ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಬಿ.ಪಿಯ ಲಂಡನ್ ಕೇಂದ್ರ ಕಚೇರಿ ಬಂದ್ ಮಾಡಿಸಿದ ಹವಾಮಾನ ಹೋರಾಟಗಾರರು

|
Google Oneindia Kannada News

ಲಂಡನ್, ಫೆಬ್ರವರಿ 5: ಹವಾಮಾನ ಪರ ಹೋರಾಟಗಾರರ ಪ್ರತಿಭಟನೆಗೆ ಬೆದರಿ ಲಂಡನ್‌ನಲ್ಲಿನ ಬಹುರಾಷ್ಟ್ರೀಯ ತೈಲ ಮತ್ತು ಅನಿಲ ಕಂಪೆನಿ ಬಿ.ಪಿಯ ಕೇಂದ್ರ ಕಚೇರಿಯನ್ನು ತಾತ್ಕಾಲಿಕವಾಗಿ ಬಂದ್ ಮಾಡಿದ ಘಟನೆ ಬುಧವಾರ ನಡೆದಿದೆ.

ಗ್ರೀನ್ ಪೀಸ್ ಸಂಸ್ಥೆಯ ನೂರಕ್ಕೂ ಹೆಚ್ಚು ಪ್ರತಿಭಟನಾಕಾರರು ಸೇಂಟ್ ಜೇಮ್ಸ್‌ ಸ್ಕ್ವೇರ್‌ನಲ್ಲಿರುವ ಬಿ.ಪಿಯ ಲಂಡನ್ ಕೇಂದ್ರ ಕಚೇರಿಯ ಮುಂದೆ ಸುಮಾರು 500 ಸೋಲಾರ್ ಪ್ಯಾನೆಲ್‌ಗಳನ್ನು ಇರಿಸುವ ಮೂಲಕ ಮುಖ್ಯ ಪ್ರವೇಶ ಭಾಗವನ್ನು ಮುಚ್ಚಲು ಪ್ರಯತ್ನಿಸಿದರು. ಬಿ.ಪಿಯ ಮುಖ್ಯ ಕಾರ್ಯನಿರ್ವಾಹಕ ಬರ್ನಾರ್ಡ್ ಲೂನಿ ಕಚೇರಿ ಪ್ರವೇಶಿಸಿದ ಮೊದಲ ದಿನವೇ ಈ ಘಟನೆ ನಡೆದಿದೆ.

ಸಮುದ್ರದ ಉಷ್ಣತೆ ಹೆಚ್ಚಳ 3.6 ಬಿಲಿಯನ್ ಹಿರೋಶಿಮಾ ಬಾಂಬ್ ದಾಳಿಗೆ ಸಮಸಮುದ್ರದ ಉಷ್ಣತೆ ಹೆಚ್ಚಳ 3.6 ಬಿಲಿಯನ್ ಹಿರೋಶಿಮಾ ಬಾಂಬ್ ದಾಳಿಗೆ ಸಮ

ಕೆಲವರು ರಸ್ತೆ ಮತ್ತು ಇತರೆ ಮಾರ್ಗಗಳಲ್ಲಿ ಸೋಲಾರ್ ಪ್ಯಾನಲ್‌ಗಳನ್ನು ಅಡ್ಡಲಾಗಿ ಹಿಡಿದು ಅಡಿಯಲ್ಲಿ ಕುಳಿತುಕೊಂಡರು. ಇನ್ನು ಕೆಲವರು ಬಿ.ಪಿ. ಲೋಗೋ ಇರುವ ತೈಲ ಬ್ಯಾರೆಲ್‌ಗಳನ್ನು ಕಟ್ಟಡದ ಆರು ಬಾಗಿಲುಗಳಿಗೆ ಅಡ್ಡ ಇರಿಸಿ ಸಿಬ್ಬಂದಿ ಒಳ ಪ್ರವೇಶಿಸದಂತೆ ತಡೆದರು. ಬಳಿಕ ಘೋಷಣೆಗಳನ್ನು ಕೂಗಿದರು. ಪೊಲೀಸರು ಒಂಬತ್ತು ಕಾರ್ಯಕರ್ತರನ್ನು ಬಂಧಿಸಿದ್ದಾರೆ.

 Greenpeace Climate Protest Blocks BP HQ On CEOs First Day

ಹವಾಮಾನ ವೈಪರೀತ್ಯ ಸಂಬಂಧ 2015ರ ಪ್ಯಾರಿಸ್ ಒಪ್ಪಂದಕ್ಕೆ ಬದ್ಧರಾಗುವಂತೆ ಹವಾಮಾನ ಹೋರಾಟಗಾರರು ಬಿ.ಪಿ. ಮೇಲೆ ಒತ್ತಡ ಹೇರುತ್ತಿದ್ದಾರೆ. ಬಿ.ಪಿ. ಪ್ರಾಯೋಜಕತ್ವದ ಕಾರ್ಯಕ್ರಮಗಳಿಗೆ ತೆರಳಿ ಅಲ್ಲಿ ಪ್ರತಿಭಟನೆಗಳನ್ನು ನಡೆಸುತ್ತಿದ್ದಾರೆ.

ಪ್ರವಾಹ ಆಯ್ತು, ಮುಂದೆ ಕಾದಿದೆ ಬಿಸಿ ಗಾಳಿಯ ಅಪಾಯ: ಜಾಗತಿಕ ತಾಪಮಾನ ವರದಿಪ್ರವಾಹ ಆಯ್ತು, ಮುಂದೆ ಕಾದಿದೆ ಬಿಸಿ ಗಾಳಿಯ ಅಪಾಯ: ಜಾಗತಿಕ ತಾಪಮಾನ ವರದಿ

ಹೊಸ ಅನಿಲ ಮತ್ತು ತೈಲ ಯೋಜನೆಗೆ ಬಿ.ಪಿ. 71 ಬಿಲಿಯನ್ ಡಾಲರ್ ಹಣ ವಿನಿಯೋಗಿಸಲು ಚಿಂತನೆ ನಡೆಸಿದೆ. ಹೀಗೆ ಕಚ್ಚಾ ತೈಲಗಳನ್ನು ಉರಿಸುವ ಮೂಲಕ ನಾವು ತಾಪಮಾನ ಹೆಚ್ಚಿಸುತ್ತಿದ್ದೇವೆ. ಇಷ್ಟು ಹಣ ವಿನಿಯೋಗಿಸುವ ಕಂಪೆನಿಗೆ ತಾಪಮಾನ ತಗ್ಗಿಸುವ ಬಗ್ಗೆ ಕಾಳಜಿ ಇಲ್ಲ ಎಂದು ಆರೋಪಿಸಿದ್ದಾರೆ.

English summary
Greenpeace climate activists on Wednesday shuts down BP's London HQ on CEO's first day in office.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X