• search
  • Live TV
ಕೋಲ್ಕತಾ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಸಂಸ್ಕೃತದಲ್ಲಿ ಮಂತ್ರ ಹೇಳೋಣ ಬನ್ನಿ: ಮೋದಿ, ಅಮಿತ್ ಶಾಗೆ ಮಮತಾ ಸವಾಲು

|

ಕೋಲ್ಕತಾ, ಮಾರ್ಚ್ 20: ಸಂಸ್ಕೃತದಲ್ಲಿ ಬಹಿರಂಗ ಮಂತ್ರ ಪಠಣ ಮಾಡುವ ಸವಾಲನ್ನು ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ಪ್ರಧಾನಿ ನರೇಂದ್ರ ಮೋದಿ ಮತ್ತು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಶಾ ಅವರಿಗೆ ಒಡ್ಡಿದ್ದಾರೆ.

'ಪೂಜೆ ಎಂದರೆ ಕೇವಲ ತಿಲಕ ಇಡುವುದಲ್ಲ ಅಮಿತ್ (ಶಾ) ಬಾಬು ಮತ್ತು ಮೋದಿ ಬಾಬು (ನರೇಂದ್ರ ಮೋದಿ). ನನ್ನೊಂದಿಗೆ ಮಂತ್ರಗಳ ಸ್ಪರ್ಧೆ ಮಾಡಿ ಬನ್ನಿ. ಯಾರಿಗೆ ಸಂಸ್ಕೃತದ ಹೆಚ್ಚು ಮಂತ್ರಗಳು ತಿಳಿದಿವೆಯೋ ನೋಡೋಣ' ಎಂದು ಮಮತಾ ಕೋಲ್ಕತಾದಲ್ಲಿ ನಡೆದ ಸಮಾವೇಶದಲ್ಲಿ ಬಹಿರಂಗ ಸವಾಲು ಹಾಕಿದರು.

48 ಗಂಟೆಗಳ ಧರಣಿ ಆರಂಭಿಸಿದ ಟಿಎಂಸಿ, ನಾಟಕ ಎಂದ ಬಿಜೆಪಿ

ಮಮತಾ ಅವರ ಧರ್ಮದ ಬಗ್ಗೆ ಬಿಜೆಪಿ ಪ್ರಶ್ನೆ ಮಾಡಿದ್ದಕ್ಕಾಗಿ ಅವರು ಈ ಸವಾಲು ನೀಡಿದ್ದಾರೆ.

ಮಮತಾಗೆ ಭಾರಿ ಆಘಾತ: ಬಿಜೆಪಿ ಸೇರಿದ ಟಿಎಂಸಿ ಪ್ರಭಾವಿ ಮುಖಂಡ

'ಕೆಲವು ಜನರು ನನ್ನ ಧರ್ಮದ ಬಗ್ಗೆ ಪ್ರಶ್ನೆ ಮಾಡುತ್ತಿದ್ದಾರೆ. ಮಾನವೀಯತೆಯೇ ನನ್ನ ಧರ್ಮ ಎಂದು ನಾನು ಅವರಿಗೆ ಹೇಳಲು ಬಯಸುತ್ತೇನೆ. ಧರ್ಮದ ಬಗ್ಗೆ ಬೇರೆಯವರು ನನಗೆ ಉಪದೇಶ ಮಾಡುವುದನ್ನು ನಾನು ಕೇಳುವ ಅಗತ್ಯವಿಲ್ಲ. ಅವರು (ಬಿಜೆಪಿ) ನನ್ನ ಕಡೆಗೆ ಬೊಟ್ಟು ಮಾಡಿ, ಬಂಗಾಳದಲ್ಲಿ ನಾನು ಪೂಜೆಗೆ ಅವಕಾಶ ನೀಡುತ್ತಿಲ್ಲ ಎಂದು ಹೇಳಲು ಪ್ರಯತ್ನಿಸುತ್ತಿದ್ದಾರೆ. ತೃಣಮೂಲ ಕಾಂಗ್ರೆಸ್ ಆಡಳಿತದಲ್ಲಿ ಎಷ್ಟು ದೇವಸ್ಥಾನಗಳನ್ನು ನಿರ್ಮಿಸಲಾಗಿದೆ ಎಂಬುದನ್ನು ಅವರು ಹೋಗಿ ನೋಡಲಿ ಎಂದು ಆಗ್ರಹಿಸಿದರು.

ಯಾವುದೇ ಹೆಸರನ್ನು ಉಲ್ಲೇಖಿಸದ ಮಮತಾ, ಒಂದು ವರ್ಗದ ಜನರು ರಕ್ತದೊಂದಿಗೆ ಹೋಳಿ ಆಡುತ್ತಿದ್ದಾರೆ ಎಂದು ಆರೋಪಿಸಿದರು.

ತೃಣಮೂಲ ಕಾಂಗ್ರೆಸ್ಸಿನ 42 ಅಭ್ಯರ್ಥಿಗಳ ಪಟ್ಟಿ ಪ್ರಕಟಿಸಿದ ಮಮತಾ ಬ್ಯಾನರ್ಜಿ

ಬಣ್ಣಗಳೊಂದಿಗೆ ಹೋಳಿ ಮತ್ತು ಪರಿಶುದ್ಧ ಮನಸ್ಸಿನೊಂದಿಗೆ ಆಡುವುದನ್ನು ನಾನು ನಂಬುತ್ತೇನೆ. ಆದರೆ, ಒಂದು ವರ್ಗದ ಜನರು ಇತರರ ರಕ್ತದೊಂದಿಗೆ ಹೋಳಿ ಆಡುವುದನ್ನು ಬಯಸುತ್ತಾರೆ. ಬಿಜೆಪಿಯಂತಹ ಒಡೆಯುವ ಶಕ್ತಿಯಿಂದ ಕೋಮು ಸೌಹಾರ್ದದ ಅರ್ಥವನ್ನು ನಾನು ಕಲಿಯಬೇಕಾಗಿಲ್ಲ ಎಂದು ಖಾರವಾಗಿ ನುಡಿದರು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
West Bengal Chief Minister Mamata Banerjee threw a Sanksrit Mantra challenge at Prime Minister Narendra Modi and BJP President Amit Shah.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more