ಇದೇನಿದು? ಮಮತಾ ಬ್ಯಾನರ್ಜಿ ಹೆಸರಲ್ಲಿ ಬಿಜೆಪಿ ಸದಸ್ಯತ್ವದ ಕಾರ್ಡ್!
ಕೋಲ್ಕತ್ತಾ, ಜುಲೈ 10: ಬಿಜೆಪಿ ಸದಸ್ಯತ್ವ ಕಾರ್ಡಿನಲ್ಲಿ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರ ಹೆಸರು ಮತ್ತು ಫೋಟೊ ಇರುವ ಚಿತ್ರವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.
ಈ ಕುರಿತು ಪ್ರತಿಕ್ರಿಯೆ ನೀಡಿದ ಪಶ್ಚಿಮ ಬಂಗಾಳ ಶಿಕ್ಶಶಣ ಸಚಿವ ಪಾರ್ಥ ಚಟರ್ಜಿ, 'ಇದು ಬಿಜೆಪಿಯದೇ ಕುತಂತ್ರ, ನಾವು ಈ ಬಗ್ಗೆ ಸರಿಯಾದ ಕ್ರಮ ಕೈಗೊಳ್ಳುತ್ತೇವೆ ಎಂದರು.
ಕೇಂದ್ರ ಬಜೆಟ್ ಅನ್ನು 'ಚುನಾವಣೆಯ ಉಡುಗೊರೆ' ಎಂದ ಮಮತಾ ಬ್ಯಾನರ್ಜಿ
ಶನಿವಾರದಂದು ಶ್ಯಾಮ್ ಪ್ರಸಾದ್ ಮುಖರ್ಜಿ ಅವರ ಜನ್ಮದಿನದದ ನಿಮಿತ್ತ ಬಿಜೆಪಿಯು ಮೆಂಬರ್ ಶಿಪ್ ಡ್ರೈವ್ ಆರಂಭಿಸಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ವಾರಣಾಸಿಯ ತಮ್ಮ ಕ್ಷೇತ್ರದಲ್ಲಿ ಈ ಅಭಿಯಾನಕ್ಕೆ ಚಾಲನೆ ನೀಡಿದ್ದರು. ಗೃಹ ಸಚಿವ ಅಮಿತ್ ಶಾ ಸಹ ಈ ಅಭಿಯಾನವನ್ನು ತೆಲಂಗಾಣದಲ್ಲಿ ಆರಂಭಿಸಿದ್ದರು.
ಇದು ಬಿಜೆಪಿ ಕುಟುಂಬವನ್ನು ಮತ್ತಷ್ಟು ಗಟ್ಟಿಯಾಗಿಸುವ ಮತ್ತು ಸಂಪರ್ಕಿಸುವ ಯತ್ನ ಎಂದು ಪ್ರಧಾನಿ ಮೋದಿ ಹೇಳಿದ್ದರು. ಬಿಜೆಪಿ ಸದಸ್ಯರಿಗೆ ಈ ಸದಸ್ಯತ್ವದ ಕಾರ್ಡ್ ಅನ್ನು ನೀಡಲಾಗಿತ್ತು. ಈ ಕಾರ್ಡಿನಲ್ಲಿ ಮಮತಾ ಬ್ಯಾನರ್ಜಿ ಅವರ ಹೆಸರು ಮತ್ತು ಫೋಟೊ ಇರುವುದು ವಿವಾದ ಸೃಷ್ಟಿಸಿತ್ತು.