ಕೊರೊನಾ ಲಸಿಕೆ ಪಡೆದ ಬ್ರಿಟಿನ್ ರಾಣಿ ಎಲಿಜಬೆತ್ ಹಾಗೂ ರಾಜ ಫಿಲಿಪ್
ಲಂಡನ್, ಜನವರಿ 10: ಬ್ರಿಟನ್ ರಾಣಿ ಎರಡನೇ ಎಜಿಜಬೆತ್ ಹಾಗೂ ರಾಜ ಫಿಲಿಪ್ ಕೊರೊನಾ ಲಸಿಕೆ ಪಡೆದುಕೊಂಡಿದ್ದಾರೆ. ಈ ಬಗ್ಗೆ ಬಕ್ಕಿಂಗ್ ಹ್ಯಾಮ್ ಪ್ಯಾಲೇಸ್ ಅಧಿಕೃತ ಮಾಹಿತಿ ನೀಡಿದೆ.
ರಾಣಿ ಎಲಿಜಬೆತ್ ಹಾಗೂ ಫಿಲಿಪ್ ತಮ್ಮ ವಯಸ್ಸಿನ ಕಾರಣದಿಂದಾಗಿ ಕೊರೊನಾ ಸಾಂಕ್ರಾಮಿಕದ ಬಹುತೇಕ ಭಾಗ ವಿಂಡ್ಸರ್ನಲ್ಲಿ ಸ್ವಯಂ ಕ್ವಾರಂಟೈನ್ನಲ್ಲಿ ಕಳೆದಿದ್ದಾರೆ. ಈ ವರ್ಷ ಅವರು ತಮ್ಮ ಸಾಂಪ್ರದಾಯಿಕ ಫ್ಯಾಮಿಲಿ ಕ್ರಿಸ್ಮಸ್ ಆಚರಣೆಯನ್ನೂ ಕೂಡ ರದ್ದು ಮಾಡಿದ್ದರು.
ಕೋವ್ಯಾಕ್ಸಿನ್ ಲಸಿಕೆ ಪ್ರಯೋಗಕ್ಕೆ ಒಳಪಟ್ಟಿದ್ದ ವ್ಯಕ್ತಿ ಸಾವು
ಇಂಗ್ಲೆಂಡ್ನಲ್ಲಿ ಈವರೆಗೆ 15 ಲಕ್ಷ ಮಂದಿ ಕೊರೊನಾ ಲಸಿಕೆ ಪಡೆದಿದ್ದಾರೆ. ಮೊದಲ ಹಂತದಲ್ಲಿ ವೃದ್ಧರು ಆರೋಗ್ಯ ಸಿಬ್ಬಂದಿಗೆ ಆದ್ಯತೆ ಮೇರೆಗೆ ಲಸಿಕೆ ನೀಡಲಾಗುತ್ತದೆ.ಬ್ರಿಟನ್ನಲ್ಲಿ ಈವರೆಗೆ 30 ಲಕ್ಷ ಕೊರೊನಾ ಪ್ರಕರಣಗಳು ದಾಖಲಾಗಿವೆ.
ವಿಂಡ್ಸರ್ ಕ್ಯಾಸಲ್ನಲ್ಲಿ ರಾಜಮನೆತನದ ವೈದ್ಯ 94 ವರ್ಷದ ರಾಣಿ ಎಲಿಜಬೆತ್ ಹಾಗೂ 99 ವರ್ಷದ ರಾಜಫಿಲಿಪ್ ಅವರಿಗೆ ಚುಚ್ಚುಮದ್ದು ನೀಡಲಾಗಿದೆ.
ಈ ಪುಟಾಣಿಯ ತೊದಲು ನುಡಿ ಕೇಳಿ ಮೂರು ವರ್ಷವಾಯಿತು
ಯಾವುದೇ ಅನುಮಾನ ಹಾಗೂ ವದಂತಿಗಳು ಹಬ್ಬಬಾರದು ಎಂಬ ಉದ್ದೇಶದಿಂದ ತಾವು ಲಸಿಕೆ ಪಡೆದ ವಿಚಾರವನ್ನು ಸಾರ್ವಜನಿಕವಾಗಿ ಬಹಿರಂಗಪಡಿಸುವಂತೆ ರಾಣಿ ನಿರ್ಧರಿಸಿದ್ದರು.