ಪಾಸ್ಪೋರ್ಟ್ ಮಾಡಿಸುವವರಿಗೆ ಸಿಹಿ ಸುದ್ದಿ
ಬೆಂಗಳೂರು, ಆಗಸ್ಟ್ 22 : ಪಾಸ್ಪೋರ್ಟ್ ಮಾಡಿಸುವವರಿಗೆ ಸಿಹಿಸುದ್ದಿ. ಎಂ ಪಾಸ್ಪೋರ್ಟ್ ಮೊಬೈಲ್ ಅಪ್ಲಿಕೇಶನ್ ಸೇವೆಯನ್ನು ರಾಜ್ಯಾದ್ಯಂತ ವಿಸ್ತರಣೆ ಮಾಡಲು ತೀರ್ಮಾನ ಕೈಗೊಳ್ಳಲಾಗಿದೆ. ಸದ್ಯ, ಬೆಂಗಳೂರಿನಲ್ಲಿ ಮಾತ್ರ ಇದನ್ನು ಬಳಕೆ ಮಾಡಲಾಗುತ್ತಿದೆ.
ಪ್ರಾದೇಶಿಕ ಪಾಸ್ ಪೋರ್ಟ್ ಅಧಿಕಾರಿ ಭರತ್ ಕುಮಾರ್ ಕುಥಾಟಿ ಈ ಕುರಿತು ಮಾಹಿತಿ ನೀಡಿದ್ದಾರೆ. "ಮೂರು ವಾರಗಳಲ್ಲಿ ಮೊಬೈಲ್ ವೆರಿಫಿಕೇಶನ್ ಸೇವೆಯನ್ನು ರಾಜ್ಯಾದ್ಯಂತ ವಿಸ್ತರಣೆ ಮಾಡಲಾಗುತ್ತದೆ. ಇದರಿಂದಾಗಿ ಪೊಲೀಸರ ಪರಿಶೀಲನೆ ಸಮಯ ಉಳಿತಾಯವಾಗಲಿದೆ" ಎಂದು ಹೇಳಿದರು.
ಪಾಸ್ಪೋರ್ಟ್ಗಾಗಿ ಹುಬ್ಬಳ್ಳಿಯತ್ತ ಮುಖ ಮಾಡಿದ ಬೆಂಗಳೂರಿಗರು!
"ಪಾಸ್ಪೋರ್ಟ್ ಮಾಡಿಸುವಾಗ ನಮ್ಮ ಕಚೇರಿಯಲ್ಲಿ 3 ರಿಂದ 4 ದಿನ ಸಾಕಾಗುತ್ತದೆ. ಆದರೆ, ಪೊಲೀಸರ ಪರಿಶೀಲನೆಗೆ ಹೆಚ್ಚು ಸಮಯ ವ್ಯಯವಾಗುತ್ತಿದೆ. ಮೊಬೈಲ್ ಅಪ್ಲಿಕೇಶನ್ ಸೇವೆಯನ್ನು ರಾಜ್ಯಾದ್ಯಂತ ವಿಸ್ತರಣೆ ಮಾಡಿದರೆ ಸಮಯ ಉಳಿಯಲಿದೆ" ಎಂದರು.
ಚಿತ್ರದುರ್ಗಕ್ಕೆ ಸಿಕ್ಕಿತು ಪಾಸ್ಪೋರ್ಟ್ ಸೇವಾಕೇಂದ್ರ
ಪಾಸ್ಪೋರ್ಟ್ ಕಚೇರಿಗೆ ಪೊಲೀಸರಿಂದ 2 ಮಾಹಿತಿಗಳು ಮಾತ್ರ ಸಾಕಾಗಿದೆ. ಅರ್ಜಿ ಸಲ್ಲಿಸುವವರು ಭಾರತದ ಪ್ರಜೆಯೇ, ಅವರ ಮೇಲೆ ಯಾವುದಾದರೂ ಕ್ರಿಮಿನಲ್ ಮೊಕದ್ದಮೆ ಇದೆಯೇ ಎಂಬ ಮಾಹಿತಿ ಮಾತ್ರ ಸಾಕು. ಈಗ ಈ ಪ್ರಕ್ರಿಯೆಯೇ ತಡವಾಗುತ್ತಿದೆ.
ಮೊಬೈಲ್ ಅಪ್ಲಿಕೇಶನ್ ರಾಜ್ಯಾದ್ಯಂತ ವಿಸ್ತರಣೆಯಾದರೆ ಪೊಲೀಸ್ ಠಾಣೆಗಳ ಕಾಗದ ಪತ್ರಗಳ ವ್ಯವಹಾರ ಕಡಿಮೆಯಾಗಲಿದೆ. ಪೊಲೀಸರು ಪರಿಶೀಲನೆ ಕಾರ್ಯ ಸ್ಮಾರ್ಟ್ ಫೋನ್ ಅಥವ ಟ್ಯಾಬ್ಲೆಟ್ಗಳ ಮೂಲಕ ನಡೆಯಲಿದೆ.