ಸಿಇಟಿಗೆ ಮಾರ್ಚ್ 27ರವರೆಗೂ ಅರ್ಜಿ ಸಲ್ಲಿಸಲು ಅವಕಾಶ

ಬೆಂಗಳೂರು, ಮಾರ್ಚ್ 26: ಸಿಇಟಿ ಪರೀಕ್ಷೆಗೆ ಹಾಜರಾಗುವ ವಿದ್ಯಾರ್ಥಿಗಳಿಗೆ ಮಾರ್ಚ್ 27ರವರೆಗೂ ಅರ್ಜಿ ಸಲ್ಲಿಸಲು ಅವಕಾಶ ಮಾಡಿಕೊಡಲಾಗಿದೆ.

ಇದೇ ಮೊದಲ ಬಾರಿಗೆ ಯೋಗ ಹಾಗೂ ನ್ಯಾಚ್ಯುರೋಪತಿ ವಿದ್ಯಾರ್ಥಿಗಳು ಕೂಡ ಸಿಇಟಿ ಪರೀಕ್ಷೆ ಬರೆಯಲಿದ್ದಾರೆ.

ಇದುವರೆಗೆ ನೀಟ್ ಪರೀಕ್ಷೆ ಮೂಲಕ ಯೋಗ ಹಾಗೂ ನ್ಯಾಚ್ಯುರೋಪತಿಗೆ ಕೋರ್ಸ್‌ಗಳಿಗೆ ಅವಕಾಶ ಪಡೆಯಬೇಕಿತ್ತು. ಆದರೆ ಇದೇ ಮೊದಲ ಬಾರಿಗೆ ಸಿಇಟಿ ಮೂಲಕ ವಿದ್ಯಾರ್ಥಿಗಳಿಗೆ ಅವಕಾಶ ಮಾಡಿಕೊಡಲಾಗುತ್ತಿದೆ.ಸಿಇಟಿ ಪರೀಕ್ಷೆಗೆ ಮಾರ್ಚ್ 27ರವರೆಗೂ ಅರ್ಜಿ ಸಲ್ಲಿಸಬಹುದು ಎಂದು ಕರ್ನಾಟಕ ಪರೀಕ್ಷಾ ಮಂಡಳಿ ತಿಳಿಸಿದೆ.

ಯೋಗ, ನ್ಯಾಚ್ಯುರೋಪತಿ ವಿದ್ಯಾರ್ಥಿಗಳು ಕೂಡ 2019-20ನೇ ಸಾಲಿನ ಸಿಇಟಿಗೆ ಮಾರ್ಚ್ 27ರೊಳಗೆ ನೋಂದಾಯಿಸಿಕೊಳ್ಳಬೇಕು.

ನೀಟ್ ಪರೀಕ್ಷೆಯು ಆಯುಷ್ ಕೋರ್ಸ್‌ಗಳಿಗೆ ಕಡ್ಡಾಯವಾಗಿದೆ. ಆಯುಷ್ ಮಂಡಳಿಯು ಯೋಗ ಹಾಗೂ ಆಯುಷ್ ಕೋರ್ಸ್‌ಗಳಿಗೆ ಸಿಇಟಿ ಪರೀಕ್ಷೆ ಬರೆಯಲೇಬೇಕು ಎಂದು ಹೇಳಿದೆ.

ಯೋಗ ಹಾಗೂ ನ್ಯಾಚ್ಯುರೋಪತಿಗೆ ಯಾವುದೇ ಅಪೆಕ್ಸ್ ಬಾಡಿ ಇಲ್ಲ, ಕಳೆದ ವರ್ಷ ಸರ್ಕಾರಿ ಸೀಟುಗಳು ಖಾಲಿ ಇದ್ದವು. ಹಾಗಾಗಿ ಈ ಬಾರಿ ಸಿಇಟಿ ಮೂಲಕ ಸೀಟನ್ನು ಭರ್ತಿ ಮಾಡಲಾಗುತ್ತಿದೆ ಎಂದು ತಿಳಿಸಿದ್ದಾರೆ.

English summary

The KEA has extended the deadline to receive applications CET 2019. as seat aspirants for Yoga and Naturopathy courses will also be appearing for the test for this academic year.