'ಕನ್ನಡಕ್ಕೂ ಬೇಕು ಬಿಬಿಸಿ', ಸಾಮಾಜಿಕ ಜಾಲತಾಣದಲ್ಲಿ ಅಭಿಯಾನ

ಬೆಂಗಳೂರು, ಅಕ್ಟೋಬರ್ 9: ಇತ್ತೀಚೆಗೆ ಬ್ರಿಟಿಷ್ ಬ್ರಾಡ್ ಕಾಸ್ಟ್ ಕಂಪನಿ (ಬಿಬಿಸಿ) ಹೊಸದಾಗಿ ಭಾರತದ 4 ಭಾಷೆಗಳಿಗೆ ತನ್ನ ಸೇವೆ ವಿಸ್ತರಿಸಿದೆ. ಆದರೆ ಇದರಲ್ಲಿ ಕನ್ನಡ ಮಾತ್ರ ಸೇರಿಲ್ಲ. ಹೀಗಾಗಿ ಕನ್ನಡ ಭಾಷೆಯಲ್ಲೂ ಬಿಬಿಸಿ ಆಯ್ಕೆ ಕೊಡಿ ಎಂದು ಅಭಿಯಾನವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ನಡೆಯುತ್ತಿದೆ.

ಅಕ್ಟೋಬರ್ 2ರಂದು ಬಿಬಿಸಿ ಭಾರತದ ಗುಜರಾತಿ, ಮರಾಠಿ, ಪಂಜಾಬಿ ಮತ್ತು ತೆಲುಗು ಭಾಷೆಗಳಲ್ಲಿ ತನ್ನ ಸೇವೆ ಆರಂಭಿಸಿತ್ತು. ಒಟ್ಟು 11 ಭಾಷೆಗಳಿಗೆ ತನ್ನ ಸೇವೆ ವಿಸ್ತರಿಸಿದ್ದ ಬಿಬಿಸಿ ಇದರಲ್ಲಿ ನಾಲ್ಕು ಭಾರತೀಯ ಭಾಷೆಗಳನ್ನು ಆಯ್ಕೆ ಮಾಡಿಕೊಂಡಿತ್ತು.

ಈ ಹಿಂದೆಯೇ ತಮಿಳು ಭಾಷೆಯಲ್ಲಿ ತನ್ನ ಸೇವೆ ಆರಂಭಿಸಿದ್ದ ಬಿಬಿಸಿ ಇದೀಗ ತೆಲುಗಿಗೂ ಅದನ್ನು ವಿಸ್ತರಿಸಿದೆ. ಅತ್ತ ಹಿಂದೆ ಮರಾಠಿ ಭಾಷೆಗಳಲ್ಲೂ ಬಿಬಿಸಿ ಲಭ್ಯವಿದೆ. ಈಗ ದಕ್ಷಿಣ ಭಾರತದಲ್ಲಿ ಉಳಿದಿರುವುದು ಕನ್ನಡ ಮತ್ತು ಮಲಯಾಳಂ ಮಾತ್ರ.

ಬಿಬಿಸಿ ನ್ಯೂಸ್ ಈಗ ಭಾರತೀಯ ಭಾಷೆಗಳಲ್ಲೂ ಲಭ್ಯವಿದ್ದು ಆದರೆ #ಕನ್ನಡ ಭಾಷೆಯ ಆಯ್ಕೆ ಇನ್ನು ಇಲ್ಲ. ಕನ್ನಡ ಭಾಷೆಯ ಆಯ್ಕೆ ಕೊಡಿ ಎಂದು @BBCIndiaಗೆ ಒತ್ತಾಯಿಸೋಣ. pic.twitter.com/EMgWnhlbos

— KGK (@KannadaGrahaka) October 6, 2017

ಕನ್ನಡದಲ್ಲೂ ಬೇಕು ಬಿಬಿಸಿ

ಹೀಗಾಗಿ ಕನ್ನಡಕ್ಕೂ ಬಿಬಿಸಿ ಬೇಕು ಎಂಬ ಅಭಿಯಾನವನ್ನು ಕನ್ನಡ ಗ್ರಾಹಕರ ಕೂಟ ಸೇರಿದಂತೆ ಹಲವು ಕನ್ನಡಿಗರು ಆರಂಭಿಸಿದ್ದಾರೆ. ಕನ್ನಡದಲ್ಲೂ ಬಿಬಿಸಿ ಆಯ್ಕೆ ಕೊಡಿ ಎಂದು ಬಿಬಿಸಿ ಸಂಸ್ಥೆಗೆ ಟ್ವಿಟ್ಟರಿನಲ್ಲಿ ಹಕ್ಕೊತ್ತಾಯ ಮಂಡಿಸಿದ್ದಾರೆ.

@BBCIndia When are you launching the services in kannada? Hope to see it happening soon.

— Ashith Shetty (@Ashith02) October 6, 2017

ಕನ್ನಡದಲ್ಲಿ ಯಾವಾಗ ಆರಂಭಿಸ್ತೀರಿ?

ಟ್ವಿಟ್ಟರ್ ಬಳಕೆದಾರ ಆಶಿತ್ ಶೆಟ್ಟಿ, ಬಿಬಿಸಿಯವರೇ ನೀವು ಯಾವಾಗ ಕನ್ನಡದಲ್ಲಿ ನಿಮ್ಮ ಸೇವೆಯನ್ನು ಆರಂಭಿಸುತ್ತೀರಿ? ಸದ್ಯದಲ್ಲೇ ಆರಂಭಿಸುತ್ತೀರಿ ಎಂದು ಭಾವಿಸಿದ್ದೇನೆ ಎಂದು ಬಿಬಿಸಿಯವರನ್ನು ಪ್ರಶ್ನಿಸಿದ್ದಾರೆ.

Why are you not launching the services in Kannada which has been spoken by more than 65 million Kannadigas?

— ಭೀಮೇಶ ರಾವ್ ಎನ್. ಪಿ. (@bheemeshp) October 6, 2017

ಆರುವರೆ ಕೋಟಿ ಕನ್ನಡಿಗರಿದ್ದಾರೆ ಸ್ವಾಮಿ

ಕನ್ನಡವನ್ನು 6.5 ಕೋಟಿ ಜನರು ಮಾತನಾಡುತ್ತಾರೆ. ಹೀಗಿದ್ದೂ ಕನ್ನಡದಲ್ಲಿ ಯಾಕೆ ನೀವು ನಿಮ್ಮ ಸೇವೆಯನ್ನು ಆರಂಭಿಸಿಲ್ಲ ಎಂದು ಭೀಮೇಶ್ ರಾವ್ ಎನ್.ಪಿ ಎನ್ನುವವರು ಪ್ರಶ್ನೆ ಎತ್ತಿದ್ದಾರೆ.

@BBCIndia Time to start BBC in Kannada. You can reach 65 million Kannadigas. We are waiting to see BBC Kannada. Please consider our request. https://t.co/OWdrGuBIJ4

— Manjunath S (@NaanuManjunatha) October 6, 2017

ಬೇಡಿಕೆ ಮನ್ನಿಸುತ್ತಾ ಬಿಬಿಸಿ?

ಕನ್ನಡದಲ್ಲೂ ಬಿಬಿಸಿ ತನ್ನ ಸೇವೆ ಆರಂಭಿಸಲು ಇದು ಸರಿಯಾದ ಸಮಯ. ನೀವು ಹೆಚ್ಚುವರಿಯಾಗಿ 6.5 ಕೋಟಿ ಜನರನ್ನು ತಲುಪಬಹುದು. ನಾವು ಬಿಬಿಸಿ ಕನ್ನಡ ನೋಡಲು ಕಾಯುತ್ತಿದ್ದೇವೆ. ನಮ್ಮ ಮನವಿಯನ್ನು ಒಪ್ಪಿಕೊಳ್ಳಿ ಎಂದು ಮಂಜುನಾಥ್ ಎಸ್ ಎನ್ನುವವರು ಟ್ವೀಟ್ ಮಾಡಿದ್ದಾರೆ.

ಬಿಬಿಸಿಯ ಅತ್ಯುತ್ತಮ ಸಾಕ್ಷ್ಯಚಿತ್ರಗಳು ಕನ್ನಡದಲ್ಲೂ ಬೇಕು ಎಂದು ಕೆಲವರು ಬೇಡಿಕೆ ಇಟ್ಟಿದ್ದಾರೆ.

ಇದೀಗ ಬಿಬಿಸಿ ಕನ್ನಡಿಗರ ಬೇಡಿಕೆ ಮನ್ನಿಸಿ ಕನ್ನಡದಲ್ಲೂ ತನ್ನ ಸೇವೆ ಆರಂಭಿಸುತ್ತೋ ಎಂಬುದನ್ನು ಕಾದು ನೋಡಬೇಕಾಗಿದೆ.

English summary

Recently the British Broadcast Company (BBC) has expanded its service to the 4 Indian languages. But it is not included Kannada. So, netizens demanded BBC to start service in Kannada.