ಪಶ್ಚಿಮ ಬಂಗಾಳ ರಾಜ್ಯದ ಹೆಸರು ಬಾಂಗ್ಲಾ ಎಂದು ಬದಲಾವಣೆ!
ಕೋಲ್ಕತಾ, ಜುಲೈ 26: ಪಶ್ಚಿಮ ಬಂಗಾಳದ ವಿಧಾನಸಭೆ ಅಧಿವೇಶನದಲ್ಲಿ ಇಂದು(ಜುಲೈ 26) ರಾಜ್ಯದ ಹೆಸರನ್ನು ಪಶ್ಚಿಮ ಬಂಗಾಳದಿಂದ 'ಬಾಂಗ್ಲಾ' ಎಂದು ಬದಲಾಯಿಸಲು ಮಸೂದೆ ಮಂಡನೆ ಮಾಡಲಾಯಿತು. ರಾಜ್ಯದ ಹೆಸರು ಬದಲಾವಣೆಗೆ ಒಪ್ಪಿಗೆ ಕೋರಿ ಗೃಹ ಸಚಿವಾಲಯಕ್ಕೆ ಅಧಿಕೃತ ಮನವಿ ಸಲ್ಲಿಸಲಾಗಿದೆ.
ಈ ಹಿಂದೆ ಕೂಡಾ ಪಶ್ಚಿಮ ಬಂಗಾಳ ಹೆಸರನ್ನು ಬದಲಾಯಿಸಲು ಮಮತಾ ಬ್ಯಾನರ್ಜಿ ಅವರ ಸರ್ಕಾರ ಯತ್ನಿಸಿತ್ತು. ಇಂಗ್ಲೀಷಿನಲ್ಲಿ 'Bengal', ಬೆಂಗಾಲಿಯಲ್ಲಿ 'Bangla' ಹಾಗೂ ಹಿಂದಿಯಲ್ಲಿ ' Bangal' ಎಂದು ಬದಲಾಯಿಸಲು ಮನವಿ ಸಲ್ಲಿಸಲಾಗಿತ್ತು. ಆದರೆ, ಮೂರು ರೀತಿ ಸ್ಪೆಲ್ಲಿಂಗ್ ಇರುವ ಹೆಸರುಗಳನ್ನು ಒಪ್ಪಿಕೊಳ್ಳಲು ಸಾಧ್ಯವಿಲ್ಲ ಎಂದು ಗೃಹ ಸಚಿವಾಲಯ ಪ್ರತಿಕ್ರಿಯಿಸಿತ್ತು.
ಕಳೆದ ವರ್ಷ ಸೆಪ್ಟೆಂಬರ್ 8 ರಂದು ನಡೆದ ವಿಧಾನಸಭಾ ಅಧಿವೇಶನದಲ್ಲಿ ಎಲ್ಲಾ ಭಾಷೆಗಳಲ್ಲೂ 'ಬಾಂಗ್ಲಾ' (Bangla) ಎಂದು ಬಳಸಲು ಒಮ್ಮತದಿಂದ ನಿರ್ಣಯ ಕೈಗೊಳ್ಳಲಾಗಿತ್ತು. ಈಗ ಹೆಸರು ಬದಲಾವಣೆಗೆ ಗೃಹ ಸಚಿವಾಲಯವು ಒಪ್ಪಿಗೆ ಸೂಚಿಸಿದರೆ, ಪಶ್ಚಿಮ ಬಂಗಾಳದ ಹೆಸರು ಬಾಂಗ್ಲಾ ಎಂದು ಬದಲಾಗುತ್ತದೆ.