Click it and Unblock the Notifications
Just In
-
-
-
Don't Miss
-
DC vs GT IPL 2024: ಅಕ್ಷರ್, ಪಂತ್ ಭರ್ಜರಿ ಬ್ಯಾಟಿಂಗ್; ಗುಜರಾತ್ಗೆ ಸವಾಲಿನ ಗುರಿ ನೀಡಿದ ಡೆಲ್ಲಿ -
ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್! -
613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..! -
Swathi Royal; ಒಂಬತ್ತನೇ ಕ್ಲಾಸ್ ನಲ್ಲೇ ಲವ್ವಲ್ಲಿ ಬಿದ್ದ ಅಮೃತಧಾರೆ ಅಪರ್ಣಾ..! -
ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್ -
ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೆಂಗಳೂರು ವಿವಿ ಸೇರಿ 28 ವಿವಿಗಳ ಮಾರ್ಕ್ಸ್‌ ಕಾರ್ಡ್‌ ಆನ್‌ಲೈನ್‌ನಲ್ಲಿ
ಬೆಂಗಳೂರು, ಜು.9: ಪದವಿ ಮತ್ತು ಸ್ನಾತಕೋತ್ತರ ವಿದ್ಯಾರ್ಥಿಗಳು ಇನ್ನುಮುಂದೆ ಆನ್‌ಲೈನ್‌ ಮೂಲಕವೇ ಅಂಕಪಟ್ಟಿಯನ್ನು ಪಡೆಯಬಹುದಾಗಿದೆ. ಇನ್ನುಮುಂದೆ ರಾಜ್ಯದ ಎಲ್ಲ 28 ಸರ್ಕಾರಿ ವಿಶ್ವವಿದ್ಯಾಲಯಗಳು ಅಂಕಪಟ್ಟಿ ಮುದ್ರಿಸುವ ಬದಲು ಅಂಕಪಟ್ಟಿಯ ಸಾಫ್ಟ್‌ ಕಾಪಿ ರೂಪಿಸಿ ವೆಬ್‌ಸೈಟ್‌ನಲ್ಲಿ ಅಪ್‌ಲೋಡ್‌ ಮಾಡಲಿದೆ.
ಕೇಂದ್ರ ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ ಡಿಜಿಟಲ್‌ ಇಂಡಿಯಾಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡಿದ್ದು ಆನ್‌ಲೈನ್‌ನಲ್ಲೆ ದೊರೆಯುವಂತೆ ಮಾಡಲು ವಿಶ್ವವಿದ್ಯಾಲಯಗಳಿಗೆ ಸೂಚನೆ ನೀಡಿದೆ. ಎಂಎಚ್‌ಆರ್‌ಡಿ ವ್ಯಾಪ್ತಿಗೆ ಬರುವ ರಾಷ್ಟ್ರೀಯ ಶೈಕ್ಷಣಿಕ ಕಣಜ ವಿಶ್ವವಿದ್ಯಾಲಯಗಳಿಂದ ಮಾಹಿತಿ ಪಡೆದು ವಿದ್ಯಾರ್ಥಿಗಳ ದತ್ತಾಂಶ ಕ್ರೋಡೀಕರಣ ಮಾಡಲಿದೆ.
ನಂತರ ವಿದ್ಯಾರ್ಥಿಗಳ ಅಂಕಪಟ್ಟಿ, ಪದವಿ ಪ್ರಮಾಣಪತ್ರ, ವಿವಿಧ ಕೋರ್ಸ್‌ಗಳ ಪ್ರಮಾಣಪತ್ರ ಸೇರಿ ಎಲ್ಲ ಬಗೆಯ ಶೈಕ್ಷಣಿಕ ಚಟುವಟಿಕೆಯ ಪ್ರಮಾಣಪತ್ರವನ್ನು ಆನ್‌ಲೈನ್‌ನಲ್ಲಿ ಅಪ್‌ಲೋಡ್‌ ಮಾಡಲಾಗುತ್ತದೆ. ವಿದ್ಯಾರ್ಥಿಗಳು ನ್ಯಾಡ್‌ ಮೂಲಕ ಯಾವುಉದೇ ಕ್ಷಣದಲ್ಲಾದರೂ ಪ್ರಮಾಣ ಪತ್ರ ಪಡೆಯಬಹುದಾಗಿದೆ.
ಬೆಂಗಳೂರು ವಿವಿಯಲ್ಲಿ ಮೊದಲ ಪ್ರಯೋಗ
ರಾಜ್ಯದಲ್ಲಿರುವ 28 ಸರ್ಕಾರಿ ವಿಶ್ವವಿದ್ಯಾಲಯಗಳ ಪೈಕಿ ಬೆಂಗಳೂರು ವಿಶ್ವವಿದ್ಯಾಲಯ ಮೊದಲ ಬಾರಿಗೆ ಈ ಡಿಜಿಟಲ್‌ ಅಂಕಪಟ್ಟಿ ತರಲು ನಿರ್ಧರಿಸಿದೆ. ಇತ್ತೀಚೆಗೆ ಎಂಎಚ್‌ಆರ್‌ಡಿ ಗುರುತಿಸಿರುವ ಖಾಸಗಿ ಕಂಪನಿ ಜತೆಗೆ ಒಪ್ಪಂದ ಮಾಡಿಕೊಂಡಿದೆ. ಇವರು ಅಂಕಪಟ್ಟಿ ಉಚಿತವಾಗಿ ವಿನ್ಯಾಸ ಮಾಡಿ ನೀಡಲಿದ್ದಾರೆ.
ಮಾರ್ಕ್ಸ್‌ಕಾರ್ಡ್‌ ನಕಲಿಗೆ ಅವಕಾಶವಿಲ್ಲ
ನ್ಯಾಡ್‌ಗೆ ವಿದ್ಯಾರ್ಥಿಗಳ ಆಧಾರ್‌ ಸಂಖ್ಯೆ ಲಿಂಕ್‌ ಮಾಡಲಾಗುತ್ತದೆ. ನಂತರ ಸೀಕ್ರೇಟ್‌ ಪಿನ್‌ಕೋಡ್‌ ನೀಡಲಿದೆ. ವಿದ್ಯಾರ್ಥಿಗಳು ಆ ಪಿನ್‌ಕೋಡ್‌ ಬಳಕೆ ಮಾಡಿದರೆ ಮಾತ್ರ ಅಂಕಪಟ್ಟಿ ದೊರೆಯಲಿದೆ. ಬಾರ್‌ಕೋಡ್‌, ವಿವಿಯ ಲೋಗೋ, ಡಿಜಿಟಲ್‌ ಸಹಿ ಸೇರಿ ಕನಿಷ್ಠ 10 ಅಂಶಗಳನ್ನು ಆಯಾ ವಿವಿಗಳು ನಮೂದಿಸಿರುತ್ತಾರೆ.
ವಿಶ್ವವಿದ್ಯಾಲುಗಳು ಏನು ಮಾಡಬೇಕು
ವಿಶ್ವವಿದ್ಯಾಲಯಗಳು ಈವರೆಗೆ ಅಂಕಪಟ್ಟಿಗಳನ್ನು ಮುದ್ರಿಸುತ್ತಿದ್ದು, ಕಾಲೇಜು ಆಡಳಿತ ಮಂಡಳಿಯವರು ವಿವಿಗೆ ಆಗಮಿಸಿ ಅಂಕಪಟ್ಟಿ ಪಡೆದು ವಿದ್ಯಾರ್ಥಿಗಳಿಗೆ ರವಾನೆ ಮಾಡುತ್ತಿದ್ದರು. ಇನ್ನುಮುಂದೆ ವಿವಿಗಳು ನೇರವಾಗಿ ಅಂಕಪಟ್ಟಿ ವಿನ್ಯಾಸ ಮಾಡಿ ಅಂಕಗಳನ್ನು ನಮೂದಿಸಿದರೆ ಸಾಕು. ಮುದ್ರಣ ಮಾಡುವ ಅಗತ್ಯವಿರುವುದಿಲ್ಲ.
ಪ್ರಕ್ರಿಯೆ ಹೇಗಿರುತ್ತದೆ
ಎಂಎಚ್‌ಆರ್‌ಡಿ ವ್ಯಾಪ್ತಿಗೆ ಬರುವ ರಾಷ್ಟ್ರೀಯ ಶೈಕ್ಚಣಿಕ ಕಣಜ ಇಶ್ವವಿದ್ಯಾಲಯಗಳಿಂದ ಮಾಹಿತಿ ಪಡೆದು ವಿದ್ಯಾರ್ಥಿಗಳ ದತ್ತಾಂಶ ಕ್ರೋಡೀಕರಣ ಮಾಡಲಿದೆ. ನಂತರ ವಿದ್ಯಾರ್ಥಿಗಳ ಅಂಕಪಟ್ಟಿ, ಪದವಿ ಪ್ರಮಾಣಪತ್ರ, ವಿವಿಧ ಕೋರ್ಸ್‌ಗಳ ಪ್ರಮಾಣಪತ್ರ ಸೇರಿ ಎಲ್ಲ ಬಗೆಯ ಅಂಕಪಟ್ಟಿಯನ್ನು ಆನ್‌ಲೈನ್‌ನಲ್ಲಿ ಅಪ್‌ಲೋಡ್‌ ಮಾಡಲಿದೆ.
