ಮಹಾರಾಷ್ಟ್ರದಲ್ಲಿ ಮಳೆ; ಕೊಂಕಣ ರೈಲುಗಳ ಸಂಚಾರದಲ್ಲಿ ವ್ಯತ್ಯಯ
ಕಾರವಾರ, ಆಗಸ್ಟ್ 5: ಮಹಾರಾಷ್ಟ್ರ ಹಾಗೂ ಗೋವಾ ಕರಾವಳಿಯಲ್ಲಿ ಭಾರಿ ಮಳೆ ಸುರಿಯುತ್ತಿರುವುದರಿಂದ ಭಾನುವಾರ ಬೆಳಗಾವಿ ಸಮೀಪದ ಗೋವಾ- ಲೋಂಡಾ ರೈಲು ಮಾರ್ಗದ ಮೇಲೆ ಗುಡ್ಡ ಕುಸಿತವಾಗಿದೆ. ಕೇಂದ್ರ ರೈಲ್ವೆ ವಲಯದ ಮುಂಬೈ ವಿಭಾಗದ ಗೀತೆ ಆಪ್ತಾ ಪ್ರದೇಶದ ವಿವಿಧೆಡೆ ಹಳಿಗಳು ಜಲಾವೃತವಾಗಿವೆ.
ಈ ಹಿನ್ನೆಲೆಯಲ್ಲಿ ಕೊಂಕಣ ರೈಲ್ವೆ ನಿಗಮವು ಹಲವು ರೈಲುಗಳ ಸಂಚಾರವನ್ನು ತಾತ್ಕಾಲಿಕವಾಗಿ ರದ್ದು ಮಾಡಿದ್ದು, ಇನ್ನು ಕೆಲವು ರೈಲುಗಳ ಸಂಚಾರವನ್ನು ಮೊಟಕುಗೊಳಿಸಿದೆ.
ವಿರಾಜಪೇಟೆ-ಮಾಕುಟ್ಟ ರಸ್ತೆಯಲ್ಲಿ ವಾಹನ ಸಂಚಾರ ಸ್ಥಗಿತ
ರದ್ದಾದ ರೈಲುಗಳ ವಿವರ: ರೈಲು ಸಂಖ್ಯೆ 11003 ದಾದರ್- ಸಾವಂತವಾಡಿ ರೋಡ್ ತುತರಿ ಎಕ್ಸ್ಪ್ರೆಸ್, 16346 ತಿರುವನಂತಪುರಂ- ಲೋಕಮಾನ್ಯ ತಿಲಕ್ ಟರ್ಮಿನಲ್ ಮುಂಬೈ ನೇತ್ರಾವತಿ ಎಕ್ಸ್ಪ್ರೆಸ್, 10104 ಮಡಗಾಂವ್ ಜಂಕ್ಷನ್- ಮುಂಬೈ ಸಿಎಸ್ ಟಿಎಮ್ ಮಾಂಡೋವಿ ಎಕ್ಸ್ಪ್ರೆಸ್, 50108/06 ಮಡಗಾಂವ್ ಜಂಕ್ಷನ್- ಸಾವಂತವಾಡಿ ದೀವಾ ಪ್ಯಾಸೆಂಜರ್, 12051 ದಾದರ್- ಮಡಗಾಂವ್ ಜಂಕ್ಷನ್ ಜನಶತಾಬ್ಧಿ ಎಕ್ಸ್ಪ್ರೆಸ್, 10103 ಮುಂಬೈ ಸಿಎಸ್ ಟಿಎಮ್- ಮಡಗಾಂವ್ ಜಂಕ್ಷನ್ ಮಾಂಡೋವಿ ಎಕ್ಸ್ಪ್ರೆಸ್, 50103 ದಾದರ್- ರತ್ನಗಿರಿ ಪ್ಯಾಸೆಂಜರ್, 50105 ದೀವಾ- ಸಾವಂತವಾಡಿ ಪ್ಯಾಸೆಂಜರ್, 11085 ಲೋಕಮಾನ್ಯ ತಿಲಕ್ ಮುಂಬೈ- ಮಡಗಾಂವ್ ಜಂಕ್ಷನ್ ಡಬಲ್ ಡೆಕ್ಕರ್ ರೈಲುಗಳನ್ನು ರದ್ದು ಮಾಡಲಾಗಿದೆ.
ಮಾರ್ಗ ಬದಲಾವಣೆ: ಆ.4ರಂದು ಚಲಿಸುತ್ತಿದ್ದ 12617 ಎರ್ನಾಕುಲಂ- ಎಚ್.ನಿಜಾಮುದ್ದೀನ್ ಮಂಗಳಾ ಎಕ್ಸ್ಪ್ರೆಸ್ ರೈಲಿನ ಮಾರ್ಗವನ್ನು ಕಾರಗೋಡ- ರೇನಿಗುಂಟಾ, 19261 ಕೊಚುವೇಲಿ- ಪೋರ್ ಬಂದರ್ ವೀಕ್ಲಿ ಎಕ್ಸ್ಪ್ರೆಸ್ ಥ್ರಿಶುರ್- ರೇನಿಗುಂಟಾ, 12977 ಎರ್ನಾಕುಲಂ- ಅಜ್ಮೆರ್ ಮರುಸಾಗರ್ ಎಕ್ಸ್ಪ್ರೆಸ್ ಥ್ರಿಶುರ್- ರೇನಿಗುಂಟಾ, 12432 ಎಚ್.ನಿಜಾಮುದ್ದೀನ್- ತಿರುವನಂತಪುರಂ ಸೆಂಟ್ರಲ್ ರಾಜಧಾನಿ ಎಕ್ಸ್ಪ್ರೆಸ್ ನಗ್ಡಾ- ಭೋಪಾಲ್, 19577 ತಿರುವನವೇಲಿ- ಜಮ್ನಾಗರ್ ಎಕ್ಸ್ಪ್ರೆಸ್ ಥ್ರಿಶುರ್- ರೇನಿಗುಂಟಾ, 12217 ಕೊಚುವೇಲಿ- ಚಂಡಿಗಡ ಕೇರಳ ಸಂಪರ್ಕ ಕ್ರಾಂತಿ ಎಕ್ಸ್ಪ್ರೆಸ್ ಥ್ರಿಶುರ್- ರೇನಿಗುಂಟಾ ಮಾರ್ಗವಾಗಿ ಚಲಿಸುತ್ತಿದೆ. 22413 ಮಡಗಾಂವ್ ಜಂಕ್ಷನ್- ಎಚ್.ನಿಜಾಮುದ್ದೀನ್ ರಾಜಧಾನಿ ಎಕ್ಸ್ಪ್ರೆಸ್ ಏಳು ಗಂಟೆ ತಡವಾಗಿ ಚಲಿಸುತ್ತಿದೆ.
ಸಂಚಾರ ರದ್ದಾದ ರೈಲಿನ ಪ್ರಯಾಣಿಕರಿಗೆ ಸಂಪೂರ್ಣ ಟಿಕೆಟ್ ಮೊತ್ತವನ್ನು ಪಾವತಿಸಲಾಗುತ್ತದೆ ಎಂದು ಕೊಂಕಣ ರೈಲ್ವೆಯ ಸಾರ್ವಜನಿಕ ಸಂಪರ್ಕಾಧಿಕಾರಿ ಕೆ.ಸುಧಾ ಕೃಷ್ಣಮೂರ್ತಿ ತಿಳಿಸಿದ್ದಾರೆ.