ಕೊಡಗಿಗೆ ಇ-ಟಾಯ್ಲೆಟ್ಸ್ ಕಳಿಸಿಕೊಡಿ ಪ್ಲೀಸ್: ಸಿಟಿ ರವಿ ಮನವಿ
ಕೊಡಗು, ಆಗಸ್ಟ್ 20: ಕೊಡಗಿನ ನಿರಾಶ್ರಿತರಿಗಾಗಿ ಇ-ಟಾಯ್ಲೆಟ್ಗಳನ್ನು ಕಳಿಸಿಕೊಡುವಂತೆ ಬಿಜೆಪಿ ಶಾಸಕ ಸಿ.ಟಿ.ರವಿ ಸಾಮಾಜಿಕ ಜಾಲತಾಣದ ಮೂಲಕ ಮನವಿ ಮಾಡಿದ್ದಾರೆ.
ಕೇರಳ, ಕರ್ನಾಟಕದ ಪ್ರವಾಹದ ನೈಜ ಕಾರಣ ಬಹಿರಂಗ
ನಿರಾಶ್ರಿತರ ಶಿಬಿರಗಳಿಗೆ ಭೇಟಿ ನೀಡಿ ಪರಿಸ್ಥಿತಿ ಅವಲೋಕಿಸಿ, ಸ್ಥಳೀಯ ಶಾಸಕರು, ವಿಧಾನಪರಿಷತ್ ಸದಸ್ಯರು, ಪೊಲೀಸ್ ಅಧಿಕಾರಿಗಳೊಂದಿಗೆ ಮಾತನಾಡಿರುವ ಅವರು, ನಿರಾಶ್ರಿತರ ಶಿಬಿರಗಳಿಗೆ ಶೀಘ್ರವಾಗಿ ಇ-ಟಾಯ್ಲೆಟ್ನ ಅವಶ್ಯಕತೆ ಇದೆ ಎಂಬುದನ್ನು ಮನಗೊಂಡು ಮನವಿ ಮಾಡಿದ್ದಾರೆ.
Flood affected Kodagu has decent amount of relief materials.
— C.T.Ravi (@CTRavi_BJP) August 19, 2018
Urgent requirement is for E-Toilets. I humbly appeal to Citizens to provide them to the Shelters in the flood affected Areas. pic.twitter.com/SdFXIgffbU
ಬಟ್ಟೆ, ಆಹಾರ, ದಿನ ಬಳಕೆ ವಸ್ತುಗಳನ್ನು ಭಾರಿ ಪ್ರಮಾಣದಲ್ಲಿ ಜನ ಕಳುಹಿಸಿಕೊಟ್ಟಿದ್ದಾರೆ, ಆದರೆ ಈಗ ನಿರಾಶ್ರಿತರ ಶಿಬಿರಗಳಿಗೆ ತ್ವರಿತವಾಗಿ ಇ-ಟಾಯ್ಲೆಟ್ಗಳು ಬೇಕಿವೆ, ಬೆಂಗಳೂರಿನ ಗೆಳೆಯರು ಕೂಡಲೇ ಇವುಗಳನ್ನು ಕಳುಹಿಸಿಕೊಡುವ ಉದಾರತೆ ತೋರಬೇಕು ಎಂದು ಹೇಳಿದ್ದಾರೆ.
32 ನಿರಾಶ್ರಿತರ ಶಿಬಿರಗಳು ಕೊಡಗಿನಲ್ಲಿದ್ದು, ಪ್ರತಿ ಶಿಬಿರಕ್ಕೆ ಕನಿಷ್ಟ ಐದಾದರೂ ಇ-ಟಾಯ್ಲೆಟ್ ಅವಶ್ಯಕತೆ ಇದೆ ಎಂದು ರವಿ ಅವರ ಮನವಿ. ಜನರು ಬಹಿರ್ದಸೆಗೆ ಹೋಗಲು ತೊಂದರೆ ಪಡುವುದನ್ನು ಇದರಿಂದ ತಡೆಯಬಹುದು ಎಂಬುದು, ಅದರಿಂದ ಉಂಟಾಗಬಹುದ ಆರೋಗ್ಯ ಸಮಸ್ಯೆಗಳನ್ನೂ ಇದರಿಂದ ತಡೆಯಬಹುದು ಎಂಬುದು ಅವರ ಕಾಳಜಿ.