ಕೆ.ಸಿ.ವ್ಯಾಲಿ ಎಂಬ ಭೂತ ಕೋಲಾರಕ್ಕೆ ಬಿಟ್ಟವರೆಲ್ಲ ಎಲ್ಲಿ ಹೋದರು?

ಕೋಲಾರ, ಜುಲೈ 18: ಬಯಸಿ ಬಯಸಿ ಸಮಸ್ಯೆ ತಂದುಕೊಳ್ಳುವುದು ಅಂದರೆ ಇದೇ ಇರಬೇಕು. ಕೋಲಾರ ಜಿಲ್ಲೆ ಪಾಲಿಗೆ ಇದೇನೋ ಮಹಾನ್ ಒಳ್ಳೆ ಸುದ್ದಿ ಅಂತ ಯಾವುದೋ ಅಂದುಕೊಳ್ಳುತ್ತಿದ್ದರೋ ಅದರದೇ ಭೂತವನ್ನು ಈಗ ಅನುಭವಿಸುವಂತಾಗಿದೆ. ಈ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಅದರದೇ ಚರ್ಚೆ. ಶಿವಪ್ರಕಾಶ್ ರೆಡ್ಡಿ ಎಂಬುವವರು ಹಂಚಿಕೊಂಡಿದ್ದ ವಿಡಿಯೋ ಸಹಿತ ಈ ವರದಿಯಲ್ಲಿ ಕೊಡಲಾಗಿದೆ.

ಈ ವರದಿಯಲ್ಲಿ ಹೇಳುತ್ತಿರುವುದು ಕೆ.ಸಿ.ವ್ಯಾಲಿ ಯೋಜನೆ ಬಗ್ಗೆ. ಬೆಂಗಳೂರಿನ ತ್ಯಾಜ್ಯ ನೀರನ್ನು ಕೋಲಾರಕ್ಕೆ ಹರಿಸಿದರೆ ಅದರಿಂದ ಅಂತರ್ಜಲ ವೃದ್ಧಿ ಸೇರಿದಂತೆ ಇತರ ಅನುಕೂಲಗಳಿವೆ ಎಂದು ದೊಡ್ಡ ಮಟ್ಟದಲ್ಲಿ ಧ್ವನಿ ಮಾಡಲಾಯಿತು. ಈ ಯೋಜನೆಯನ್ನು ವಿರೋಧಿಸಿದ್ದ ನೀರಾವರಿ ಹೋರಾಟಗಾರರ ಬಗ್ಗೆ ಕೂಡ ಲಘುವಾಗಿ ಮಾತನಾಡಲಾಯಿತು.

ಈಗ ಏನಾಗಿದೆ ಅಂದರೆ ಕೋಲಾರದ ಲಕ್ಷ್ಮೀಸಾಗರದ ಬಳಿ ಹೋದರೆ ಈ ಯೋಜನೆಯ ಫಲಶ್ರುತಿ ಗೊತ್ತಾಗುತ್ತದೆ. ನೊರೆನೊರೆಯಾಗಿ ನೀರು ಹರಿಯುತ್ತಿದೆ. ಈ ನೊರೆಯಿಂದ ಅದ್ಯಾವುದೇ ಸಮಯದಲ್ಲಾದರೂ ಬೆಂಕಿ ಹೊತ್ತಿಕೊಳ್ಳಬಹುದು ಎಂಬ ಆತಂಕ ಎದುರಾಗಿದೆ. ಕೆ.ಸಿ.ವ್ಯಾಲಿ ಯೋಜನೆ ಬೆಂಬಲಿಸಿದ್ದವರೆಲ್ಲ ಈಗ ಎಲ್ಲಿ ಹೋದರು ಎಂದು ಆಕ್ರೋಶ ವ್ಯಕ್ತವಾಗುತ್ತಿದೆ.

English summary

KC valley project of Kolar now most discussing topic. Because Bengaluru sewage water flowing to Kolar in this project, now it looks like Bellandur lake. Here is the details.