ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ಮುಂದೆ ಹಲವು ಪ್ರಶ್ನೆ ಇಟ್ಟ ಕೆಪಿಸಿಸಿ

ಬೆಂಗಳೂರು, ಫೆಬ್ರವರಿ 21 : ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿ ಬಿಜೆಪಿ ಅಧ್ಯಕ್ಷ ಅಮಿತ್ ಶಾ ಅವರಿಗೆ 5 ಪ್ರಶ್ನೆಗಳನ್ನು ಕೇಳಿದೆ. ಲೋಕಸಭಾ ಚುನಾವಣೆ ಸಿದ್ಧತೆಗಳ ಕುರಿತು ಚರ್ಚೆ ನಡೆಸಲು ಅಮಿತ್ ಶಾ ಅವರು ಬೆಂಗಳೂರಿಗೆ ಬಂದಿದ್ದಾರೆ.

@INCKarnataka ಟ್ವೀಟರ್ ಹ್ಯಾಂಡಲ್ ಮೂಲಕ ಕರ್ನಾಟಕ ಕಾಂಗ್ರೆಸ್ ಗುರುವಾರ ಅಮಿತ್ ಶಾ ಅವರಿಗೆ ಪ್ರಶ್ನೆಗಳನ್ನು ಕೇಳಿದೆ. ಕರ್ನಾಟಕ ಬಿಜೆಪಿ ಅಧ್ಯಕ್ಷ ಬಿ.ಎಸ್.ಯಡಿಯೂರಪ್ಪ ಅವರು ಅಮಿತ್ ಶಾ ಅವರಿಂದ ಉತ್ತರ ಕೊಡಿಸಬೇಕು ಎಂದು ಆಗ್ರಹಿಸಿದೆ.

ಕರ್ನಾಟಕದಲ್ಲಿ ತಮ್ಮ ಪಕ್ಷದ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ಆಗಮಿಸಿರುವ ಅಮಿತ್ ಶಾ ಅವರು ನಾಡಿನ ಜನತೆಯ ಪ್ರಶ್ನೆಗಳಿಗೆ ಉತ್ತರ ನೀಡಬೇಕು ಎಂದು ಕಾಂಗ್ರೆಸ್ ಒತ್ತಾಯಿಸಿದೆ. ಫೆ.10ರಂದು ಪ್ರಧಾನಿ ನರೇಂದ್ರ ಮೋದಿ ಭೇಟಿ ನೀಡಿದಾಗಲೂ ಪ್ರಶ್ನೆಗಳನ್ನು ಕೇಳಲಾಗಿತ್ತು.

'ಗೋವಾದಲ್ಲಿ ನಿಮ್ಮದೇ ಸರ್ಕಾರವಿದ್ದರೂ ಮಹದಾಯಿ ವಿವಾದ ಬಗೆಹರಿಸಿಲು ಪ್ರಯತ್ನಿಸದೆ ರಾಜ್ಯದ ರೈತರಿಗೆ ಅವಮಾನ ಮಾಡಿದ್ದೇಕೆ?' ಎಂಬುದು ಸೇರಿದಂತೆ ವಿವಿಧ ಪ್ರಶ್ನೆಗಳನ್ನು ಕಾಂಗ್ರೆಸ್ ಅಮಿತ್ ಶಾ ಅವರ ಮುಂದಿಟ್ಟಿದೆ.....

ಇಂದು ಕರ್ನಾಟಕದಲ್ಲಿ ತಮ್ಮ ಪಕ್ಷದ ಕಾರ್ಯಕ್ರಮದಲ್ಲಿ ಭಾಗವಹಿಸಲಿರುವ ಬಿಜೆಪಿ ರಾಷ್ಟ್ರಾಧ್ಯಕ್ಷ @AmitShah
ಅವರಿಂದ @BJP4Karnataka ಅಧ್ಯಕ್ಷರಾದ @BSYBJP ಅವರು ನಾಡಿನ ಜನತೆಯ ಕೆಲವು ಪ್ರಶ್ನೆಗಳಿಗೆ ಉತ್ತರ ಕೊಡಿಸಬೇಕೆಂದು ಆಗ್ರಹ. 1/6

— Karnataka Congress (@INCKarnataka) February 21, 2019

ಕಾಂಗ್ರೆಸ್‌ನಿಂದ ಬಿಜೆಪಿ ಅಧ್ಯಕ್ಷರಿಗೆ ಪ್ರಶ್ನೆ

ನಾಡಿನ ಜನತೆಯ ಕೆಲವು ಪ್ರಶ್ನೆಗಳಿಗೆ ಬಿ.ಎಸ್.ಯಡಿಯೂರಪ್ಪ ಅವರು ಅಮಿತ್ ಶಾ ಅವರಿಂದ ಉತ್ತರ ಕೊಡಿಸಬೇಕೆಂದು ಕರ್ನಾಟಕ ಕಾಂಗ್ರೆಸ್ ಆಗ್ರಹಿಸಿದೆ.

@AmitShah ಮಹದಾಯಿ - ಕಾವೇರಿ ವಿವಾದ ಬಗೆಹರಿಸಲು ಪ್ರಯತ್ನಿಸಲಿಲ್ಲ,
ರೈತರ ಸಾಲ ಮನ್ನಾ ಮಾಡಲಿಲ್ಲ,
ಸಬರ್ಬನ್ ರೈಲು ಬರಲಿಲ್ಲ,
ಕೊಡಗು ಅತಿವೃಷ್ಟಿಗೆ ಸ್ಪಂದಿಸಲಿಲ್ಲ,
ಬರ ಪರಿಹಾರದಲ್ಲಿ ತಾರತಮ್ಯ,

ಮಾಡಿದ್ದು ಒಂದೇ, ಸಂವಿಧಾನ ಬದ್ಧ ಸಮ್ಮಿಶ್ರ ಸರ್ಕಾರವನ್ನು ಅಸ್ಥಿರ ಗೊಳಿಸುವ ನಿರಂತರ ಪ್ರಯತ್ನ.

ಆಪರೇಷನ್ ಕಮಲ ನಿಮ್ಮ ಸಾಧನೆಯೇ? 4/6

— Karnataka Congress (@INCKarnataka) February 21, 2019

ಪ್ರಶ್ನೆ - 1

ಸಂವಿಧಾನ ಬದ್ಧ ಸಮ್ಮಿಶ್ರ ಸರ್ಕಾರವನ್ನು ಅಸ್ಥಿರಗೊಳಿಸುವ ನಿರಂತರ ಪ್ರಯತ್ನವನ್ನು ಮಾಡಿದಿರಿ. ಆಪರೇಷನ್ ಕಮಲ ನಿಮ್ಮ ಸಾಧನೆಯೇ? ಎಂದು ಕಾಂಗ್ರೆಸ್ ಮೊದಲ ಪ್ರಶ್ನೆ ಮುಂದಿಟ್ಟಿದೆ.

@AmitShah ನಿಮ್ಮ ನಾಯಕ @narendramodi ಯವರು ರಾಜ್ಯ ಸಮ್ಮಿಶ್ರ ಸರ್ಕಾರ 44 ಲಕ್ಷ ರೈತರ ₹46 ಸಾವಿರ ಕೋಟಿ ಸಾಲ ಮನ್ನಾ ಮಾಡಿದರೆ 'ಲಾಲಿ ಪಪ್' ಎಂದು ಲೇವಡಿ ಮಾಡುತ್ತಾರೆ.

ಆದರೆ ಉದ್ಯಮಿಗಳ ಲಕ್ಷಾಂತರ ಕೋಟಿ ಸಾಲ ಮನ್ನಾ ಮಾಡುವ ಕೇಂದ್ರ ಸರ್ಕಾರ ರಾಷ್ಟ್ರೀಕೃತ ಬ್ಯಾಂಕುಗಳಲ್ಲಿನ ರೈತರ ಬಿಡಿಗಾಸು ಸಾಲ ಮನ್ನಾ ಮಾಡಿಲ್ಲ ಏಕೆ? 6/6

— Karnataka Congress (@INCKarnataka) February 21, 2019

ಪ್ರಶ್ನೆ - 2

ಉದ್ಯಮಿಗಳ ಲಕ್ಷಾಂತರ ಕೋಟಿ ಸಾಲ ಮನ್ನಾ ಮಾಡುವ ಕೇಂದ್ರ ಸರ್ಕಾರ ರಾಷ್ಟ್ರೀಕೃತ ಬ್ಯಾಂಕುಗಳಲ್ಲಿನ ರೈತರ ಬಿಡಿಗಾಸು ಸಾಲ ಮನ್ನಾ ಮಾಡಿಲ್ಲ ಏಕೆ? ಎಂದು ಕಾಂಗ್ರೆಸ್ ಪ್ರಶ್ನಿಸಿದೆ.

@AmitShah ಪ್ರಜಾಪ್ರಭುತ್ವಕ್ಕೆ ಕಳಂಕವಾದ ಆಪರೇಷನ್ ಕಮಲದ ಬಹಿರಂಗ ಗೊಂಡ ಆಡಿಯೋ ಟೇಪ್ ನಲ್ಲಿ ನಿಮ್ಮ ಹಾಗೂ ಮೋದಿಯವರ ಹೆಸರು ಉಲ್ಲೇಖವಿದೆ.

ವಿಧಾನಸಭೆ ಸ್ಪೀಕರ್ ಗೆ ₹50 ಕೋಟಿ ಮತ್ತು ನ್ಯಾಯಾಧೀಶರ ಬುಕ್ಕಿಂಗ್ ಬಗ್ಗೆ ಪ್ರಸ್ತಾಪವಿದೆ.

ಇದಕ್ಕೆ ನಿಮ್ಮ ಸ್ಪಷ್ಟನೆ ಏನು?
ಕುದುರೆ ವ್ಯಾಪಾರದಲ್ಲಿ ನಿಮ್ಮ ಪಾತ್ರವೇನು? 5/6

— Karnataka Congress (@INCKarnataka) February 21, 2019

ಪ್ರಶ್ನೆ - 3

ಆಪರೇಷನ್ ಕಮಲದ ಆಡಿಯೋ ಟೇಪ್ ಬಗ್ಗೆ ನಿಮ್ಮ ಸ್ಪಷ್ಟನೆ ಏನು?
ಕುದುರೆ ವ್ಯಾಪಾರದಲ್ಲಿ ನಿಮ್ಮ ಪಾತ್ರವೇನು? ಎಂದು ಕರ್ನಾಟಕ ಕಾಂಗ್ರೆಸ್‌ ಅಮಿತ್ ಶಾ ಅವರನ್ನು ಪ್ರಶ್ನಿಸಿದೆ.

@AmitShah ರವರೆ,
ವಿಧಾನಸಭಾ ಚುನಾವಣಾ ಸಮಯದಲ್ಲಿ ರಾಜ್ಯಕ್ಕೆ ಆಗಮಿಸಿದ್ದ ನೀವು ಕೇಂದ್ರ ರಾಜ್ಯಕ್ಕೆ ₹3,00,000 ಕೋಟಿ ಅನುದಾನ ನೀಡಿದೆ ಎಂದು ಹೇಳಿದ್ದಿರಿ.

ರಾಜ್ಯದ ಜನರಿಗೆ ಆ ₹. 3,00,000 ಕೋಟಿಯ ಲೆಕ್ಕ ದಾಖಲೆ ಕೊಡುವಿರೇನು? 3/6

— Karnataka Congress (@INCKarnataka) February 21, 2019

ಪ್ರಶ್ನೆ - 4

ರಾಜ್ಯಕ್ಕೆ ಕೇಂದ್ರದಿಂದ 3,00,000 ಕೋಟಿ ಅನುದಾನ ನೀಡಲಾಗಿದೆ ಎಂದು ಹೇಳಿದ್ದಿರಿ. ರಾಜ್ಯದ ಜನರಿಗೆ ಆ 3,00,000 ಕೋಟಿಯ ಲೆಕ್ಕ ದಾಖಲೆ ಕೊಡುವಿರೇನು? ಎಂದು ಪ್ರಶ್ನಿಸಿದೆ.

@AmitShah ರವರೇ,
ಮಹದಾಯಿ ವಿವಾದ ಬಗೆಹರಿಸುವುದಾಗಿ ಮಾತು ಕೊಟ್ಟು ಗೋವಾ ಮುಖ್ಯಮಂತ್ರಿ ಮತ್ತು ಕರ್ನಾಟಕ ಬಿಜೆಪಿ ರಾಜ್ಯಾಧ್ಯಕ್ಷರನ್ನು ನಿಮ್ಮ ಮನೆಗೆ ಕರೆಸಿಕೊಂಡು ಸಭೆ ನಡೆಸಿದಿರಲ್ಲಾ,

ಆ ಸಭೆಯ ಫಲಿತಾಂಶವೇನು?

ಗೋವಾದಲ್ಲಿ ನಿಮ್ಮದೇ ಸರ್ಕಾರವಿದ್ದರೂ ವಿವಾದ ಬಗೆಹರಿಸಿಲು ಪ್ರಯತ್ನಿಸದೆ ರಾಜ್ಯ ರೈತರಿಗೆ ಅವಮಾನ ಮಾಡಿದ್ದೇಕೆ? 2/6

— Karnataka Congress (@INCKarnataka) February 21, 2019

ಪ್ರಶ್ನೆ - 5

ಕರ್ನಾಟಕ ಬಿಜೆಪಿ ರಾಜ್ಯಾಧ್ಯಕ್ಷರನ್ನು ನಿಮ್ಮ ಮನೆಗೆ ಕರೆಸಿಕೊಂಡು ಸಭೆ ನಡೆಸಿದಿರಲ್ಲಾ, ಆ ಸಭೆಯ ಫಲಿತಾಂಶವೇನು? ಮಹದಾಯಿ ವಿವಾದ ಏಕೆ ಬಗೆಹರಿದಿಲ್ಲ? ಎಂದು ಕಾಂಗ್ರೆಸ್ ಪ್ರಶ್ನಿಸಿದೆ.

English summary

Karnataka Pradesh Congress Committee (KPCC) asked several questions to BJP president Amit Shah who is in Bengaluru to view party Lok Sabha Election 2019 preparations.