• search

ಹೆಂಡತಿಯ ಅಕ್ರಮ ಸಂಬಂಧ ಕಂಡು ರುಂಡ ಕಡಿದು ಪೊಲೀಸ್ ಠಾಣೆಗೆ ತಂದ ಗಂಡ

By ಚಿಕ್ಕಮಗಳೂರು ಪ್ರತಿನಿಧಿ
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಚಿಕ್ಕಮಗಳೂರು, ಸೆಪ್ಟೆಂಬರ್ 10 : ಹೆಂಡತಿಗೆ ಅಕ್ರಮ ಸಂಬಂಧ ಇದೆ ಎಂಬ ಕಾರಣಕ್ಕೆ ಆಕೆಯನ್ನು ಕೊಂದು, ರುಂಡವನ್ನು ಪೊಲೀಸ್ ಠಾಣೆಗೆ ಹೊತ್ತೊಯ್ದ ಆರೋಪಿ ಬಗ್ಗೆ ಇದೀಗ ಬಹಳ ಚರ್ಚೆ ನಡೆಯುತ್ತಿದೆ. ಹೆಂಡತಿಯ ತಲೆ ಕಡಿದು, ತಂದು ಪೊಲೀಸ್ ಠಾಣೆಯಲ್ಲಿ ನಿಂತ ಆರೋಪಿ ಸತೀಶ್. ಆತನ ಪತ್ನಿ ಹೆಸರು ರೂಪಾ.

    ಅವರಿಬ್ಬರು ಮೂರು ವರ್ಷ ಕಾಲ ಪ್ರೀತಿಸಿ ಮದುವೆಯಾದವರು. ಚಿನ್ನದಂಥ ಎರಡು ಮಕ್ಕಳಿವೆ. ಆತ ದುಡಿಮೆಗಾಗಿ ಅಂತಲೇ ಹಗಲು-ಇರುಳು ಲೆಕ್ಕಿಸದೆ ಶ್ರಮಿಸುತ್ತಿದ್ದ. ಈಕೆ ಪರಪುರುಷನ ತೆಕ್ಕೆಯಲ್ಲಿ ಬಂಧಿಯಾದಳು. 3 ಲಕ್ಷ ಸಾಲ ಮಾಡಿ ಪ್ರಿಯಕರನಿಗೆ ಕೊಟ್ಟು, ಗಂಡನ ವಿರುದ್ಧವೇ ಪೊಲೀಸರಿಗೆ ದೂರು ಕೊಟ್ಟಿದ್ದಳು.

    ತಾಯಿಯ ರುಂಡ ಹೊತ್ತೊಯ್ತಿದ್ದ ಮಗನನ್ನು ಪೊಲೀಸರಿಗೆ ಒಪ್ಪಿಸಿದ ಹಳ್ಳಿಗರು

    ಹೇಗೋ ದೊಡ್ಡವರೆಲ್ಲ ಸೇರಿ ರಾಜಿ-ಸಂಧಾನ ಮಾಡಿಸಿದರು. ಆದರೆ ತನ್ನ ಚಾಳಿ ಮಾತ್ರ ಆಕೆ ಬಿಡಲಿಲ್ಲ. ಪ್ರೀತಿಸಿ ಮದುವೆಯಾದವಳನ್ನು ಯಾವಾಗ ಮತ್ತೊಬ್ಬನ ತೋಳ ತೆಕ್ಕೆಯಲ್ಲಿ ಆಕೆಯಿರುವುದನ್ನು ಕಂಡನೋ ಕೊಂದೇಬಿಟ್ಟ. ಈ ಘಟನೆ ನಡೆದಿರುವುದು ಚಿಕ್ಕಮಗಳೂರಲ್ಲಿ. ಸತೀಶ್ ತರೀಕೆರೆ ತಾಲೂಕಿನ ಶಿವನಿಯವನು. ಅದೇ ಗ್ರಾಮದ ರೂಪಾಳನ್ನು 9 ವರ್ಷದಿಂದೆ ಪ್ರೀತಿಸಿ ಮದುವೆಯಾಗಿದ್ದ. 2 ಮಕ್ಕಳು ಇದ್ದವು.

    Illicit relationship: Man beheaded his Wife and walks into police station

    ಬೆಂಗಳೂರಲ್ಲಿ ಚಾಲಕನಾಗಿದ್ದ ಸತೀಶ್, ಹೆಂಡತಿ- ಮಕ್ಕಳಾ ಸಲುವಾಗಿ ಶಿವನಿ ರೈಲು ನಿಲ್ದಾಣದ ಬಳಿ ಕೋಳಿ ಅಂಗಡಿ ಇಟ್ಟಿದ್ದ. ಇಷ್ಟೆಲ್ಲ ಪ್ರೀತಿ-ಜವಾಬ್ದಾರಿಯಿಂದ ನೋಡಿಕೊಳ್ಳುತ್ತಿದ್ದ ಹೆಂಡತಿ ಮತ್ತೊಬ್ಬ ಗಂಡಿನ ಜತೆ ಆತ್ಮೀಯವಾಗಿ ಇರುವುದನ್ನು ಕಂಡು ಮಚ್ಚು ಬೀಸಿದ್ದಾನೆ. ಆಕೆಯ ಜೊತೆಗಿದ್ದವನು ತಪ್ಪಿಸಿಕೊಂಡಿದ್ದಾನೆ.

    ಆ ಬಳಿಕ ಹೆಂಡತಿಯ ತಲೆ ಕಡಿದು, 20 ಕಿ.ಮೀ. ದೂರದ ಅಜ್ಜಂಪುರ ಠಾಣೆಗೆ ಬೈಕ್ ನಲ್ಲಿ ಬಂದು, ಕತ್ತಿ ಹಾಗೂ ರುಂಡದ ಸಮೇತ ಶರಣಾಗಿದ್ದಾನೆ. ಸತೀಶ್ ನನ್ನು ನೋಡಿದ ಅಜ್ಜಂಪುರ ಪೊಲೀಸರೇ ಅರೆ ಕ್ಷಣ ಗಾಬರಿಯಾಗಿದ್ದಾರೆ.

    ಸತೀಶ್ ತನ್ನ ಹೆಂಡತಿಯ ಮುಂಡವನ್ನು ರೈಲು ನಿಲ್ದಾಣ ಬಳಿಯ ಪ್ಲಾಂಟೇಷನ್ ನಲ್ಲಿ ಹಾಕಿದ್ದಾನೆ. ಹೆಂಡತಿ ಸಾವನ್ನಪ್ಪಿದರೆ, ಗಂಡ ಜೈಲು ಪಾಲಾಗುತ್ತಿದ್ದಾನೆ. ಇವರಿಬ್ಬರ ಆ ಎರಡು ಪುಟ್ಟ ಮಕ್ಕಳ ಭವಿಷ್ಯ ಹೇಗೆ ಎಂಬುದು ಆತಂಕಕ್ಕೆ ಹಾಗೂ ಅನುಕಂಪಕ್ಕೆ ಕಾರಣವಾಗಿದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    A man allegedly beheaded his wife, packed her head into a bag and walked into a police station with the severed head to surrender. The chilling incident happened in Chikkamagaluru when Satish after returning home found his wife, Roopa, with another man.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more