Click it and Unblock the Notifications
Just In
-
-
-
Don't Miss
-
ಅಯೋಧ್ಯೆಯಲ್ಲಿ ಓಲಾ ಕ್ಯಾಬ್ ಸೇವೆ ಆರಂಭ -
'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್! -
CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ -
ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ -
ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ -
Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್.. -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದುಬಾರಿ ಕಾರ್ ಬಳಿಕ ಹೈಟೆಕ್ ರೂಂ ಗಿಟ್ಟಿಸಿದ ಸಿದ್ದರಾಮಯ್ಯ
ಬೆಂಗಳೂರು, ಜೂನ್ 11: ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ವಿಧಾನಸೌಧದಲ್ಲಿ ಹೈಟೆಕ್ ರೂಂ ಪಡೆದುಕೊಂಡಿದ್ದಾರೆ. ಈ ಕೋಣೆ ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿಯವರ ಕಚೇರಿಗಿಂತಲೂ ಒಂದು ಕೈ ಮೇಲು ಎಂಬಂತೆ ವೈಭಯುತವಾಗಿದೆ.
ವಿಧಾನಸೌಧದ ಒಂದನೇ ಮಹಡಿಯಲ್ಲಿರುವ ಐಶಾರಾಮಿ 125ನೇ ಕೋಣೆಯನ್ನೀಗ ಸಿದ್ದರಾಮಯ್ಯನವರಿಗೆ ನೀಡಲಾಗಿದೆ. ಇದೇ ರೂಂನ್ನು ಮಾಜಿ ಸ್ಪೀಕರ್ ಕೆ.ಬಿ. ಕೋಳಿವಾಡ್ ಬಳಸುತ್ತಿದ್ದರು. ಅವರು ವಿಧಾನಸಭಾಧ್ಯಕ್ಷರಾಗಿದ್ದಾಗಲೇ ಈ ಕೋಣೆಯನ್ನು ಲಕ್ಷಾಂತರ ರೂಪಾಯಿ ಖರ್ಚು ಮಾಡಿ, ಖುದ್ದು ಆಸ್ಥೆ ವಹಿಸಿ ನವೀಕರಣ ಮಾಡಿದ್ದರು.
ಈ ಕೋಣೆಯೀಗ ಸಿದ್ದರಾಮಯ್ಯನವರ ಪಾಲಾಗಿದೆ. ಹಾಗೆ ನೋಡಿದರೆ ಸ್ಪೀಕರ್ ರಮೇಶ್ ಕುಮಾರ್ ಎರಡು ವಾರಗಳ ಕೆಳಗೆ ಇದೇ ಕೋಣೆಯಲ್ಲಿ ಕೆಲಸ ಆರಂಭಿಸಿದ್ದರು. ಆದರೀಗ ಅವರು ಈ ಕೋಣೆಯನ್ನು ತೆರವು ಮಾಡಿ ಸಿದ್ದರಾಮಯ್ಯನವರಿಗೆ ಬಿಟ್ಟುಕೊಟ್ಟಿದ್ದಾರೆ. ಈ ಹಿಂದಿನ ಸ್ಪೀಕರ್ ಕಾಗೋಡು ತಿಮ್ಮಪ್ಪ ಮುಂತಾದವರು ಬಳಸುತ್ತಿದ್ದ ರೂಂ ನಂಬರ್ 119ಕ್ಕೆ ಅವರು ಸ್ಥಳಾಂತರಗೊಂಡಿದ್ದಾರೆ.
ತಾರಾ ಮೆರುಗು
ಸಿದ್ದರಾಮಯ್ಯನವರಿಗೆ ಸಿಕ್ಕಿರುವ ಕೊಠಡಿ ಐಶಾರಾಮಿ ಹೋಟೆಲ್ ನ ಅನುಭವ ನೀಡುವಷ್ಟು ಭವ್ಯವಾಗಿದೆ. ಸುಖಾಸೀನ, ಹವಾನಿಯಂತ್ರಕ ವ್ಯವಸ್ಥೆ, ದುಬಾರಿ ಕುರ್ಚಿಗಳು, ಬೃಹತ್ ಎಲ್ ಇಡಿ ಪರದೆಗಳು, ಖಾಸಗಿ ಕೋಣೆ ಸೇರಿದಂತೆ ಪೂರ್ತಿ ಕೊಠಡಿ ಕಣ್ಣು ಕುಕ್ಕುವಂತಿದೆ.
ಮುಖ್ಯಮಂತ್ರಿಗಳ ಕೊಠಡಿ, ಸಚಿವ ಸಂಪುಟ ಸಭಾಂಗಣ ಮತ್ತು ಮೇಲ್ಮನೆ ಸ್ಪೀಕರ್ ಡಿ.ಎಚ್. ಶಂಕರಮೂರ್ತಿಯವರ ಕೊಠಡಿ ಬಿಟ್ಟರೆ ಇದೀಗ ಸಿದ್ದರಾಮಯ್ಯನವರಿಗೆ ಹೈಟೆಕ್ ಕೊಠಡಿ ಸಿಕ್ಕಿದೆ.
ಕಾಂಗ್ರೆಸ್ ಶಾಸಕಾಂಗ ಪಕ್ಷದ ನಾಯಕ ಸಿದ್ದರಾಮಯ್ಯವನರಿಗೆ ಈಗಾಗಲೇ ಮೊದಲ ಮಹಡಿಯಲ್ಲಿ ವಿಶಾಲವಾದ ಕೊಠಡಿ ಇದೆ. ಇದೀಗ ಅವರಿಗೆ ಮತ್ತೊಂದು ಭವ್ಯ ಕೊಠಡಿ ನೀಡಲಾಗಿದೆ.
ಕಾರ್ ಬೆನ್ನಲ್ಲೇ ಹೈಟೆಕ್ ಕೊಠಡಿ
ಇತ್ತೀಚೆಗೆ ಸಿದ್ದರಾಮಯ್ಯವರಿಗೆ ಕೋಟಿ ಬೆಲೆ ಬಾಳುವ ಟೊಯೋಟಾ ಲ್ಯಾಂಡ್ ಕ್ರೂಸರ್ ಕಾರನ್ನು ಸಚಿವ ಕೆ.ಜೆ.ಜಾರ್ಜ್ ನೀಡಿದ್ದರು. ಇದೀಗ ಸಿದ್ದರಾಮಯ್ಯವನರು ಹೈಟೆಕ್ ಕೊಠಡಿ ಪಡೆದುಕೊಂಡು ಮತ್ತೆ ಸುದ್ದಿಯಾಗಿದ್ದಾರೆ.
ಸಭಾಧ್ಯಕ್ಷರಾದ ರಮೇಶ್ ಕುಮಾರ್ ತಮ್ಮ ವಿವೇಚನಾ ಅಧಿಕಾರ ಪ್ರಯೋಗಿಸಿ ಈ ಕೊಠಡಿ ನೀಡಿದ್ದು ಅದರ ಮುಂದೆ, "ಸಿದ್ದರಾಮಯ್ಯ, ಕಾಂಗ್ರೆಸ್ ಶಾಸಕಾಂಗ ಪಕ್ಷದ ನಾಯಕರು ಮತ್ತು ಸಮನ್ವಯ ಸಮಿತಿ ಅಧ್ಯಕ್ಷರು" ಎಂಬ ಬೋರ್ಡ್ ತಗುಲಿ ಹಾಕಲಾಗಿದೆ.
