Click it and Unblock the Notifications
Just In
-
-
-
Don't Miss
-
ಜೈಪುರ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ವಿರಾಟ್ ಕೊಹ್ಲಿ ಮೇಣದ ಪ್ರತಿಮೆ; ದಿಗ್ಗಜರ ಸಾಲಿಗೆ ಸೇರಿದ ಶ್ರೇಷ್ಠ ಬ್ಯಾಟರ್ -
ಇಂದು ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G ಫೋನ್ ಸೇಲ್!..ಬೆಲೆ ಎಷ್ಟು? -
ಹೊಟ್ಟೆಯೇ ಇಲ್ಲದೆ ಬದುಕಿದ್ದ ನತಾಶಾ ದಿಡ್ಡಿ ನಿಧನ...! ಈಕೆ ಯಾರು ಗೊತ್ತಾ? -
ಸುಗಮ, ಸುರಕ್ಷಿತ ಸಂಚಾರಕ್ಕಾಗಿ ವಿಶೇಷ ಅಭಿಯಾನ ಆರಂಭಿಸಿದ ಬೆಂಗಳೂರು ಸಂಚಾರಿ ಪೊಲೀಸ್ -
ಆತ್ಮಗಳ ಜೊತೆ ಮಾತಾಡುತ್ತಾರಾ ನೀತು? ಕನಸುಗಳನ್ನು ಬೆನ್ನತ್ತಿ ಹೊರಟಿದ್ದೇಕೆ? -
ಹಲವು ಆಯ್ಕೆಗಳಲ್ಲಿ ಸಿಗಲಿದೆ 5 ಡೋರ್ ಥಾರ್: ಸುದ್ದಿ ತಿಳಿದು ನಿಟ್ಟುಸಿರು ಬಿಟ್ಟ ಮಹೀಂದ್ರಾ ಫ್ಯಾನ್ಸ್! -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೊರೊನಾ ಪಾಸಿಟಿವ್ ಇದ್ದವರು ಏನು ಮಾಡಬಾರದು? ಇಲ್ಲಿದೆ ವೈದ್ಯರ ಸಲಹೆ
ಕೊರೊನಾ ಎರಡನೇ ಅಲೆ ರಾಜ್ಯದಲ್ಲಿ ತೀವ್ರವಾಗಿ ಹರಿದಾಡುತ್ತಿದೆ. ಸತತವಾಗಿ ಸೋಂಕಿತರ ಸಂಖ್ಯೆ ಏರುತ್ತಿರುವುದು ಒಂದು ಕಡೆಯಾದರೆ, ನೋವಿನ ವಿಚಾರವೇನಂದರೆ ಸಾವಿನ ಸಂಖ್ಯೆಯೂ ಹೆಚ್ಚಾಗುತ್ತಿರುವುದು.
ರಾಜಧಾನಿ ಬೆಂಗಳೂರಿನಿಂದ ರಾಜ್ಯದ ಇತರ ನಗರಗಳಿಗೂ ಕೊರೊನಾ ಹರಡುತ್ತಿರುವುದು ಚಿಂತಿಸಬೇಕಾದ ವಿಚಾರವಾಗಿದೆ. ಐಸಿಯು, ಬೆಡ್ ಸಮಸ್ಯೆ, ಅಂಬುಲೆನ್ಸ್ ಅಭಾವ ರಾಜ್ಯದ ಇತರ ಭಾಗಗಳಲ್ಲೂ ಆರಂಭವಾಗಿದೆ.
ಕೊರೊನಾ ಪಾಸಿಟಿವ್ ಬಂದ ಕೂಡಲೇ ಆಸ್ಪತ್ರೆಗೆ ದಾಖಲಾಗಬೇಕಿಲ್ಲ ಎಂದು ವೈದ್ಯಲೋಕ ಹೇಳುತ್ತಿದ್ದರೂ, ಸೋಂಕಿತರು ಆಸ್ಪತ್ರೆ ಬಾಗಿಲು ಬಡಿಯುತ್ತಿದ್ದಾರೆ. ಹಾಗಾಗಿ, ಬೆಡ್ ಸಿಗಬೇಕಾದವರಿಗೆ ಬೆಡ್ ಸಿಗುತ್ತಿಲ್ಲ.
ಇನ್ನು ಹೋಮ್ ಐಶೋಲೇಶನ್ ನಲ್ಲಿ ಇರುವವರು ಈ ಅವಧಿಯಲ್ಲಿ ಏನು ಮಾಡಬಾರದು ಎಂದು ರಾಜೂಸ್ ಹೆಲ್ತಿ ಇಂಡಿಯಾದ ವೈದ್ಯರಾದಂತಹ ಡಾ.ರಾಜು ಕೃಷ್ಣಮೂರ್ತಿಯವರು ವಿವರಿಸಿದ್ದಾರೆ. ಅದು ಹೀಗಿದೆ
ಕೊರೊನಾ ಗುಣಲಕ್ಷಣಗಳು ಇದ್ದಾಗ ಏನು ಮಾಡಬಾರದು ಎನ್ನುವುದು ಕೂಡಾ ಅಷ್ಟೇ ಮುಖ್ಯ
> ಕೊರೊನಾ ಗುಣಲಕ್ಷಣಗಳು ಇದ್ದಾಗ ಏನು ಮಾಡಬಾರದು ಎನ್ನುವುದು ಕೂಡಾ ಅಷ್ಟೇ ಮುಖ್ಯವಾಗುತ್ತದೆ. ಮನೆಯಲ್ಲಿ ಪಾಸಿಟಿವ್ ಯಾರಿಗಾದರೂ ಇದ್ದರೆ, ಮನೆಯಲ್ಲಿರುವ ಇತರರಿಗೆ ಗುಣಲಕ್ಷಗಳು ಏನೂ ಇಲ್ಲದಿದ್ದರೆ, ಮುಂಜಾಗ್ರತಾ ಕ್ರಮವೆಂದು ಯಾವ ಗುಳಿಗೆಯನ್ನೂ ತೆಗೆದುಕೊಳ್ಳಲು ಹೋಗಬೇಡಿ. ಇದರಿಂದ ವೀಕ್ನೆಸ್ ಬರುತ್ತದೆ.
> ತಲೆಭಾರ ಇದ್ದರೆ ಮಾತ್ರ ಸ್ಟೀಮ್ ತೆಗೆದುಕೊಳ್ಳಬೇಕು. ಕೆಮ್ಮು, ಕಫವಿದ್ದರೆ ಸ್ಟೀಮ್ ತೆಗೆದುಕೊಳ್ಳಲು ಹೋಗಬೇಡಿ. ಇದರಿಂದ ಕೆಮ್ಮು ಜಾಸ್ತಿ ಆಗಿ ಆಮ್ಲಜನಕದ ರೇಟ್ (saturation) ಕಮ್ಮಿಯಾಗುತ್ತದೆ.
> ಕೆಮ್ಮು ಇದ್ದಾಗ ಪ್ರಾಣಾಯಾಮ ಕೂಡಾ ಮಾಡಬಾರದು. ಇನ್ನು, ಈ ವೇಳೆಯಲ್ಲಿ ಬಾಯಾರಿಕೆ ಜಾಸ್ತಿಯಿರುತ್ತದೆ, ಬಿಸಿನೀರು ಕುಡಿದರೆ ಬಾಯಾರಿಕೆ ಹೋಗುವುದಿಲ್ಲ. ಹಾಗಾಗಿ, ತಣ್ಣೀರು (ಫ್ರಿಜ್ಡ್ ನೀರಲ್ಲ) ಕುಡಿಯಿರಿ.
ನಿಂಬೆಹಣ್ಣು ರಸವನ್ನು ಮೂಗಿಗೆ ಹಾಕಿದರೆ, ಕೆಮ್ಮು ಜಾಸ್ತಿಯಾಗುತ್ತದೆ
> ನಿಂಬೆಹಣ್ಣು ರಸವನ್ನು ಮೂಗಿಗೆ ಹಾಕಿದರೆ, ಕೆಮ್ಮು ಜಾಸ್ತಿಯಾಗುತ್ತದೆ. ಸಿಟಿ ಸ್ಕ್ಯಾನ್ ಮುಂತಾದವು ಅನಾವಶ್ಯಕ ಎನ್ನುವುದು ನನ್ನ ಅಭಿಪ್ರಾಯ.
> ಒಂದು ವೇಳೆ ಮನೆಯಲ್ಲಿ ಯಾರಿಗಾದರೂ ಕೊರೊನಾ ಗುಣಲಕ್ಷಣವಿದ್ದರೆ ಅದನ್ನು ಮುಚ್ಚಿಡಕ್ಕೆ ಹೋಗಬೇಡಿ ಮತ್ತು ಕಾಯೋಕೆ ಹೋಗದೆ ವೈದ್ಯರ ಬಳಿಗೆ ಹೋಗಿ.
> ಬಿಸಿನೀರು ಸ್ನಾನ ಮಾಡುವುದನ್ನು ಕಮ್ಮಿ ಮಾಡುವುದು ಒಳ್ಳೆಯದು. ಯಾಕೆಂದರೆ, ಹಬೆ ಹೆಚ್ಚಾಗಿ ಬರುವುದರಿಂದ ಆಮ್ಲಜನಕದ ರೇಟ್ ಕಮ್ಮಿಯಾಗುವ ಸಾಧ್ಯತೆಯಿದೆ.
ಮನೆಯಲ್ಲಿ ಕೊರೊನಾ ಬಗ್ಗೆ ಹೆಚ್ಚು ಮಾತಾಡದೇ ಇರುವುದು ಒಳ್ಳೆಯದು
> ಬಾತ್ ರೂಂಗೆ ಹೋಗುವುದನ್ನೂ ಕಮ್ಮಿ ಮಾಡಿ, ಡೈಪರ್ ಅಥವಾ ಬೆಡ್ ಪ್ಯಾನ್ ಬಳಸಿದರೆ ಉತ್ತಮ.
> ಪಾಸಿಟಿವ್ ಇರುವವರ ಮೈಂಡ್ ಅನ್ನು ಬದಲಾಯಿಸಬೇಕು, ಕೊರೊನಾ ಬಗ್ಗೆ ಹೆಚ್ಚು ಮಾತಾಡದೇ ಇರುವುದು ಒಳ್ಳೆಯದು. ಆದಷ್ಟು ಬೆಡ್ ರೆಸ್ಟ್ ನಲ್ಲಿದ್ದು, ಹೆಚ್ಚು ಮಾತನಾಡಲು ಬಿಡಬೇಡಿ.
> ಮನೆಯಲ್ಲಿ ಮಾಸ್ಕ್ ಹಾಕಿಕೊಳ್ಳಲು ಹೋಗಬೇಡಿ.
Recommended Video
ರೆಮ್‌ಡೆಸಿವಿರ್ ಲಸಿಕೆಯಿಂದ ಏನೂ ಪ್ರಯೋಜನವಿಲ್ಲ, ಅದರ ಬದಲು ವೈದ್ಯರು ಹೇಳುವುದನ್ನು ಪಾಲಿಸಿ
> ಮನೆಯಲ್ಲಿ ಪಾಸಿಟಿವ್ ಕೇಸ್ ರೋಗಿ ಇದ್ದಾರೆಂದು ಮನೆಯನ್ನು ಸ್ಯಾನಿಟೈಸ್ ಮಾಡೋಕೆ ಹೋಗಬೇಡಿ, ಇದು ತುಂಬಾ ಡೇಂಜರ್.
> ರೋಗಿಯನ್ನು ಒಂದು ರೂಂನಲ್ಲಿ ಕೂಡಿಹಾಕುವ ಬದಲು, ಗಾಳಿ ಜಾಸ್ತಿ ಬರುವ ಜಾಗದಲ್ಲಿ ಕೂರಿಸಿದರೆ ಉತ್ತಮ.
>ರೆಮ್‌ಡೆಸಿವಿರ್ ಲಸಿಕೆಯಿಂದ ಏನೂ ಪ್ರಯೋಜನವಿಲ್ಲ, ಅದರ ಬದಲು ವೈದ್ಯರು ಹೇಳುವುದನ್ನು ಪಾಲಿಸಿಕೊಂಡು ಬನ್ನಿ, ಆತ್ಮವಿಶ್ವಾಸ ಹೆಚ್ಚಿಸಿಕೊಳ್ಳಿ, ನೆಗೆಟೀವ್ ಚಿಂತನೆ ಬಿಟ್ಟುಬಿಡಿ, ನಗುನಗುತ್ತಾ ಇರಿ, ಅಷ್ಟೇ ಸಾಕು.
