ಬೀದರ್-ಕೊಲ್ಲಾಪುರ ನೂತನ ರೈಲು ಸೇವೆಗೆ ಚಾಲನೆ

ಬೀದರ್, ಜೂನ್ 14 : ಬೀದರ್-ಕೊಲ್ಲಾಪುರ ನಡುವಿನ ನೂತನ ರೈಲು ಸೇವೆಗೆ ಚಾಲನೆ ಸಿಕ್ಕಿದೆ. ಬೀದರ್, ಭಾಲ್ಕಿ ಮುಂತಾದ ಭಾಗದ ಜನರಿಗೆ ಈ ರೈಲು ಸೇವೆಯಿಂದಾಗಿ ಅನುಕೂಲವಾಗುವ ನಿರೀಕ್ಷೆ ಇದೆ.

ಬೀದರ್ ಸಂಸದ ಭಗವಂತ ಖೂಬಾ ಅವರು ಶುಕ್ರವಾರ ನೂತನ ಬೀದರ್-ಕೊಲ್ಲಾಪುರ ರೈಲು ಸೇವೆಗೆ ಹಸಿರು ನಿಶಾನೆ ತೋರಿಸಿದರು. ಪ್ರತಿ ಬುಧವಾರ ಈ ರೈಲು ಬೀದರ್-ಕೊಲ್ಲಾಪುರ ನಡುವೆ ಸಂಚಾರ ನಡೆಸಲಿದೆ.

ವೇಳಾಪಟ್ಟಿ : ಪ್ರತಿ ಬುಧವಾರ ರಾತ್ರಿ 11.35ಕ್ಕೆ ಕೊಲ್ಲಾಪುರದಿಂದ ಹೊರಡುವ ರೈಲು, ಗುರುವಾರ ಬೆಳಗ್ಗೆ 10 ಗಂಟೆಗೆ ಬೀದರ್‌ಗೆ ತಲುಪಲಿದೆ.

ಬೀದರ್‌ನಿಂದ ಗುರುವಾರ ಬೆಳಗ್ಗೆ 11.45ಕ್ಕೆ ಹೊರಡುವ ರೈಲು, ರಾತ್ರಿ 12.35ಕ್ಕೆ ಕೊಲ್ಲಾಪುರವನ್ನು ತಲುಪಲಿದೆ.

ಮಾರ್ಗ :ಕೊಲ್ಲಾಪುರದಿಂದ ಹೊರಡುವ ರೈಲು ಮಿರಜ, ಪಂಢರಾಪುರ, ಕುರ್ಡುವಾಡಿ, ಉಸ್ಮಾನಾಬಾದ್, ಲಾತೂರ, ಉದಗೀರ, ಭಾಲ್ಕಿ ಮಾರ್ಗವಾಗಿ ಬೀದರ್‌ಗೆ ತಲುಪಲಿದೆ.

ಕರ್ನಾಟಕದ ಬೀದರ್, ಭಾಲ್ಕಿ ಮುಂತಾದ ಭಾಗದ ಜನರಿಗೆ ಕೊಲ್ಲಾಪುರದತ್ತ ಪ್ರಯಾಣ ಮಾಡಲು ಸರಿಯಾದ ವ್ಯವಸ್ಥೆ ಇರಲಿಲ್ಲ. ಈ ಕುರಿತು ಕೇಂದ್ರ ರೈಲ್ವೆ ಸಚಿವರಿಗೆ ಪ್ರಸ್ತಾವನೆ ಸಲ್ಲಿಸಲಾಗಿತ್ತು. ಪ್ರಸ್ತಾವನೆಗೆ ಒಪ್ಪಿಗೆ ನೀಡಿ, ಹೊಸ ರೈಲು ಸೇವೆ ಆರಂಭಿಸಲಾಗಿದೆ.

English summary

Bidar MP Bhagwanth Hhuba on Friday, June 15, 2018 flagged off the new train service between Kollapur-Bidar. Every Wednesday train will run between Kollapur-Bidar.