ಕೊರೊನಾ ಹೊಸ ಲಸಿಕೆ:ಇಂಗ್ಲೆಂಡ್ನಲ್ಲಿ ಮನುಷ್ಯರ ಮೇಲೆ ಪ್ರಯೋಗ ಆರಂಭ
ಲಂಡನ್, ಜೂನ್ 25: ಜಗತ್ತಿನಲ್ಲಿ ಲಕ್ಷಾಂತರ ಜನರ ಸಾವಿಗೆ ಕಾರಣವಾಗಿರುವ ಕೊರೊನಾವೈರಸ್ ವಿರುದ್ಧ ಪರಿಣಾಮಕಾರಿ ಲಸಿಕೆ ಕಂಡುಹಿಡಿಯಲು ಪ್ರತಿ ದೇಶಗಳು ಪ್ರಯತ್ನಿಸುತ್ತಿವೆ. ಇದೇ ಸಾಲಿನಲ್ಲಿ ಇಂಗ್ಲೆಂಡ್, ಹೊಸ ಲಸಿಕೆಯನ್ನು ತಯಾರಿಸಿದ್ದು, ಪ್ರಾಣಿಗಳ ಮೇಲೆ ಪ್ರಯೋಗ ಯಶಸ್ವಿಯಾದ ಬಳಿಕ ಮನುಷ್ಯರ ಮೇಲೆ ಪ್ರಯೋಗ ನಡೆಸಿದೆ.
Recommended Video
ಲಂಡನ್ನ ಇಂಪೀರಿಯಲ್ ಕಾಲೇಜಿನಲ್ಲಿ ರಾಬಿನ್ ಶಟ್ಟಾಕ್ ಮತ್ತು ಅವರ ಸಹೋದ್ಯೋಗಿಗಳ ನೇತೃತ್ವದ ವಿಚಾರಣೆಯ ಭಾಗವಾಗಿ ಮುಂಬರುವ ವಾರಗಳಲ್ಲಿ ಸುಮಾರು 300 ಜನರಿಗೆ ಈ ಲಸಿಕೆ ನೀಡಲಾಗುವುದು. 300 ಸ್ವಯಂಸೇವಕರು ಈ ಹೊಸ ಲಸಿಕೆ ಪಡೆಯಲು ಮುಂದೆ ಬಂದಿದ್ದು, ಇವರಿಂದಲೇ ಪ್ರಾರಂಭವಾಗಲಿದೆ.
ಕೊವಿಡ್ 19: ಯಾವ ಯಾವ ದೇಶಗಳಲ್ಲಿ ಅತಿ ಹೆಚ್ಚು ಸಾವು
ಈ ಹಿಂದೆ ಈ ಲಸಿಕೆಯು ಪ್ರಾಣಿಗಳ ಮೇಲೆ ಸುರಕ್ಷಿತವೆಂದು ಸೂಚಿಸುತ್ತದೆ ಮತ್ತು ಪರಿಣಾಮಕಾರಿ ರೋಗನಿರೋಧಕ ಪ್ರತಿಕ್ರಿಯೆಯನ್ನು ಪ್ರಚೋದಿಸುತ್ತದೆ. ಹೀಗಾಗಿ ಆಕ್ಸ್ಫರ್ಡ್ ವಿಶ್ವವಿದ್ಯಾಲಯದ ತಜ್ಞರು ಈಗಾಗಲೇ ಮಾನವ ಪ್ರಯೋಗಗಳನ್ನು ಪ್ರಾರಂಭಿಸಿದ್ದಾರೆ ಎಂದು ಬಿಬಿಸಿ ಬುಧವಾರ ವರದಿ ಮಾಡಿದೆ.
ಪ್ರಪಂಚದಾದ್ಯಂತ ಈಗಾಗಲೇ ಪ್ರಯೋಗಗಳು ಹೆಚ್ಚಾಗಿದ್ದು, ಸುಮಾರು 120 ಲಸಿಕೆ ಕಾರ್ಯಕ್ರಮಗಳು ನಡೆಯುತ್ತಿವೆ. ಫೈನಾನ್ಸ್ನಲ್ಲಿ ಕೆಲಸ ಮಾಡುವ 39 ವರ್ಷದ ಕ್ಯಾಥಿ ಎಂಬುವವರು ಈ ಲಸಿಕೆ ಪಡೆಯುವ ಸ್ವಯಂಸೇವಕರಲ್ಲಿ ಮೊದಲಿಗರು
ಬ್ರಿಟನ್ ಪ್ರಧಾನಿ ಚೇತರಿಕೆ, ಸೋಮವಾರದಿಂದ ಕರ್ತವ್ಯಕ್ಕೆ ಹಾಜರ್
ಮೊದಲ ಹಂತದ ಪ್ರಯೋಗ ಯಶಸ್ವಿಯಾದ ಬಳಿಕ, 6,000 ಜನರನ್ನು ಒಳಗೊಂಡಂತೆ ಅಕ್ಟೋಬರ್ನಲ್ಲಿ ಮತ್ತೊಂದು ಪ್ರಯೋಗವನ್ನು ಯೋಜಿಸಲಾಗಿದೆ. ಲಸಿಕೆಯನ್ನು 2021 ರ ಆರಂಭದಿಂದ ಯುಕೆ ಮತ್ತು ವಿದೇಶಗಳಲ್ಲಿ ವಿತರಿಸಬಹುದೆಂದು ಇಂಪೀರಿಯಲ್ ತಂಡ ಆಶಿಸಿದೆ.