ಸರ್ಕಾರಿ ಮೆಡಿಕಲ್‌ ಸೀಟು ಶುಲ್ಕ ಮೂರು ಪಟ್ಟು ಹೆಚ್ಚಳ

ಬೆಂಗಳೂರು, ಜು.10: ಖಾಸಗಿ ವೈದ್ಯಕೀಯ ಕಾಲೇಜುಗಳ ಶುಲ್ಕ ಹೆಚ್ಚಳದ ಬೆನ್ನಲ್ಲೇ ಸದ್ದಿಲ್ಲದೆ ಸರ್ಕಾರಿ ವೈದ್ಯಕೀಯ ಸೀಟಿನ ಶುಲ್ಕವನ್ನೂ ಮೂರು ಪಟ್ಟು ಏರಿಸಲಾಗಿದೆ.

ಇದರಿಂದಾಗಿ ಸರ್ಕಾರಿ ಕೋಟಾದಲ್ಲಿ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಉಚಿತವಾಗಿ ಸೀಟು ಸಿಕ್ಕರೂ ಪ್ರವೇಶ ಪಡೆಯುವುದು ಸುಲಭದ ಮಾತಲ್ಲ, ಈ ಹಿಂದೆ ಸರ್ಕಾರಿ ವೈದ್ಯ ಸೀಟು ಸಿಕ್ಕರೆ ಕೇವಲ 80 ಸಾವಿರ ರೂ. ಶುಲ್ಕ ಭರಿಸಿಮ ಪದವಿ ಪೂರ್ಣಗೊಳಿಸಬಹುದಾಗಿತ್ತು. ಆದರೆ, ರಾಜ್ಯದ ವೈದ್ಯಕೀಯ ಶಿಕ್ಷಣ ಇಲಾಖೆ ಈ ವರ್ಷದಿಂದ ಸರ್ಕಾರಿ ಸೀಟುಗಳ ಶಲ್ಕವನ್ನು 16,700ರಿಂದ 50 ಸಾವಿರ ರೂ.ಗಳಿಗೆ ಏರಿಸಿದೆ.

ಹಾಗಾಗಿ ಪದವಿ ಮುಗಿಯುವವರೆಗೆ 2 ಲಕ್ಷ ರೂ. ಶುಲ್ಕ ಭರಿಸಬೇಕಿದೆ. ಶುಲ್ಕದ ವಸತಿ ನಿಲಯ ಇತರೆ ಖರ್ಚುಗಳನ್ನು ಸೇರಿಸಿದರೆ ಐದಾರು ಲಕ್ಷ ರೂ ಬೇಕಾಗುತ್ತದೆ, ಖಾಸಗಿ ಕಾಲೇಜುಗಳಿಗೆ ಕಡಿಮೆ ಶುಲ್ಕ ವಿಧಿಸಿ ಎಂದು ಹೇಳುವ ಸರ್ಕಾರವೇ ಈ ರೀತಿ ಮಾಡಿದರೆ ವಿದ್ಯಾರ್ಥಿಗಳು ಎಲ್ಲಿ ಹೋಗಬೇಕು ಎಂಬುದರ ಕುರಿತು ಚರ್ಚೆ ನಡೆದಿದೆ.

ರಾಜ್ಯದಲ್ಲಿ ಸರ್ಕಾರಿ ಮತ್ತು ಖಾಸಗಿ ಸೇರಿ 48 ವೈದ್ಯ ಮತ್ತು 38 ದಂತವೈದ್ಯ ಕಾಲೇಜುಗಳಿವೆ, ವೈದ್ಯಕೀಯದಲ್ಲಿ ಒಟ್ಟು 5920 ಸೀಟುಗಳಲ್ಲಿ 3390 ಸರ್ಕಾರಿ ಸೀಟುಗಳಾಗಿವೆ. ವೈದ್ಯಕೀಯದಲ್ಲಿ ಒಟ್ಟು 2754 ಸೀಟುಗಳಲ್ಲಿ 928 ಸರ್ಕಾರಿ ಸೀಟುಗಳಾಗಿವೆ.

ಖಾಸಗಿ ಕಾಲೇಜಿನಲ್ಲಿ ಸರ್ಕಾರ ಸೀಟಿನ ಶುಲ್ಕ 97,350 ರೂ.ಗಳಾಗಿವೆ. ಖಾಸಗಿ ಕಾಲೇಜಿನಲ್ಲಿ ಸರ್ಕಾರಿ ಕೋಟಾದಡಿ ವೈದ್ಯ ಸೀಟು ಸಿಕ್ಕರೂ ನಾಲ್ಕೂವರೆ ವರ್ಷಗಳಲ್ಲಿ 4 ಲಕ್ಷಕ್ಕೂ ಹೆಚ್ಚಿನ ಶುಲ್ಕವನ್ನು ಪಾವತಿಸಬೇಕಿದೆ.

English summary

In a shocking decision by the state government, medical courses fees in government quota was hiked from ₹16,700 to ₹50,000 per annum. Students and parents strongly opposed the decision taken by the state government.