ಹವಾಮಾನ ಬದಲಾವಣೆ: ಮೇ 21ರ ನಂತರ 'ರಕ್ತ ಮಳೆ' ಎಚ್ಚರಿಕೆ
ಲಂಡನ್ ಮೇ 21: ಹವಾಮಾನ ಬದಲಾವಣೆಯು ಹವಾಮಾನವನ್ನು ಅಸಾಮಾನ್ಯವಾಗಿಸಿದೆ. ಎಲ್ಲೋ ಮಳೆ. ಮತ್ತೆಲ್ಲ ಮಳೆ ಬಾರದೆ ಹನಿ ಹನಿ ನೀರಿಗಾಗಿ ಹಾತೊರೆಯುವ ಜನ. ಅಸ್ಸಾಂನಲ್ಲಿ ಸುರಿದ ಭೀಕರ ಅಕಾಲಿಕ ಮಳೆಯಿಂದ ಆಗಿರುವ ಅನಾಹುತಕ್ಕೆ ಇಡೀ ದೇಶವೇ ಸಾಕ್ಷಿಯಾಗಿದೆ. ಆದರೆ ಕಳೆದ ವಾರ ರಾಜಧಾನಿಯಲ್ಲಿ ತಾಪಮಾನ 50 ಡಿಗ್ರಿ ತಲುಪಿದೆ. ಈಗ ಯುಕೆಯಲ್ಲಿ 'ಬ್ಲೇಡ್ ಮಳೆ' ಎಚ್ಚರಿಕೆ ನೀಡಲಾಗಿದೆ. ಎಲ್ಲೋ ಜಾಗತಿಕ ತಾಪಮಾನ ಮತ್ತು ಹವಾಮಾನ ಬದಲಾವಣೆಯು ರಕ್ತದ ಮಳೆ ಅಥವಾ ರಕ್ತದಂತಹ ಮಳೆಗೆ ಕಾರಣವಾಗಿದೆ. ರಕ್ತದ ಮಳೆ ಎಂದರೇನು ಮತ್ತು ಯುಕೆಯಲ್ಲಿ ಅದರ ಬಗ್ಗೆ ಏನು ಹೇಳಲಾಗಿದೆ ಎಂದು ತಿಳಿಯೋಣ.
ಜಾಗತಿಕ ತಾಪಮಾನ ಏರಿಕೆಯಿಂದಾಗಿ ಭೂಮಿಯ ಪ್ರತಿಯೊಂದು ಮೂಲೆಯೂ ಹವಾಮಾನ ಬದಲಾವಣೆಯ ಬಿಕ್ಕಟ್ಟನ್ನು ಎದುರಿಸುತ್ತಿದೆ. ಹವಾಮಾನದಲ್ಲಿ ಅನಿರೀಕ್ಷಿತ ಬದಲಾವಣೆಗಳಾಗುತ್ತಿದೆ. ಹವಾಮಾನ ವೈಪರೀತ್ಯಗಳು ಪ್ರಪಂಚದಾದ್ಯಂತ ಹಾನಿಯನ್ನುಂಟುಮಾಡುತ್ತಿವೆ. ಆದ್ದರಿಂದ ಶೀತ ದೇಶಗಳಲ್ಲಿ ಸಹ ಸಾಮಾನ್ಯಕ್ಕಿಂತ ಹೆಚ್ಚು ಬಿಸಿ ಶಾಖ ನಿರ್ಮಾಣವಾಗುತ್ತಿದೆ ಮತ್ತು ಬಿಸಿ ದೇಶಗಳಲ್ಲಿ ಸಹ ಹವಾಮಾನದಲ್ಲಿ ಸಾಕಷ್ಟು ಬದಲಾವಣೆ ಕಂಡುಬರುತ್ತದೆ. ಬ್ರಿಟನ್ ನಂತಹ ತಂಪು ವಾತಾವರಣ ಹೊಂದಿರುವ ದೇಶವೂ ಇತ್ತೀಚಿನ ದಿನಗಳಲ್ಲಿ ಬಿಸಿಲಿನ ತಾಪಕ್ಕೆ ತುತ್ತಾಗಿದ್ದು, ಪ್ರಕಾಶಮಾನವಾದ ಬಿಸಿಲು ಅಲ್ಲಿನ ಜನರಲ್ಲಿ ಅಚ್ಚರಿ ಮೂಡಿಸಿದೆ. ಮೇ 17 ರಂದು UK ಯಲ್ಲಿ ವರ್ಷದ ಅತ್ಯಂತ ಬಿಸಿಯಾದ ದಿನವನ್ನು ದಾಖಲಾಗಿದೆ. ದೇಶದಾದ್ಯಂತ ಗುಡುಗು, ಧೂಳಿನ ಬಿರುಗಾಳಿ ಮತ್ತು ಮಳೆ ಸಹ ಏಕಕಾಲದಲ್ಲಿ ಕಂಡುಬರುತ್ತಿದೆ. ಮಿರರ್ ವರದಿ ಪ್ರಕಾರ, ಇದೆಲ್ಲದರ ನಡುವೆ ಇಲ್ಲಿನ ಹವಾಮಾನ ಇಲಾಖೆ ಅಪರೂಪದ ಹವಾಮಾನದ ಮುನ್ಸೂಚನೆ ನೀಡಿದೆ.
ಮಂಕಿಪಾಕ್ಸ್: ಚಿಕಿತ್ಸೆ ಮತ್ತು ಲಸಿಕೆ- ಇಲ್ಲಿದೆ ಎಲ್ಲಾ ವಿವರ
ಅಪರೂಪದ ಮಳೆ
ಯುಕೆ ಹವಾಮಾನ ಇಲಾಖೆಯು ಶೀಘ್ರದಲ್ಲೇ ದೇಶದ ಕೆಲವು ಸ್ಥಳಗಳಲ್ಲಿ 'ಬ್ಲೇಡ್ ರೇನ್' ಮುನ್ಸೂಚನೆ ನೀಡಿದೆ. 'ರಕ್ತದಂತಹ ಮಳೆ' ಕೇಳಲು ಇದು ತುಂಬಾ ವಿಚಿತ್ರವಾಗಿದೆ. ಆದರೆ ವಾಸ್ತವದಲ್ಲಿ ಯಾವುದೇ ರಕ್ತವು ಆಕಾಶದಿಂದ ಬೀಳುವುದಿಲ್ಲ. ಆದರೆ ಇದು ಖಂಡಿತವಾಗಿಯೂ ಅಪರೂಪದ ನೈಸರ್ಗಿಕ ವಿದ್ಯಮಾನವಾಗಿದೆ. ಇದು ಅಪರೂಪವಾಗಿ ಕಂಡುಬರುವ ಮಳೆಯಾಗಿದೆ. ರಕ್ತದ ಮಳೆ ಎಂದರೆ ಏನೆಂದು ತಿಳಿಯಬೇಕು? UK ಯ ಯಾವ ಪ್ರದೇಶದಲ್ಲಿ ಮತ್ತು ಯಾವಾಗ ರಕ್ತದ ಹನಿಗಳು ಆಕಾಶದಿಂದ ತೊಟ್ಟಿಕ್ಕುತ್ತವೆ.
ಬ್ಲೇಡ್ ರೇನ್
ರಕ್ತ ಮಳೆ ಎಂಬ ಪದವನ್ನು ಆಕಾಶದಿಂದ ಬರುವ ಕೆಂಪು ಮಳೆಗೆ ಬಳಸಲಾಗುತ್ತದೆ. ಇದು ಗಾಳಿಯಲ್ಲಿ ಇರುವ ಧೂಳಿನಿಂದ ಗೂಡಿರುತ್ತದೆ. ಜೋರಾದ ಗಾಳಿ ಮತ್ತು ಬಿರುಗಾಳಿಗೆ ಧೂಳಿನ ಕಣಗಳು ಮತ್ತು ಮರಳು ಹಾರಿಹೋಗಿ ಮಳೆಯ ಜೊತೆಗೆ ನೆಲದ ಮೇಲೆ ಬಿದ್ದಾಗ, ಅದು ರಕ್ತದ ಮಳೆಯಂತೆ ಕಾಣಿಸುತ್ತದೆ. ಹವಾಮಾನ ಕಚೇರಿಯ ಪ್ರಕಾರ, 'ರಕ್ತ ಮಳೆ ಎಂಬುದು ಆಡು ಪದವಾಗಿದೆ ಮತ್ತು ವಾಸ್ತವವಾಗಿ ಹವಾಮಾನಕ್ಕೆ ಸಂಬಂಧಿಸಿದ ಅಥವಾ ವೈಜ್ಞಾನಿಕ ಪದವಲ್ಲ'. ಇದೊಂದು ರಕ್ತ ಬಣ್ಣದ ಮಳೆ ಅಷ್ಟೇ. 'ತುಲನಾತ್ಮಕವಾಗಿ ಹೆಚ್ಚಿನ ಸಾಂದ್ರತೆಯ ಕೆಂಪು ಧೂಳು ಅಥವಾ ಕಣಗಳು ಮಳೆನೀರಿನೊಂದಿಗೆ ಬೆರೆತಾಗ ಬೀಳುವ ಮಳೆಯು ಕೆಂಪು ಬಣ್ಣದ್ದಾಗಿರುತ್ತದೆ' ಎಂದು ಯುಕೆ ಹವಾಮಾನ ಕಚೇರಿ ಹೇಳುತ್ತದೆ.
ಸಾಮಾನ್ಯ ಮಳೆ ಹೇಗಿರುತ್ತದೆ?
ಸಾಮಾನ್ಯ ಮಳೆ ನೀರು ಕೆಲವೊಮ್ಮೆ ಶುದ್ಧ ನೀರನ್ನು ಒಳಗೊಂಡಿರುತ್ತಾರೆ. ಕೆಲವೊಮ್ಮೆ ಧೂಳಿನಿಂದಲೂ ಮಳೆ ಕೂಡಿರಬಹುದು. ಆದರೆ, ಅದು ಕೆಂಪು ಬಣ್ಣದ್ದಾಗಿರುವುದಿಲ್ಲ. ಆದರೆ ಬ್ರಿಟನ್ನಿನಲ್ಲಿ ಸಹಾರಾ ಮರುಭೂಮಿಯಿಂದ ಬರುವ ಧೂಳಿನೊಂದಿಗೆ ಈ ಕೆಂಪು ಬಣ್ಣದ ಮಳೆಯಾಗುತ್ತದೆ. ಕೆಲವೊಮ್ಮೆ ಇಲ್ಲಿ ಮಳೆಯಾಗುತ್ತದೆ, ಆದರೆ ಅದು ಕೆಂಪು ಇರುವುದಿಲ್ಲ. ಮೆಟ್ ಆಫೀಸ್ ವೆಬ್ಸೈಟ್ ಪ್ರಕಾರ, "ನಾವು ಸಾಮಾನ್ಯವಾಗಿ ನೋಡುವ ಧೂಳು ಹಳದಿ ಅಥವಾ ಕಂದು ಬಣ್ಣದ್ದಾಗಿದೆ ಮತ್ತು ಸಣ್ಣ ಪ್ರಮಾಣದ ಮಳೆಯಾದಾಗ ಅದು ಸಾಮಾನ್ಯವಾಗಿ ಕಾಣುತ್ತದೆ. ಮಳೆ ನೀರು ಆವಿಯಾಗಿ ಧೂಳಿನ ಪದರವು ನಿಮ್ಮ ಕಾರು ಅಥವಾ ಗಾಜಿನ ಮೇಲೆ ನೆಲೆಗೊಂಡಾಗ ಮಾತ್ರ ವ್ಯತ್ಯಾಸ ತಿಳಿಯುತ್ತದೆ. ಆದರೆ, ರಕ್ತದ ಮಳೆಯಲ್ಲಿ ಕೆಂಪು ಕಣಗಳ ಹೆಚ್ಚಿನ ಸಾಂದ್ರತೆಯಿದ್ದರೆ, ಮಳೆಯ ಸಮಯದಲ್ಲಿಯೂ ಅದು ಕೆಂಪಾಗಿ ಕಾಣುತ್ತದೆ'.
ಎಲ್ಲೆಲ್ಲಿ ಈ ಮಳೆಯಾಗುತ್ತದೆ?
ಹವಾಮಾನ ಶಾಸ್ತ್ರಜ್ಞರ ಪ್ರಕಾರ, ಸಹಾರಾ ಮರುಭೂಮಿಯಿಂದ ಧೂಳಿನ ಮೋಡವು ಅಟ್ಲಾಂಟಿಕ್ ಸಾಗರದಲ್ಲಿ ಕೆರಿಬಿಯನ್ ಕಡೆಗೆ ಚಲಿಸುತ್ತಿದೆ ಮತ್ತು ಮೇ 20 ಶುಕ್ರವಾರ ಮತ್ತು ಮೇ 21 ರ ಶನಿವಾರದಂದು ಪಶ್ಚಿಮ ಯುರೋಪ್ನಿಂದ ಇಂಗ್ಲೆಂಡ್ನ ಆಗ್ನೇಯಕ್ಕೆ ಆಕಾಶವನ್ನು ಆವರಿಸಲಿದೆ. ಈ ಮೋಡವು ಜಿನುಗುವಿಕೆಯನ್ನು ಪ್ರಾರಂಭಿಸಬಹುದು ಮತ್ತು ಯುನೈಟೆಡ್ ಕಿಂಗ್ಡಮ್ನ ಅನೇಕ ಭಾಗಗಳು ಕೆಂಪು ಬಣ್ಣದ ಮಳೆಯನ್ನು ನೋಡಬಹುದು.
ಅಟ್ಲಾಂಟಿಕ್ನಾದ್ಯಂತ ಕೆಂಪು ಬಣ್ಣದ ಆಕಾಶ
UK ಯ CAMS ತನ್ನ ಹೇಳಿಕೆಯಲ್ಲಿ UK ಮತ್ತು ಕೆರಿಬಿಯನ್ನಲ್ಲಿ ಮಳೆಯಾಗದಿದ್ದರೂ ಸಹ, ಅಟ್ಲಾಂಟಿಕ್ನಾದ್ಯಂತ ಆಕಾಶವು ಅಸಾಮಾನ್ಯವಾಗಿ ಕೆಂಪು ಬಣ್ಣದಲ್ಲಿ ಕಾಣಿಸಬಹುದು ಎಂದು ಹೇಳಿದೆ. ಆದರೆ, ಈ ಅಸಾಮಾನ್ಯ ಹವಾಮಾನದ ಬಗ್ಗೆ ಅಂತರ್ಜಾಲದಲ್ಲಿ ಚರ್ಚೆ ನಡೆಯುತ್ತಿದೆ. ಇದು ಜಾಗತಿಕ ತಾಪಮಾನದ ಮತ್ತೊಂದು ಭಯಾನಕ ಕಥೆ ಎಂದು ಜನರು ಹೇಳುತ್ತಿದ್ದಾರೆ. ಮಳೆಯಲ್ಲಿ ಧೂಳು ಅಥವಾ ಮರಳು ಇರಬಹುದು. ಆದರೆ ಈಗ ಅದರ ಪ್ರಮಾಣ ಎಷ್ಟರಮಟ್ಟಿಗೆ ಹೆಚ್ಚಿದೆ ಎಂದರೆ ರಕ್ತದ ಮಳೆ ಸುರಿಯಲಾರಂಭಿಸಿದೆ ಎನ್ನುವ ಮಾತುಗಳು ಕೇಳಿಬರುತ್ತಿವೆ.