳೆದಿದ್ದಾರೆ. ಬಿಜೆಪಿ ಪಕ್ಷದ ಕಚೇರಿಯ ಚೌಕೀದಾರನಿಗೆ ರಾಜೀನಾಮೆ ಪತ್ರವನ್ನು ನೀಡಿ ಅವರು ಪಕ್ಷ ತೊರೆದಿದ್ದಾರೆ.

ಉತ್ತರ ಪ್ರದೇಶದ ಹರ್ಡೋಯಿ ಕ್ಷೇತ್ರದಿಂದ ಕಳೆದ ಚುನಾವಣೆಯಲ್ಲಿ ಗೆದ್ದಿದ್ದ ಅಂಶುಲ್ ವರ್ಮಾ ಅವರು ಹೀಗೆ ಭಿನ್ನವಾಗಿ ರಾಜೀನಾಮೆ ನೀಡಿ ಗಮನ ಸೆಳೆದಿದ್ದಾರೆ. ಅವರಿಗೆ ಈ ಬಾರಿ ಟಿಕೆಟ್ ನೀಡಲಾಗಿಲ್ಲ ಹಾಗಾಗಿ ಅವರು ಪಕ್ಷಕ್ಕೆ ರಾಜೀನಾಮೆ ನೀಡಿದ್ದಾರೆ.

BJP's Hardoi MP Anshul Verma handed his resignation to Chowkidaar at BJP office. He is confused after so much Chowkidaars in BJP but he chooses Asli Chowkidaar... pic.twitter.com/z35nM2BSOc

— Prashant Kanojia (@PJkanojia) March 27, 2019

ಅಂಶುಲ್ ವರ್ಮಾ ಅವರು ಲಕ್ನೋದ ಬಿಜೆಪಿ ಕಚೇರಿಯ ವಾಚ್‌ಮನ್ (ಚೌಕೀದಾರ್‌)ಗೆ ರಾಜೀನಾಮೆ ನೀಡುತ್ತಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಮೋದಿ ಅವರು 'ಮೇ ಭೀ ಚೌಕೀದಾರ್' ಅಭಿಯಾನ ಪ್ರಾರಂಭಿಸಿದ್ದರು, ಅದಕ್ಕೆ ವ್ಯಂಗ್ಯವಾಗಿ ಅಂಶುಲ್ ವರ್ಮಾ ಅವರು ಹೀಗೆ ಮಾಡಿದ್ದಾರೆ.

ಅಂಶುಲ್ ವರ್ಮಾ ಅವರು ಸಮಾಜವಾದಿ ಪಕ್ಷ ಸೇರಿದ್ದು, ಇಂದೇ ಅಖಿಲೇಶ್ ಯಾದವ್ ಅವರ ಜೊತೆ ಸುದ್ದಿಗೋಷ್ಠಿ ನಡೆಸಿ ಪಕ್ಷ ಸೇರ್ಪಡೆಯನ್ನು ಅಧಿಕೃತಗೊಳಿಸಿದ್ದಾರೆ.

English summary

Uttar Pradesh Hardoi constituency BJP MP Anshul Verma handed over his resignation to Lucknow BJP party office security guard (Chowkidar).