• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಸಿದ್ಧಾರ್ಥ ಕನಸು ಕಾಫಿ ಡೇ ಉಳಿಸಲು ಒಂದಾದ ರಾಜ್ಯದ ಜನ, ಮಲೆನಾಡಿಗರು ಮುಂದೆ

|

ಬೆಂಗಳೂರು, ಆಗಸ್ಟ್ 03: ಸಿದ್ಧಾರ್ಥ ಅವರ ಅಗಲಿಕೆಯ ನಂತರ ಅವರು ಕಟ್ಟಿ ಬೆಳೆಸಿದ ಕೆಫೆ ಕಾಫಿ ಡೇ ಸಂಸ್ಥೆಯ ಷೇರುಗಳು ತೀವ್ರ ಕುಸಿತ ಕಂಡು ಸಂಕಷ್ಟಕ್ಕೆ ಸಿಲುಕಿದೆ. ಆದರೆ ಸಿದ್ಧಾರ್ಥ ಕನಸಿನ ಕೂಸು ಕೆಫೆ ಕಾಫಿ ಡೇಯನ್ನು ಉಳಿಸಿಕೊಳ್ಳಲು ಕರ್ನಾಟಕ ಜನ ಪಣತೊಟ್ಟಿದ್ದಾರೆ.

ಸಿದ್ಧಾರ್ಥಾ ಅವರು ಕಾಣೆ ಆದಾಗಿನಿಂದಲೂ ಕೆಫೆ ಕಾಫಿ ಡೇ ಷೇರು ಭಾರಿ ಪ್ರಮಾಣದಲ್ಲಿ ಕುಸಿಯಲಾರಂಭಿಸಿತು. ಅವರು ನಿಧನದ ಸುದ್ದಿ ಹೊರಬಿದ್ದ ನಂತರವಂತೂ ಕುಸಿತ ಇನ್ನಷ್ಟು ಹೆಚ್ಚಾಯಿತು. ಆದರೆ ಈಗ ಕೆಫೆ ಕಾಫಿ ಡೇ ಷೇರನ್ನು ಕೊಂಡು ನಷ್ಟದಲ್ಲಿರುವ ಸಂಸ್ಥೆಗೆ ಸಹಾಯ ಮಾಡಲು ರಾಜ್ಯದ ಜನ ಮುಂದಾಗಿದ್ದಾರೆ, ಅದರಲ್ಲಿ ಮಲೆನಾಡಿಗರೇ ಹೆಚ್ಚಾಗಿದ್ದಾರೆ.

ಸಿದ್ಧಾರ್ಥ ಮೇಲಿದ್ದ 9409 ಕೋಟಿ ಸಾಲದ ಪೂರ್ಣ ಅಂಕಿ-ಅಂಶ

ನಷ್ಟದ ಕಡೆ ವಾಲುತ್ತಿದ್ದ ಕೆಫೆ ಕಾಫಿ ಡೇ ಷೇರನ್ನು ಕೊಳ್ಳುವಂತೆ ಆ ಮೂಲಕ ಸಿದ್ಧಾರ್ಥ ಅವರ ಕನಸನ್ನು ಜೀವಂತ ಉಳಿಸುವಂತೆ ಮಲೆನಾಡು ಭಾಗದಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಅಭಿಯಾನ ನಡೆಯಿತು. ಅದರಂತೆ ಸಾವಿರಾರು ಜನ ಕೆಫೆ ಕಾಫಿ ಡೇ ಯ ಷೇರು ಖರೀದಿ ಮಾಡುತ್ತಿದ್ದಾರೆ.

ರಾಜ್ಯದ ಜನರು ಮಾತ್ರವಲ್ಲದೆ, ಹೊರ ರಾಜ್ಯಗಳಲ್ಲಿರುವ ಕನ್ನಡಿಗರೂ ಸಹ ಕೆಫೆ ಕಾಫಿ ಡೇ ಷೇರು ಖರೀದಿಸಲು ಮುಂದಾಗಿದ್ದಾರೆ. ಆದರೆ ಮಲೆನಾಡಿಗರು ಹೆಚ್ಚಿನ ಸಂಖ್ಯೆಯಲ್ಲಿ ಷೇರು ಖರೀದಿಯಲ್ಲಿ ತೊಡಗಿದ್ದಾರೆ.

ಸಿದ್ಧಾರ್ಥ ಕನಸಿನ ಕೂಸು ಕೆಫೆ ಕಾಫಿ ಡೇ ಮುಂದುವರೆಸಲು ನಿರ್ದೇಶಕರ ತೀರ್ಮಾನ

ಸಿದ್ಧಾರ್ಥ ಅವರು ಮಲೆನಾಡಿಗರೇ ಆಗಿದ್ದು, ಮಲೆನಾಡಿನ ಸಾವಿರಾರು ಮಂದಿ ಯುವಕರಿಗೆ ತರಬೇತಿ ನೀಡಿ ಉದ್ಯೋಗಗಳನ್ನೂ ನೀಡಿದ್ದರು. ಮಲೆನಾಡಿನಲ್ಲಿ ಸಿದ್ಧಾರ್ಥ ಅವರು ಆದರ್ಶ ವ್ಯಕ್ತಿಯಾಗಿದ್ದರು, ಪೂಜನೀಯರೂ ಆಗಿದ್ದರು. ಹಾಗಾಗಿ ಅಂತಹಾ ವ್ಯಕ್ತಿಯ ಕನಸನ್ನು ಉಳಿಸಿಕೊಳ್ಳುವುದು ತಮ್ಮ ಜವಾಬ್ದಾರಿ ಎಂಬಂತೆ ಮಲೆನಾಡಿಗರು ಷೇರು ಖರೀದಿಸುತ್ತಿದ್ದಾರೆ.

ಆದರೆ ನಷ್ಟದ ಅಂಚಿಗೆ ಜಾರುತ್ತಿರುವ ಕೆಫೆ ಕಾಫಿ ಡೇ ಉಳಿಸಲು ಷೇರು ಖರೀದಿ ಹೆಚ್ಚಾಗಬೇಕಿದೆ. ಇನ್ನಷ್ಟು ಮಂದಿ ಷೇರು ಖರೀದಿಗೆ ಮುಂದಾಗಬೇಕಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Karnataka people specialy Malenadu region people purchasing cafe coffee day shares to respect late Siddhartha the owner of Cafe Coffee day.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more