ಗ್ರೀನ್ ಜೋನ್ ಕೋಲಾರಕ್ಕೆ ಬಣ್ಣ ಬದಲಾಗುವ ಆತಂಕ
ಕೋಲಾರ, ಮೇ 08: ಕೋಲಾರದ ಗಡಿ ಆಂಧ್ರ ಪ್ರದೇಶದಲ್ಲಿ ಕೊರೊನಾ ಮಹಾಮಾರಿ ಅಟ್ಟಹಾಸ ಮರೆಯುತ್ತಿದೆ. ಚಿತ್ತೂರು ಜಿಲ್ಲೆಯ ವಿಕೋಟದಲ್ಲಿ ಒಂದೇ ದಿನ ಐದು ಪಾಸಿಟಿವ್ ಪ್ರಕರಣ ಪತ್ತೆಯಾಗಿದ್ದು, ಗ್ರೀನ್ ಝೋನ್ ಆಗಿರುವ ಕೋಲಾರಕ್ಕೆ ಆರಂಕ ಶುರುವಾಗಿದೆ.
Recommended Video
ವಿಕೋಟ ಪಟ್ಟಣವನ್ನು ಇದೀಗ ರೆಡ್ ಝೋನ್ ಎಂದು ಘೋಷಿಸಲು ಚಿಂತನೆ ನಡೆಯುತ್ತಿದೆ. ವಿಕೋಟದಿಂದ ಚೆನ್ನೈಗೆ ತರಕಾರಿ ತೆಗೆದುಕೊಂಡು ಹೋಗಿ ಬರುತ್ತಿದ್ದ ಐದು ಜನರಲ್ಲಿ ಸೋಂಕು ಪತ್ತೆಯಾಗಿದೆ. ವಿಕೋಟಾಗೆ ಚಿತ್ತೂರು ಎಸ್ಪಿ ಸೆಂಥಿಲ್ ಕುಮಾರ್ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ಅಲ್ಲಿ ಪ್ರಾಥಮಿಕ ಸಂಪರ್ಕದಲ್ಲಿದ್ದ 20 ಜನರಿಗೆ ಕ್ವಾರಂಟೈನ್ ವಿಧಿಸಲಾಗಿದೆ.
ಗಡಿನಾಡು ಬೆಳಗಾವಿಯಲ್ಲಿ ಹೆಚ್ಚಾಯಿತು ಆತಂಕ; 85ಕ್ಕೆ ಮುಟ್ಟಿದ ಸಂಖ್ಯೆ
ಇದೀಗ ಕೋಲಾರ ಗಡಿಯಿಂದ ಕೇವಲ ಎರಡು ಕಿ.ಮೀ. ವ್ಯಾಪ್ತಿಯಲ್ಲಿ ಪಾಸಿಟಿವ್ ಕಾಣಿಸಿಕೊಂಡಿರುವುದು ಸಹಜವಾಗೇ ಆತಂಕ ಮೂಡಿಸಿದೆ. ತರಕಾರಿ ವ್ಯಾಪಾರಸ್ಥರು ಕೋಲಾರ ಜಿಲ್ಲೆಯ ಗಡಿ ಗ್ರಾಮಗಳಲ್ಲಿ ತಿರುಗಾಡಿರುವ ಶಂಕೆಯಿದ್ದು, ಕೆಜಿಎಫ್ ತಾಲ್ಲೂಕಿನ ಗಡಿಯಲ್ಲಿರುವ ವೆಂಕಟಾಪುರ, ಕದರಿಗಾನದಲ್ಲಿ ಆತಂಕ ಹೆಚ್ಚಾಗಿದೆ. ಗಡಿ ಪಂಚಾಯಿತಿಗಳಲ್ಲಿ ಡಂಗುರ ಹಾಕಿ, ಗಡಿ ಸಂಪರ್ಕ ಸೀಲ್ ಮಾಡಲು ಜಿಲ್ಲಾಡಳಿತ ಚಿಂತನೆ ನಡೆಸಿದೆ. ಕೋಲಾರ ಉಪ ವಿಭಾಗಾಧಿಕಾರಿ ವರದಿ ಆಧರಿಸಿ ಕಂಟೈನ್ ಮೆಂಟ್ ಜೋನ್ ಅಥವಾ ಸೀಲ್ ಮಾಡಲು ಚಿಂತನೆ ನಡೆಯುತ್ತಿದೆ.