ಪಾಕಿಸ್ತಾನದ ಫೋಟೋ ಬಳಸಿ ಪಶ್ಚಿಮ ಬಂಗಾಳದ ಹಿಂಸಾಚಾರಕ್ಕೆ ಬಣ್ಣ
ನವ ದೆಹಲಿ, ಮೇ 14: ಸಾಮಾಜಿಕ ಜಾಲತಾಣಗಳಲ್ಲಿ ಒಂದಷ್ಟು ಮಂದಿ ಗಾಯಗೊಂಡ ಹಾಗೂ ಮನೆ ಸುಡುತ್ತಿರುವ ಫೋಟೋಗಳು ವೈರಲ್ ಆಗಿದ್ದು, ಇವು ಬಂಗಾಳದಲ್ಲಿ ಆದ ಹಿಂಸಾಚಾರದ ಫೋಟೋಗಳು ಎಂದು ಹೇಳಲಾಗಿತ್ತು.
ಪಶ್ಚಿಮ ಬಂಗಾಳದ ಹೂಗ್ಲಿ ಜಿಲ್ಲೆಯಲ್ಲಿ ನಡೆದ ಗಲಭೆಯ ಸಂದರ್ಭದಲ್ಲಿ ದಲಿತ ಹಿಂದೂಗಳನ್ನು ಹೇಗೆ ಥಳಿಸಲಾಯಿತು ಮತ್ತು ಅವರ ಮನೆಗಳಿಗೆ ಹೇಗೆ ಬೆಂಕಿ ಹಚ್ಚಲಾಯಿತು ಎಂದು ಸಾಮಾಜಿಕ ಮಾಧ್ಯಮದಲ್ಲಿ ಈ ಫೋಟೋಗಳನ್ನು ಅನೇಕ ಬಳಕೆದಾರರು ಹಂಚಿಕೊಂಡಿದ್ದರು.
ವಿಡಿಯೋ ಲೀಕ್ ಮಾಡಿ ನರೇಂದ್ರ ಮೋದಿ ಬಗ್ಗೆ ಅಪಪ್ರಚಾರ
ಆದರೆ, ಇವು ಫೇಕ್ ಫೋಟೋಗಳಾಗಿವೆ. ಅಂದಹಾಗೆ, ಈ ಫೋಟೋಗಳು ಪಶ್ಚಿಮ ಬಂಗಾಳದಲ್ಲ ಬದಲಿಗೆ ಪಾಕಿಸ್ತಾನದಾಗಿವೆ.
ವಾಯ್ಸ್ ಆಫ್ ಪಾಕಿಸ್ತಾನ್ ಟ್ವಿಟ್ಟರ್ ಖಾತೆಯಲ್ಲಿ ''ಮೇ 11 ರಂದು ಹಿಂದೂ ಸಮುದಾಯದ ಮೇಲೆ ಮತ್ತೊಮ್ಮೆ ದಾಳಿಯಾಗಿದೆ. ಗುಲಾಬ್ ಮತ್ತು ಅವರ ಪತ್ನಿ ಪಂಜಾಬ್ನ ರಹೀಮಿಯಾರ್ ಖಾನ್ನಲ್ಲಿ ನೆರೆಹೊರೆಯ ಗೂಂಡಾಗಳು ಹಲ್ಲೆ ನಡೆಸಿದ್ದಾರೆ. ಅವರ ಪತ್ನಿ ಸಾರ್ವಜನಿಕವಾಗಿ ಲೈಂಗಿಕ ದೌರ್ಜನ್ಯಕ್ಕೊಳಗಾಗಿದ್ದಾರೆ.'' ಎಂದು ಹೇಳಲಾಗಿತ್ತು.
Once again attack on #Hindu community, Gulab and his wife were attacked by neighborhood goons in Rahimyar khan, Punjab.
— Voice of Pakistan Minority (@voice_minority) May 11, 2020
His wife was sexually assaulted in front of Public.
Shame on you people who are torturing minorities in #Pakistan. @KashifMD @bilalfqi @NatashaFatah @AWGoraya pic.twitter.com/4m2wfeQJqB
ಈ ಟ್ವಿಟ್ಟರ್ ಪೋಸ್ಟ್ನ ಚಿತ್ರಗಳನ್ನು ಬಂಗಾಳದಲ್ಲಿ ನಡೆದ ಗಲಭೆಗಳಂತೆ ಬಳಸಲಾಗುತ್ತಿತ್ತು. ಆದರೆ, ಪಾಕಿಸ್ತಾನದಲ್ಲಿ ನಡೆದ ಈ ಘಟನೆಯನ್ನು ಹಲವಾರು ವೆಬ್ಸೈಟ್ಗಳು ವರದಿ ಮಾಡಿದ್ದವು. ವರದಿ ಪ್ರಕಾರ ಪಾಕಿಸ್ತಾನದಲ್ಲಿ ಮಕ್ಕಳು ಒಳಗೆ ಇದ್ದ 21 ಮನೆಗಳು ಸುಟ್ಟು ಹೋಗಿವೆ.
ಪಾಕಿಸ್ತಾನದ ಪಂಜಾಬ್ ಪೊಲೀಸರು ಈ ಘಟನೆ ಪಂಜಾಬ್ನ ರಹೀಂ ಯಾರ್ ಖಾನ್ನಲ್ಲಿ ನಡೆದಿದ್ದು, ಇದು ಹಿಂದೂ ಮತ್ತು ಮುಸ್ಲಿಂ ಕುಟುಂಬಗಳ ನಡುವಿನ ಭೂ ವಿವಾದ ಎಂದು ತಿಳಿಸಿದ್ದಾರೆ.