ಕೋಮು ಹಿಂಸಾಚಾರದಲ್ಲಿ ದೇಶಕ್ಕೆ ಕರ್ನಾಟಕ ನಂಬರ್ 2!
ನವದೆಹಲಿ, ಆಗಸ್ಟ್ 9: 2017ನೇ ವರ್ಷದ ಮೊದಲ ಐದು ತಿಂಗಳಲ್ಲಿ ಉತ್ತರ ಪ್ರದೇಶ ಬಿಟ್ಟರೆ ಕರ್ನಾಟಕದಲ್ಲೇ ಅತೀ ಹೆಚ್ಚಿನ ಕೋಮು ಹಿಂಸಾಚಾರ ಘಟನೆಗಳು ನಡೆದಿವೆ.
ಮೊದಲ 5 ತಿಂಗಳಲ್ಲಿ ದೇಶದಲ್ಲಿ 296 ಕೋಮು ಗಲಭೆಗಳು ನಡೆದಿವೆ. ಈ ಕೋಮು ಸಂಘರ್ಷಕ್ಕೆ 44 ಜನರು ಬಲಿಯಾಗಿದ್ದರೆ, 892 ಮಂದಿ ಗಾಯಗೊಂಡಿದ್ದಾರೆ.
ಇದರಲ್ಲಿ ಮೊದಲ ಸ್ಥಾನದಲ್ಲಿರುವ ಉತ್ತರ ಪ್ರದೇಶದಲ್ಲಿ 60 ಕೋಮು ಹಿಂಸಾಚಾರಗಳು ನಡೆದಿದ್ದು 16 ಜನರು ಮೃತಪಟ್ಟಿದ್ದಾರೆ; 151 ಮಂದಿ ಗಾಯಗೊಂಡಿದ್ದಾರೆ.
ಎರಡನೇ ಸ್ಥಾನದಲ್ಲಿರುವ ಕರ್ನಾಟಕದಲ್ಲಿ 36 ಕೋಮು ಸಂಘರ್ಷಗಳು ನಡೆದಿದ್ದು, 3 ಜನರು ಮೃತಪಟ್ಟು, 93 ಮಂದಿ ಗಾಯಗೊಂಡಿದ್ದಾರೆ.
ಇನ್ನು ಮಧ್ಯ ಪ್ರದೇಶದಲ್ಲಿ 29, ರಾಜಸ್ಥಾನದಲ್ಲಿ 27, ಪಶ್ಚಿಮ ಬಂಗಾಳದಲ್ಲಿ 26, ಬಿಹಾರದಲ್ಲಿ 23 ಮತ್ತು ಗುಜರಾತ್ ಹಾಗೂ ಮಹಾರಾಷ್ಟ್ರ ರಾಜ್ಯಗಳಲ್ಲಿ ತಲಾ 20 ಕೋಮು ಗಲಭೆಗಳು ಇದೇ 5 ತಿಂಗಳ ಅವಧಿಯಲ್ಲಿ ನಡೆದಿವೆ.
ಈ ಹಿಂದಿನ ವರ್ಷಗಳ ಅಂಕಿ ಅಂಶಗಳನ್ನು ನೋಡುವುದಾದರೆ,
2014
ಕೋಮು ಗಲಭೆಗಳು-644
ಮೃತಪಟ್ಟವರು - 95
ಗಾಯಗೊಂಡವರು - 1,921
ಉತ್ತರ ಪ್ರದೇಶ- 133
ಮಹಾರಾಷ್ಟ್ರ- 97
ಗುಜರಾತ್-74
ಕರ್ನಾಟಕ-73
2015
ಕೋಮು ಗಲಭೆಗಳು-751
ಮೃತಪಟ್ಟವರು - 97
ಗಾಯಗೊಂಡವರು - 2,624
ಉತ್ತರ ಪ್ರದೇಶ- 155
ಕರ್ನಾಟಕ-105
2016
ಕೋಮು ಗಲಭೆಗಳು-703
ಮೃತಪಟ್ಟವರು - 86
ಗಾಯಗೊಂಡವರು - 2,321
ಉತ್ತರ ಪ್ರದೇಶ- 162
ಕರ್ನಾಟಕ-101
ಈ ಮಾಹಿತಿಯನ್ನು ಕೇಂದ್ರ ಗೃಹ ಇಲಾಖೆ ಮಂಗಳವಾರ ಲೋಕಸಭೆಯಲ್ಲಿ ನೀಡಿದೆ.