• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಬಜೆಟ್ ನಲ್ಲಿ ಐಟಿ ಬಿಟಿ ಕ್ಷೇತ್ರಕ್ಕೆ ಭರಪೂರ ಕೊಡುಗೆ

By Mahesh
|

ಬೆಂಗಳೂರು, ಮಾ. 14: ಸತತ ಎರಡು ತಿಂಗಳ ಕಾಲ ಮುಂಗಡ ಪತ್ರದ ಸಿದ್ಧತೆ ನಡೆಸಿ 10ನೇ ಬಾರಿಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಮಾ.13ರಂದು ಬಜೆಟ್ ಮಂಡಿಸಿದ್ದಾರೆ. ಸಿದ್ದರಾಮಯ್ಯ ಅವರು ಮಂಡಿಸಿದ ಬಜೆಟ್ ಗೆ ಐಟಿ ಬಿಟಿ ಕ್ಷೇತ್ರದಿಂದ ಮೆಚ್ಚುಗೆ ವ್ಯಕ್ತವಾಗಿದೆ.

ಹಣಕಾಸು ಸಚಿವರಾಗಿ 7 ಬಾರಿ ಹಾಗೂ ಮುಖ್ಯಮಂತ್ರಿಯಾಗಿ 3 ಬಾರಿ ಸೇರಿದಂತೆ ಒಟ್ಟು 10ನೇ ಬಾರಿಗೆ ಮುಂಗಡಪತ್ರ ಮಂಡಿಸಿದ್ದಾರೆ. ಒಟ್ಟಾರೆ ಐಟಿ -ಬಿಟಿ ಹಾಗೂ ವಿಜ್ಞಾನ ಕ್ಷೇತ್ರಕ್ಕೆ 202 ಕೋಟಿ ಮೀಸಲಿರಿಸಲಾಗಿದೆ.

ಐಟಿ ಬಿಟಿ ಸಚಿವ ಎಸ್ ಆರ್ ಪಾಟೀಲ್ ಅವರ ಊರಾದ ಬಾಗಲಕೋಟೆಗೆ ಐಟಿ ಪಾರ್ಕ್ ಮಂಜೂರಾಗಿದೆ. ನೂತನ ಬಯೋ ಟೆಕ್ನಾಲಜಿ ನೀತಿ ರೂಪಿಸಲು ಕಾಂಗ್ರೆಸ್ ಸರ್ಕಾರ ಮುಂದಾಗಿರುವುದು ಈ ಬಜೆಟ್ ನ ವಿಶೇಷ.

ಐಟಿ ಬಿಟಿ ಕ್ಷೇತ್ರದ ಅಭಿವುದ್ಧಿಗಾಗಿ 202 ಕೋಟಿ ರೂ. ಹಣವನ್ನು ಮೀಸಲಿಡಲಾಗಿದೆ. ಮಾಹಿತಿ ತಂತ್ರಜ್ಞಾನ ಸಚಿವ ಎಸ್‍ಆರ್ ಪಾಟೀಲ್ ತವರು ಪ್ರೇಮ ಮೆರೆದಿದ್ದು ಬಜೆಟ್‍ನಲ್ಲಿ ಸ್ಪಷ್ಟವಾಗಿದ್ದು, ಬಾಗಲಕೋಟೆ ಜಿಲ್ಲೆಗೆ ಮೂರು ಹೊಸ ಯೋಜನೆ ತರುವಲ್ಲಿ ಯಶಸ್ವಿಯಾಗಿದ್ದಾರೆ.

ಐಟಿ-ಬಿಟಿ ಕಂಪನಿಗಳನ್ನು ರಾಜಧಾನಿ ಬೆಂಗಳೂರು ಬಿಟ್ಟು ರಾಜ್ಯದ ಇತರೆಡೆಗೂ ವಿಸ್ತರಿಸುವ ಪ್ರಯತ್ನ ಈ ಬಾರಿಯ ಬಜೆಟ್‌ನಲ್ಲಾಗಿದ್ದರೂ ಎರಡು ಹಾಗೂ ಮೂರನೇ ಸ್ತರದ ನಗರಗಳಿಗೆ ಐಟಿ ಕಂಪನಿಗಳನ್ನು ಕರೆದೊಯ್ಯುವಲ್ಲಿ ಸರ್ಕಾರ ಸಂಪೂರ್ಣ ವಿಫಲವಾಗಿದೆ.

ಐಟಿ ಬಿಟಿ ಹಾಗೂ ವಿಜ್ಞಾನ ಕ್ಷೇತ್ರಕ್ಕೆ ಸಿಕ್ಕಿದ್ದೇನು.. ಮುಂದೆ ಓದಿ:

* ಬಾಗಲಕೋಟೆಯಲ್ಲಿ ಐಟಿ ಪಾರ್ಕ್ ಸ್ಥಾಪನೆ

* ರಾಜ್ಯದಲ್ಲಿ ಸ್ಟಾರ್ಟ್‍ಅಪ್ ನಿಧಿ ಮತ್ತು ಹ್ಯಾಕ್ ಸೆಲೆರೇಟರ್ ಸ್ಥಾಪನೆ

* ಬಯೋ ವೆಂಚರ್ ಫಂಡ್ ಒಳಗೊಂಡಂತೆ ಹೊಸ ಜೈವಿಕ ತಂತ್ರಜ್ಞಾನ ನೀತಿ ರೂಪಿಸಲಾಗುವುದು.

* ವಿಜಯಪುರ, ದಾವಣಗೆರೆ,ತುಮಕೂರು, ಉಡುಪಿ, ಚಿತ್ತಾಪುರ,ಚಿಕ್ಕೋಡಿ ಮತ್ತು ಚಿಕ್ಕಮಗಳೂರಿನಲ್ಲಿ ಉಪ ಪ್ರಾದೇಶಿಕ ವಿಜ್ಞಾನ ಕೇಂದ್ರಗಳಿಗೆ ಮಂಜೂರಾತಿ. - 4 ಕೋಟಿ ಮೀಸಲು.

* ಪ್ರತಿ ಕಂದಾಯ ವಿಭಾಗಕ್ಕೆ ಸಂಚಾರಿ ತಾರಾಲಯ- 5 ಕೋಟಿ ಮೀಸಲು

* ಬಾಗಲಕೋಟೆಯಲ್ಲಿ ಮಿನಿ ತಾರಾಲಯ ಸ್ಥಾಪನೆ.

* ವಿಜಯಪುರದ ಮಹಿಳಾ ವಿವಿಯಲ್ಲಿ ಭಾಸ್ಕರಾಚಾರ್ಯ ಹೆಸರಿನಲ್ಲಿ ಅಧ್ಯಯನ ಪೀಠ- 1 ಕೋಟಿ

*ಉಚಿತ ವೈ-ಫೈ ಸೇವೆಯನ್ನ ಹಂತ ಹಂತವಾಗಿ ಬೆಂಗಳೂರು ನಗರಾದ್ಯಂತ ಹಾಗೂ ಜಿಲ್ಲಾ ಕೇಂದ್ರಗಳಿಗೆ ವಿಸ್ತರಣೆ.

* ಕರ್ನಾಟಕ- ಭೌಗೋಳಿಕ ಮಾಹಿತಿ(ಕೆ-ಜಿಐಎಸ್) ವ್ಯವಸ್ಥೆಗೆ 150 ಕೋಟಿ ವೆಚ್ಚದಲ್ಲಿ ಹಂತ ಹಂತವಾಗಿ ಅನುಷ್ಠಾನ.

* ಸಾರ್ವಜನಿಕ ಕುಂದುಕೊರತೆ ನಿವಾರಿಸಲು ಕಿಯೋನಿಕ್ಸ್ ಸಂಸ್ಥೆಯ ವತಿಯಿಂದ ಬಾಗಲಕೋಟೆಯಲ್ಲಿ ಪ್ರಾಯೋಗಿಕ ಸಹಾಯವಾಣಿ ತೆರೆಯುವ ಉದ್ದೇಶ.

* ಹುಬ್ಬಳ್ಳಿ- ಧಾರವಾಡದಲ್ಲಿ ಭಾರತೀಯ ಮಾಹಿತಿ ತಂತ್ರಜ್ಞಾನ ಸಂಸ್ಥೆ ಸ್ಥಾಪಿಸಲು ರಾಜ್ಯ ಸರ್ಕಾರದಿಂದ 12 ಕೋಟಿ ರೂ. ಅನುದಾನ.

ಒನ್ ಇಂಡಿಯಾ ಸುದ್ದಿ

English summary
Karnataka Budget 2015: IT BT sector share includes new Biotech Policy, IT Park in Bagalkot, But the Tier II and III strategy of the government has failed so far with IT companies refusing to leave Bengaluru.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X