Click it and Unblock the Notifications
Just In
-
-
-
Don't Miss
-
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವೆಡ್ಡಿಂಗ್ ಗಿಫ್ಟ್: ಕಮರ್ಷಿಯಲ್ ಜೊತೆಗೆ ಸಾಮಾಜಿಕ ಸಂದೇಶದ ಬೆಸುಗೆ
ವೆಡ್ಡಿಂಗ್ ಗಿಫ್ಟ್ ಸಿನಿಮಾ ಬಗ್ಗೆ ಈಗಾಗಲೇ ಸಾಕಷ್ಟು ವಿಚಾರಗಳನ್ನು ಕೇಳಿಯೇ ಇದ್ದೇವೆ. ಟ್ರೇಲರ್ ನೋಡಿ ದಂಗಾಗಿದ್ದೇವೆ. ನಮ್ಮ ಸುತ್ತ ಮುತ್ತ ಇಂಥ ಅದೆಷ್ಟು ಘಟನೆಗಳು ನಡೆದರು ನಮ್ಮ ಕೈನಲ್ಲಿ ಏನು ಮಾಡಲು ಸಾಧ್ಯವೇ ಆಗಲಿಲ್ಲವಲ್ಲ ಎಂದು ಮರುಗಿದ್ದೇವೆ. ಈ ಸಿನಿಮಾ ಮೂಲಕವಾದರೂ ನೊಂದ ಹಲವರಿಗೆ ಪರಿಹಾರ ಸಿಗಬಹುದು ಎಂಬ ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾ ಇದೇ ತಿಂಗಳ 8 ರಂದು ತೆರೆಗೆ ಬರಲಿದೆ.
ಇಷ್ಟೆಲ್ಲಾ ನಿರೀಕ್ಷೆ ಹುಟ್ಟಿಸಲು ಕಾರಣ ನಿರ್ದೇಶಕ ಸ್ಥಾನದಲ್ಲಿ ನಿಂತು ಆಕ್ಷನ್ ಕಟ್ ಹೇಳಿರುವ ವಿಕ್ರಂ ಪ್ರಭು ಅವರ ಹಠ. ಇದೊಂಥರ ತಪಸ್ಸು ಎಂದೇ ಹೇಳಬಹುದು. ಸಿನಿಮಾ ಮಾಡಬೇಕು ಎಂಬ ಹುಂಬತನವೊಂದಿದ್ದರೆ ಸಾಲದು. ಸಿನಿಮಾದಲ್ಲಿ ಏನು ನೀಡಬೇಕೆಂಬುದು ಪಕ್ಕಾ ತಲೆಯಲ್ಲಿರಬೇಕು. ಇಲ್ಲವಾದರೂ ಹೆಸರಿಗೊಂದು ನಿರ್ದೇಶಕನ ಪಟ್ಟ ಸಿಗುತ್ತದೆಯಷ್ಟೆ.
ಆದರೆ ವಿಕ್ರಂ ಪ್ರಭುಗೆ ಆ ಕ್ಲಾರಿಟಿ ಇತ್ತು. ಹೀಗಾಗಿಯೇ ಸಮಯ ಎಷ್ಟೇ ಆದರೂ ಜನಮೆಚ್ಚುವ, ಸಮಾಜಕ್ಕೆ ಏನಾದರೊಂದು ಸಿಗುವಂತ ಸಿನಿಮಾ ತಯಾರಿಸಿದ್ದಾರೆ. ಇಷ್ಟು ವರ್ಷದ ಶ್ರಮಕ್ಕೆ ಜುಲೈ ಎಂಟರಂದು ಪ್ರತಿಫಲ ಅಪೇಕ್ಷಿಸುತ್ತಿದ್ದಾರೆ.
ಈಗಾಗಲೇ ಸಾಕಷ್ಟು ಮಂದಿ ವೆಡ್ಡಿಂಗ್ ಗಿಫ್ಟ್ ಸಿನಿಮಾ ಬಗ್ಗೆ ಪಾಸಿಟಿವ್ ಆಗಿ ಮಾತನಾಡಿದ್ದಾರೆ. ನೊಂದವರ ಧ್ವನಿಯಾಗಲಿದೆ ಎಂಬ ನಿರೀಕ್ಷೆಯನ್ನು ಇಟ್ಟುಕೊಂಡಿದ್ದಾರೆ. ಹೀಗಾಗಿ ಸಿನಿಮಾಗಾಗಿ ಕಾಯುವ ಕಾತರಿಕೆ ಹೆಚ್ಚಾಗಿದೆ.
ಹಲವು ನಿರ್ದೇಶಕರ ಜೊತೆ ಪಳಗಿರುವ ವಿಕ್ರಂ ಪ್ರಭು ಸ್ವಂತ ಕಲೆ, ತಲೆ ಎರಡನ್ನು ಉಪಯೋಗಿಸಿ ಸಿನಿಮಾ ಸಿದ್ಧ ಮಾಡಿದ್ದಾರೆ. ಕಮರ್ಷಿಯಲ್ ಒಂದೇ ಮುಖ್ಯವಲ್ಲ. ಅದರ ಜೊತೆಗೆ ಸಾಮಾಜಿಕ ಕಾಳಜಿ ಇನ್ನು ಮುಖ್ಯ ಎಂದು ನಂಬಿರುವ ವಿಕ್ರಂ ಪ್ರಭು ಅದೇ ಹಾದಿಯಲ್ಲಿ ಸಾಗಿರುವುದು ಟ್ರೇಲರ್ ನಲ್ಲಿ ಖಚಿತವಾಗಿದೆ.
ನಿರ್ದೇಶನದ ಜೊತೆಗೆ ಅವರೇ ನಿರ್ಮಾಣದ ಹೊಣೆಯನ್ನು ಹೊತ್ತು, ವಿಕ ಪ್ರಭು ಫಿಲಂಸ್ ಲಾಂಛನದಲ್ಲಿ ನಿರ್ಮಾಣ ಮಾಡುತ್ತಿದ್ದಾರೆ. ಜುಲೈ 8ಕ್ಕೆ ತೆರೆ ಕಾಣುವ ವೆಡ್ಡಿಂಗ್ ಗಿಫ್ಟ್ ಚಿತ್ರದಲ್ಲಿ ಸೋನುಗೌಡ ನಾಯಕಿಯಾಗಿ ನಟಿಸಿದ್ದಾರೆ.
ನಿಶಾನ್ ನಾಯಕನಾಗಿದ್ದು, ಪ್ರೇಮಾ ಲಾಯರ್ ಆಗಿ ಕಮ್ ಬ್ಯಾಕ್ ಆಗಿದ್ದಾರೆ. ಅಚ್ಯುತ್ ಕುಮಾರ್ ಕೂಡ ವಕೀಲರಾಗಿ ವಾದಿಸುವುದನ್ನು ಕಾಣಬಹುದು. ಉಳಿದಂತೆ ಈ ಚಿತ್ರಕ್ಕೆ ಉದಯ್‌ಲೀಲಾ ಛಾಯಾಗ್ರಹಣ, ಬಾಲಚಂದ್ರ ಪ್ರಭು ಸಂಗೀತ, ವಿಜೇತ್ ಚಂದ್ರ ಸಂಕಲನವಿದೆ.
