ಸೆ. 21ರಿಂದ ಕರ್ನಾಟಕದಿಂದ 3 ವಿಶೇಷ ರೈಲು ಸಂಚಾರ; ವೇಳಾಪಟ್ಟಿ
ಬೆಂಗಳೂರು, ಸೆಪ್ಟೆಂಬರ್ 20: ಪ್ರಯಾಣಿಕರ ಬೇಡಿಕೆ ಹಿನ್ನಲೆಯಲ್ಲಿ ನೈಋತ್ಯ ರೈಲ್ವೆ ಸೆಪ್ಟೆಂಬರ್ 21ರಿಂದ ಮೂರು ವಿಶೇಷ ರೈಲುಗಳನ್ನು ಕರ್ನಾಟಕದಿಂದ ಓಡಿಸಲಿದೆ. ದೇಶದ ವಿವಿಧ ನಗರಗಳಿಗೆ ಈ ರೈಲು ಸಂಪರ್ಕ ಕಲ್ಪಿಸಲಿದೆ.
ನೈಋತ್ಯ ರೈಲ್ವೆ ರೈಲ್ವೆ ಬೋರ್ಡ್ ಸೂಚನೆಯಂತೆ ವಿಶೇಷ ರೈಲುಗಳ ವೇಳಾಪಟ್ಟಿಯನ್ನು ಅಂತಿಮಗೊಳಿಸಿದೆ. ಭಾರತೀಯ ರೈಲ್ವೆ ಇಲಾಖೆ ಘೋಷಣೆ ಮಾಡಿರುವ ಕ್ಲೋನ್ ರೈಲುಗಳು ಇವಾಗಿವೆ.
ಸೆ.21 ರಿಂದ 20 ಜೋಡಿ ಕ್ಲೋನ್ ರೈಲುಗಳ ಸಂಚಾರ; ಮಾರ್ಗಗಳು
ಈಗ ಸಂಚಾರ ನಡೆಸುತ್ತಿರುವ 310 ವಿಶೇಷ ರೈಲುಗಳ ಜೊತೆ ಭಾರತೀಯ ರೈಲ್ವೆ ಸೆಪ್ಟೆಂಬರ್ 21ರ ಸೋಮವಾರದಿಂದ 20 ಜೋಡಿ ಕ್ಲೋನ್ ರೈಲುಗಳನ್ನು ಓಡಿಸಲಿದೆ. ಹೆಚ್ಚು ಬೇಡಿಕೆ ಇರುವ ಮಾರ್ಗದಲ್ಲಿ ಮಾತ್ರ ಈ ರೈಲು ಸಂಚಾರ ನಡೆಸಲಿದೆ.
ಮೆಜೆಸ್ಟಿಕ್ನಿಂದ ಹೊರಡಲಿದೆ ಯಶವಂತಪುರ-ಕಾರವಾರ ರೈಲು
ಈ ಕ್ಲೋನ್ ರೈಲುಗಳು ಅಧಿಸೂಚಿತ ಸಮಯದಲ್ಲಿ ಮಾತ್ರ ಸಂಚಾರ ನಡೆಸಲಿವೆ. ನಿಲುಗಡೆ ಸಹ ಸೀಮಿತವಾಗಿರುತ್ತದೆ. ವಿಶೇಷ ರೈಲು, ಶ್ರಮಿಕ್ ರೈಲುಗಳಿವೆ ಪರ್ಯಾಯವಾಗಿ ಈ ರೈಲು ಸಂಚಾರ ನಡೆಸಲಿದೆ ಎಂದು ರೈಲ್ವೆ ಪ್ರಕಟಣೆಯಲ್ಲಿ ಹೇಳಿದೆ.
ಬೆಂಗಳೂರು-ಮಂಗಳೂರು ವಿಶೇಷ ರೈಲು ವೇಳಾಪಟ್ಟಿ ಬದಲು
ಕೆಎಸ್ಆರ್ ಬೆಂಗಳೂರು-ಢಾಣಾಪುರ ರೈಲು
ಕೆಎಸ್ಆರ್ ಬೆಂಗಳೂರು-ಢಾಣಾಪುರ ವಿಶೇಷ ರೈಲು (06509/06510) ಸೆಪ್ಟೆಂಬರ್ 21ರಿಂದ ಸಂಚಾರ ಆರಂಭಿಸಲಿದೆ. ಸೋಮವಾರ ಬೆಳಗ್ಗೆ 8ಗಂಟೆಗೆ ಬೆಂಗಳೂರಿನಿಂದ ಹೊರಡುವ ರೈಲು ಬುಧವಾರ ಬೆಳಗ್ಗೆ 8ಗಂಟೆಗೆ ಢಾಣಾಪುರ ತಲುಪಲಿದೆ. ಢಾಣಾಪುರದಿಂದ ಸೆಪ್ಟೆಂಬರ್ 23ರ ಬುಧವಾರ ಸಂಜೆ 6.10ಕ್ಕೆ ಹೊರಡಲಿದ್ದು, ಶುಕ್ರವಾರ ಸಂಜೆ 6.20ಕ್ಕೆ ಬೆಂಗಳೂರಿಗೆ ಬರಲಿದೆ.
ಯಶವಂತಪುರ-ಹಜರತ್ ನಿಜಾಮುದ್ದೀನ್
ಯಶವಂತಪುರ-ಹಜರತ್ ನಿಜಾಮುದ್ದೀನ್-ಯಶವಂತಪುರ (06523/06524) ರೈಲು ವಾರದಲ್ಲಿ ಎರಡು ಬಾರಿ ಸಂಚಾರ ನಡೆಸಲಿದೆ. ಸೆಪ್ಟೆಂಬರ್ 23ರಿಂದ ಈ ರೈಲು ಸಂಚಾರ ಆರಂಭವಾಗಲಿದೆ. ಬುಧವಾರ ಮತ್ತು ಶನಿವಾರ ಮಧ್ಯಾಹ್ನ 1.55ಕ್ಕೆ ಯಶವಂತರಪುರದಿಂದ ಹೊರಡುವ ರೈಲು ಶುಕ್ರವಾರ ಹಾಗೂ ಸೋಮವಾರ ಮಧ್ಯಾಹ್ನ 1.20ಕ್ಕೆ ಹಜರತ್ ನಿವಾಮುದ್ದೀನ್ ತಲುಪಲಿದೆ.
ಸೆಪ್ಟೆಂಬರ್ 26ರಿಂದ ಶನಿವಾರ ಮತ್ತು ಮಂಗಳವಾರ ಬೆಳಗ್ಗೆ 7 ಗಂಟೆಗೆ ಹಜರತ್ ನಿಜಾಮುದ್ದೀನ್ನಿಂದ ಹೊರಡುವ ರೈಲು ಸೋಮವಾರ ಹಾಗೂ ಗುರುವಾರ ಬೆಳಗ್ಗೆ 4.20ಕ್ಕೆ ಯಶವಂತಪುರವನ್ನು ತಲುಪಲಿದೆ.
ವಾಸ್ಕೋ ಡಿ ಗಾಮಾ-ಹಜರತ್ ನಿಜಾಮುದ್ದೀನ್
ವಾಸ್ಕೋ ಡಿ ಗಾಮ-ಹಜರತ್ ನಿಜಾಮುದ್ದೀನ್-ವಾಸ್ಕೋ ಡಿ ಗಾಮ (07379/07380) ರೈಲು ಸೆಪ್ಟೆಂಬರ್ 25ರಿಂದ ಆರಂಭವಾಗಲಿದೆ. ಶುಕ್ರವಾರ ಮಧ್ಯಾಹ್ನ 12.30ಕ್ಕೆ ವಾಸ್ಕೊ ಡಿ ಗಾಮದಿಂದ ಹೊಡುವ ರೈಲು ಭಾನುವಾರ ಬೆಳಗ್ಗೆ 4.20ಕ್ಕೆ ಹಜರತ್ ನಿಜಾಮುದ್ದೀನ್ ತಲುಪಲಿದೆ. ಅಕ್ಟೋಬರ್ 7ರಿಂದ ಪ್ರತಿ ಭಾನುವಾರ ಮಧ್ಯಾಹ್ನ 1 ಗಂಟೆಗೆ ಹಜರತ್ ನಿಜಾಮುದ್ದೀನ್ ನಿಂದ ಹೊರಡುವ ರೈಲು ಮಂಗಳವಾ ಬೆಳಗ್ಗೆ 4.45ಕ್ಕೆ ವಾಸ್ಕೋ ಡಿ ಗಾಮ ತಲುಪಲಿದೆ.
Recommended Video
|
ವಿಶೇಷ ರೈಲಿನ ದರಗಳು
ವಿಶೇಷ ಕ್ಲೋನ್ ರೈಲುಗಳ ದರ ಹಮ್ಸಾಫರ್ ಎಕ್ಸ್ಪ್ರೆಸ್ ದರಕ್ಕೆ ಸಮನಾಗಿರುತ್ತದೆ. ಆದರೆ, ಲಖನೌ ಮತ್ತು ದೆಹಲಿ ನಡುವಿನ ಕ್ಲೋನ್ ರೈಲಿನ ದರ ಜನಶತಾಬ್ದಿ ರೈಲಿನ ದರಕ್ಕೆ ಸಮಾನಾಗಿರುತ್ತದೆ. ರೈಲುಗಳ ವೇಳಾಪಟ್ಟಿ.