ಕೋಲಾರದಲ್ಲಿ ರೈಲ್ವೆ ಹಳಿಗಳ ನಡುವೆ ಸಿಲುಕಿಕೊಂಡಿದ್ದ ನವಜಾತ ಜಿಂಕೆಮರಿ ರಕ್ಷಣೆ
ಕೋಲಾರ, ಜುಲೈ 13: ನವಜಾತ ಜಿಂಕೆ ಮರಿಯೊಂದು ಅನಾಥವಾಗಿ ಪತ್ತೆಯಾಗಿದ್ದು, ಇದನ್ನು ಸಾರ್ವಜನಿಕರು ರಕ್ಷಿಸಿರುವ ಘಟನೆ ಕೋಲಾರದಲ್ಲಿ ನಡೆದಿದೆ. ನಗರದ ಆರ್ ಟಿಒ ಕಚೇರಿ ಹಿಂಭಾಗದಲ್ಲಿರುವ ನಿನ್ನೆ ರೈಲ್ವೆ ಹಳಿಗಳ ಮೇಲೆ ಈ ಪುಟಾಣಿ ಜಿಂಕೆ ಮರಿ ಪತ್ತೆಯಾಗಿದೆ.
ಸಮೀಪದ ಟೊಮಾಟೋ ತೋಟದಲ್ಲಿ ಮೊನ್ನೆ ರಾತ್ರಿ ಈ ಮರಿ ಜನಿಸಿದ್ದು, ರೈಲ್ವೆ ಹಳಿಯನ್ನು ದಾಟಲಾಗದ ಮರಿ ಹಳಿಗಳ ಮಧ್ಯೆ ಸಿಲುಕಿಕೊಂಡಿದೆ. ಕೊರೊನಾ ಹಿನ್ನೆಲೆಯಲ್ಲಿ ರೈಲು ಸಂಚಾರ ಸ್ಥಗಿತವಾಗಿರುವ ಕಾರಣ ಅದೃಷ್ಟವಶಾತ್ ನವ ಜಾತ ಜಿಂಕೆ ಮರಿ ಪ್ರಾಣಾಪಾಯದಿಂದ ಪಾರಾಗಿದೆ.
ಬನ್ನೇರುಘಟ್ಟ ಅರಣ್ಯದಲ್ಲಿ ಜಿಂಕೆ ಕೊಂದ ಬೇಟೆಗಾರರು
ಈ ಭಾಗದ ನಿವಾಸಿಗಳು ರೈಲ್ವೆ ಹಳಿಯ ಬದಿಯಲ್ಲಿ ವಾಯುವಿಹಾರ ಮಾಡುವಾಗ ಈ ಮರಿ ಕಣ್ಣಿಗೆ ಬಿದ್ದಿದೆ. ತಕ್ಷಣ ವನ ಪಾಲಕ ಲೋಕೇಶ್ ಅವರಿಗೆ ಈ ಬಗ್ಗೆ ಮಾಹಿತಿಯನ್ನು ರವಾನಿಸಿದ್ದಾರೆ. ಸ್ಥಳಕ್ಕೆ ತೆರಳಿ ಜನರಿಂದ ರಕ್ಷಿಸಲಾದ ಜಿಂಕೆ ಮರಿಯನ್ನು ವಶಕ್ಕೆ ಪಡೆದು ಅವರು ಸೂಕ್ತ ಚಿಕಿತ್ಸೆ ಮತ್ತು ಆರೈಕೆಗೆ ಒಳಪಡಿಸಿದ್ದಾರೆ.
Comments
English summary
The deer stucked between the railway tracks in the back of Kolar's RTO office rescued
Story first published: Monday, July 13, 2020, 9:50 [IST]