• search
  • Live TV
ಕೋಲಾರ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ತರಕಾರಿ ಬೆಲೆಯಲ್ಲಿ ಏರಿಕೆ; ಕೋಲಾರದಲ್ಲಿ ಶುರುವಾದ ವಹಿವಾಟು

By ಕೋಲಾರ ಪ್ರತಿನಿಧಿ
|

ಕೋಲಾರ, ಜೂನ್ 16: ದೇಶಾದ್ಯಂತ ಲಾಕ್ ಡೌನ್ ಘೋಷಣೆಯಾದ ವೇಳೆ ಮಾರುಕಟ್ಟೆ ಇಲ್ಲದೇ, ತರಕಾರಿ ಬೆಲೆಯೂ ಕುಸಿದು ರೈತರು ಕಂಗಾಲಾಗಿದ್ದರು. ಎಷ್ಟೋ ರೈತರು ತಾವು ಕಷ್ಟಪಟ್ಟು ಬೆಳೆದ ಬೆಳೆಯನ್ನು ನಿರಾಸೆಯಿಂದ ಬೀದಿಗೆ ಎಸೆದರು. ಈ ಎರಡೂವರೆ ತಿಂಗಳಲ್ಲಿ ಕೃಷಿಯಲ್ಲಿ ಆದ ನಷ್ಟ ಅಷ್ಟಿಷ್ಟಲ್ಲ.

      IPL might start from 26th September | IPL 2020 | Oneindia Kannada

      ಆದರೆ ಇದೀಗ ಲಾಕ್ ಡೌನ್ ಸಡಿಲಿಕೆಯಾಗಿದ್ದು, ರೈತರು ಸ್ವಲ್ಪವೇ ಚೇತರಿಸಿಕೊಂಡಿದ್ದಾರೆ. ತರಕಾರಿ ಬೆಲೆಗಳು ಕೊಂಚ ಹೆಚ್ಚಾಗಿದ್ದು, ರೈತರು ಲಾಭ ನೋಡುವಂತಾಗಿದೆ.

      ಹಣ್ಣು, ತರಕಾರಿ ಬೆಳೆದ ರೈತರು ಪರಿಹಾರ ಪಡೆಯುವುದು ಹೇಗೆ?

      ಮಾರುಕಟ್ಟೆಯಲ್ಲಿ ಒಂದು ಕೆ.ಜಿ ಕ್ಯಾಪ್ಸಿಕಂ ಬೆಲೆ 50 ರಿಂದ 60 ರೂ, ಬೀನ್ಸ್ 40 ರೂ, ಕ್ಯಾರೆಟ್ 30 ರೂ, ಟೊಮೆಟೊ ಒಂದು ಕೆ.ಜಿ.20 ರೂ, ಬೀಟ್ ರೂಟ್ 25 ರೂ, ಕೊತ್ತಂಬರಿ ಸೊಪ್ಪು 60 ರೂಗೆ ಏರಿಕೆಯಾಗಿದೆ.

       ತೋಟಗಳಲ್ಲೇ ಕೊಳೆತ ತರಕಾರಿಗಳು

      ತೋಟಗಳಲ್ಲೇ ಕೊಳೆತ ತರಕಾರಿಗಳು

      ಲಾಕ್ ಡೌನ್ ಹಿನ್ನೆಲೆಯಲ್ಲಿ ವಾಹನ ಸಂಚಾರವಿಲ್ಲದೆ ತರಕಾರಿಗಳನ್ನು ಕೇಳುವವರೇ ಇರಲಿಲ್ಲ. ಬೆಳೆಯನ್ನು ಸಾಗಿಸಲು ಸಾಧ್ಯವಾಗದೆ ತೋಟಗಳಲ್ಲೇ ಕೊಳೆಯುವಂತಾಗಿತ್ತು. ತರಕಾರಿಗಳನ್ನು ಕಿತ್ತು ತಂದು ಮಾರುಕಟ್ಟೆಯಲ್ಲಿ ಬೆಲೆ ಸಿಗದೆ ರಸ್ತೆಗಳಿಗೆ ಎಸೆಯುತ್ತಿದ್ದರು. ಹೀಗಾಗಿ ರೈತರು ತೀವ್ರ ನಷ್ಟಕ್ಕೆ ಒಳಗಾಗಿ ಪರದಾಡುವಂತಾಗಿತ್ತು. ಕೆಲವು ಕಡೆ ಜನರಿಗೆ ಉಚಿತವಾಗಿ ಹಂಚಿಕೆ ಮಾಡಿದ್ದೂ ಇದೆ. ಇನ್ನೂ ಕೆಲವು ಕಡೆ ರೈತರು ಬೆಳೆದ ತರಕಾರಿಯನ್ನು ಜನಪ್ರತಿನಿಧಿಗಳೇ ಖರೀದಿಸಿ ರೈತರ ನಷ್ಟಕ್ಕೆ ಸ್ಪಂದಿಸಿದ್ದೂ ಇದೆ.

       ಕೋಲಾರದಿಂದ ಹೊರರಾಜ್ಯಗಳಿಗೆ ಶೇ.95ರಷ್ಟು ತರಕಾರಿ ರಫ್ತು

      ಕೋಲಾರದಿಂದ ಹೊರರಾಜ್ಯಗಳಿಗೆ ಶೇ.95ರಷ್ಟು ತರಕಾರಿ ರಫ್ತು

      ಕೋಲಾರದಲ್ಲಿ ಬೆಳೆಯುವ ತರಕಾರಿಗಳಲ್ಲಿ ಶೇ.95ರಷ್ಟು ಹೊರ ಜಿಲ್ಲೆ ಮತ್ತು ಹೊರ ರಾಜ್ಯಗಳಿಗೆ ಸರಬರಾಜಾಗುತ್ತದೆ. ಶೇ.5ರಷ್ಟನ್ನು ಮಾತ್ರ ಸ್ಥಳೀಯರು ಬಳಸುತ್ತಾರೆ. ಇಲ್ಲಿ ಬೆಳೆದ ತರಕಾರಿ ಆಂಧ್ರಪ್ರದೇಶ, ತಮಿಳುನಾಡು, ಮಹಾರಾಷ್ಟ್ರ, ಕೇರಳ, ಛತ್ತೀಸ್ ‍ಗಡ, ಒಡಿಶಾ, ಕೊಲ್ಕತ್ತಾ, ಗುಜರಾತ್ ರಾಜ್ಯಗಳಿಗೆ ಸರಬರಾಜು ಆಗುತ್ತದೆ. ಹೊರ ರಾಜ್ಯಗಳಿಂದ ಪ್ರತಿದಿನ ಸುಮಾರು 300 ಲಾರಿ ಮತ್ತು ಟೆಂಪೋಗಳಲ್ಲಿ ತರಕಾರಿ ಸರಬರಾಜಾಗುತ್ತದೆ.

      ಬೆಂಗಳೂರಿನಲ್ಲಿ ಸ್ಥಿರತೆ ಕಾಯ್ದುಕೊಂಡ ತರಕಾರಿ ಬೆಲೆ

       ವಾರದಿಂದ ಏರಿಕೆಯಾಗಿದೆ ತರಕಾರಿ ಬೆಲೆ

      ವಾರದಿಂದ ಏರಿಕೆಯಾಗಿದೆ ತರಕಾರಿ ಬೆಲೆ

      ಲಾಕ್ ಡೌನ್ ಹಿನ್ನೆಲೆಯಲ್ಲಿ ಲಾರಿ ಮತ್ತು ಇತರೆ ವಾಹನಗಳ ಸಂಚಾರ ಸಂಪೂರ್ಣ ಬಂದ್ ಆಗಿದ್ದರಿಂದ ತರಕಾರಿಗಳನ್ನು ಕೇಳುವವರಿಲ್ಲದೆ ಬೆಳೆದ ತೋಟಗಳಲ್ಲೇ ಕೊಳೆತು ಹಾಳಾದವು. ಇದರಿಂದ ರೈತರಿಗೆ ತೀವ್ರ ನಷ್ಟ ಉಂಟಾಗಿತ್ತು. ಆದರೆ ಲಾಕ್ ಡೌನ್ ಸಡಿಲಿಕೆ ನಂತರ ತರಕಾರಿ ಬೆಲೆಯಲ್ಲಿ ಸ್ವಲ್ಪ ಸ್ವಲ್ಪವೇ ಏರಿಕೆ ಆಗತೊಡಗಿತು. ಜೂ.8ರ ನಂತರ ವಾಹನ ಓಡಾಟ ಮತ್ತು ಹೋಟೆಲ್, ಮದುವೆ ಸಮಾರಂಭಗಳನ್ನು ನಡೆಸಲು ಅನುಮತಿ ನೀಡಿದ್ದರಿಂದ ತರಕಾರಿ ಬೆಲೆಗಳು ಏರಿಕೆ ಕಂಡಿವೆ. ಕಳೆದ ಒಂದು ವಾರದಿಂದ ಬೆಲೆ ಮತ್ತಷ್ಟು ಏರಿಕೆ ಆಗಿದೆ.

       ಮುಂದಿನ ದಿನಗಳಲ್ಲಿ ತರಕಾರಿ ಬೆಲೆ ಇನ್ನಷ್ಟು ಏರಿಕೆ

      ಮುಂದಿನ ದಿನಗಳಲ್ಲಿ ತರಕಾರಿ ಬೆಲೆ ಇನ್ನಷ್ಟು ಏರಿಕೆ

      ಸದ್ಯ ಟೊಮೆಟೊ ಬೆಲೆಯು 15 ಕೆ.ಜಿ. ಬಾಕ್ಸ್‌ಗೆ 150 ರಿಂದ 300 ರೂಗಳಾಗಿದೆ. ಹೀಗಾಗಿ ಟೊಮೆಟೊ ಬೆಳೆದ ರೈತರು ಸ್ವಲ್ಪ ನಿರಾಳವಾಗಿದ್ದಾರೆ. ಕಳೆದ 15 ದಿವಸಗಳಿಂದ ಟೊಮೆಟೊ ಬೆಲೆಯಲ್ಲಿ ಏರಿಕೆ ಕಂಡಿದೆ. ನಾಟಿ ಟೊಮೆಟೊ ಒಂದು ಬಾಕ್ಸ್ 300 ರೂಗಳಿದ್ದರೆ, ಸೀಡ್ಸ್ ಟೊಮೆಟೊ 250 ರೂಗಳವರೆಗೆ ಏರಿಕೆ ಆಗಿದೆ. ಸದ್ಯ ಟೊಮೆಟೊ ಬೆಲೆ ದಿನದಿಂದ ದಿನಕ್ಕೆ ಏರಿಕೆ ಆಗುತ್ತಿದೆ. ಮುಂದಿನ ದಿನಗಳಲ್ಲಿ ಮತ್ತಷ್ಟು ಏರಿಕೆ ಆಗಲಿದೆ ಎಂದು ಕೋಲಾರ ಎಪಿಎಂಸಿ ಮಾರುಕಟ್ಟೆ ಸಮಿತಿ ಕಾರ್ಯದರ್ಶಿ ರವಿಕುಮಾರ್ ತಿಳಿಸಿದ್ದಾರೆ.

      English summary
      Vegetable prices increased after lockdown relaxation. The farmers in kolar has started exporting vegetables to other states,
      ತಾಜಾ ಸುದ್ದಿ ತಕ್ಷಣ ಪಡೆಯಿರಿ
      Enable
      x
      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more