• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಹಾವೇರಿ ಜಿಲ್ಲಾ ಪೊಲೀಸ್ ರಿಂದ ನೂತನ ವೆಬ್ ಸೈಟ್

By Basavaraj
|

ಹಾವೇರಿ, ಜುಲೈ 10: ಜಿಲ್ಲಾ ಪೊಲೀಸ್ 'ಪಾರದರ್ಶಕತೆ' ಮತ್ತು 'ಜನಸ್ನೇಹಿ'ಯತ್ತ ಮಹತ್ವದ ಹೆಜ್ಜೆ ಇರಿಸಿದ್ದು, ಇಲಾಖೆಯ ಮಾಹಿತಿಗಳು ಇನ್ಮುಂದೆ ಬೆರಳ ತುದಿಯಲ್ಲಿ ಸಿಗಲಿವೆ. ಹೌದು ಇದಕ್ಕಾಗಿ ಎಸ್ಪಿ ಸಿ. ವಂಶಿಕೃಷ್ಣ ಅವರು ನೂತನ 'ಹಾವೇರಿ ಜಿಲ್ಲಾ ಪೊಲೀಸ್ ವೆಬ್ ಸೈಟ್' https://www.haveripolice.co ಗೆ ಇತ್ತೀಚೆಗೆ ಚಾಲನೆ ನೀಡಿದ್ದು, ಸಾರ್ವಜನಿಕರು ಸುಲಭವಾಗಿ ಮಾಹಿತಿ ಪಡೆಯಲು ಸಾಧ್ಯವಾಗಿದೆ.

ತಂತ್ರಜ್ಞಾನ ಬಳಕೆ ಮೂಲಕ ಇಲಾಖೆಗೆ 'ಪಾರದರ್ಶಕತೆ' ಹಾಗೂ 'ಜನಸ್ನೇಹಿ' ಸ್ವರೂಪ ನೀಡಲು ಮುಂದಾಗಿರುವ ಇಲಾಖೆ, ಪೊಲೀಸ್ ಧ್ಯೇಯೋದ್ದೇಶಗಳು, ಜಿಲ್ಲೆಯ ಸಂಕ್ಷಿಪ್ತ ಪರಿಚಯ, ಜಿಲ್ಲೆಯ ಪೊಲೀಸ್ ಅಧಿಕಾರಿಗಳ ವಿವರ, ಪ್ರಮುಖ ಕಾರ್ಯಕ್ರಮಗಳ ಫೊಟೋ, ಇಲಾಖೆಯ ಶ್ರೇಣೀಕೃತ ವ್ಯವಸ್ಥೆ, ಇಲಾಖೆಯ ವಿವಿಧ ವಿಭಾಗಗಳು, ಪೊಲೀಸ್ ಉಪವಿಭಾಗ, ವೃತ್ತಗಳು, ಠಾಣೆಗಳು ಸೇರಿದಂತೆ ಎಲ್ಲ ಮಾಹಿತಿಯನ್ನು ಇದರಲ್ಲಿ ನೀಡಲು ಮುಂದಾಗಿದೆ. ಜತೆಗೆ ಹಿರಿಯ ಅಧಿಕಾರಿಗಳ ಸಂಪರ್ಕದ ಮೊಬೈಲ್ ಹಾಗೂ ದೂರವಾಣಿ ಸಂಖ್ಯೆಗಳೂ ಇದರಲ್ಲಿವೆ.

ಎಸ್ಪಿಗಳ ಮಾಹಿತಿ

ಜಿಲ್ಲೆ ಆರಂಭದಾಗಿನಿಂದ ಹಿಡಿದು ಈವರೆಗೆ ಜಿಲ್ಲೆಯಲ್ಲಿ ಕರ್ತವ್ಯ ನಿರ್ವಹಿಸಿದ ಪೊಲೀಸ್ ವರಿಷ್ಠಾಧಿಕಾರಿಗಳ ವಿವರಗಳನ್ನು ವೆಬ್‌ಸೈಟ್ ಒಳಗೊಂಡಿದೆ. ಪೊಲೀಸ್ ಇಲಾಖೆಯಲ್ಲಿ ತಂತ್ರಜ್ಞಾನವನ್ನು ಸಮರ್ಥವಾಗಿ ಬಳಕೆ ಮಾಡಿಕೊಳ್ಳುವ ನಿಟ್ಟಿನಲ್ಲಿ ಎಸ್ಪಿ ವಂಶಿಕೃಷ್ಣ ಅವರ ಪ್ರಯತ್ನಕ್ಕೆ ಸಾರ್ವಜನಿಕರಿಂದ ಪ್ರಶಂಸೆ ವ್ಯಕ್ತವಾಗಿದೆ.

ಇತರ ಮಾಹಿತಿಯೂ ಲಭ್ಯ

ಸಂಚಾರದ ನಿಯಮಾವಳಿಗಳು ಹಾಗೂ ದಂಡಗಳ ವಿವರ, ಸಂಚಾರ ನಿಯಮಾವಳಿಯ ಸಂಕೇತ ಹಾಗೂ ಸಂಜ್ಞೆಗಳು ವೆಬ್ಸೈಟ್ ನಲ್ಲಿವೆ. ಸಾರ್ವಜನಿಕರಿಗೆ ಅಷ್ಟಾಗಿ ಪರಿಚಿತವಲ್ಲದ ಇಲಾಖೆಯೊಳಗಿನ ವಿವಿಧ ವಿಭಾಗಗಳು ಹಾಗೂ ಅದರ ಕರ್ತವ್ಯದ ಬಗ್ಗೆ ಸ್ಪಷ್ಟ ಮಾಹಿತಿಯನ್ನೂ ಇದು ಒಳಗೊಂಡಿದೆ.

ಇಲಾಖೆಯ ಸುತ್ತೋಲೆ, ಆದೇಶಗಳು, ಸಕಾಲ, ಪೊಲೀಸ್ ದೂರು ಪ್ರಾಧಿಕಾರ, ಇಲಾಖೆಯೊಳಗಿನ ಪ್ರತಿ ವಿಭಾಗಗಳ ಕರ್ತವ್ಯ ಹಾಗೂ ಕಾರ್ಯನಿರ್ವಹಣೆ, ಪ್ರತಿನಿತ್ಯ ದಾಖಲಾದ ಪ್ರಕರಣಗಳ ಮಾಹಿತಿ, ಪತ್ರಿಕಾ ಪ್ರಕಟಣೆ, ಕಾನೂನು ತಿದ್ದುಪಡಿಗಳು, ತುರ್ತು ಸಹಾಯವಾಣಿಯ ವಿವರಗಳು, ನಾಪತ್ತೆಯಾದವರ ವಿವರ, ಪ್ರತಿ ಠಾಣೆಗಳ ನಕಾಶೆ ಸೇರಿದಂತೆ ಇನ್ನೂ ಹಲವು ಮಾಹಿತಿಗಳನ್ನು ಒಳಗೊಂಡಿರುವ ಈ 'ವೆಬ್‌ಸೈಟ್' ಮಾಹಿತಿ ಕಣಜವಾಗಿದೆ.

'ನೊಂದವರಿಗೆ ನೇರ ನೆರವು'

ಈ ವೆಬ್‌ಸೈಟ್ ಮೂಲಕ ನೀವು ನಿಮ್ಮ ಪೊಲೀಸ್ ಠಾಣೆ ಹಾಗೂ ವಾರ್ಡ್ ವ್ಯಾಪ್ತಿಗೆ ನಿಯೋಜಿಸಲಾದ ಗಸ್ತು ಪೊಲೀಸ್ ಹಾಗೂ ಅವರ ಮೊಬೈಲ್ ಸಂಖ್ಯೆಯನ್ನು ಪಡೆಯಬಹುದು. ಅವರ ಮೇಲಿನ ಉಸ್ತುವಾರಿ ಅಧಿಕಾರಿಯ ಮಾಹಿತಿಯೂ ಲಭ್ಯ.

ಸ್ಥಳೀಯವಾಗಿ ನಿಮ್ಮ ದೂರುಗಳನ್ನು ನಿರಾಕರಿಸಿದರೂ, ನಿಮ್ಮ ಹೆಸರು ಮತ್ತು ಮೊಬೈಲ್ ಸಂಖ್ಯೆ ನೋಂದಾಯಿಸುವ ಮೂಲಕ ನೇರವಾಗಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗೆ ದೂರು ನೀಡಬಹುದಾದ ಅವಕಾಶವನ್ನೂ ಈ ವೆಬ್‌ಸೈಟ್ ಒಳಗೊಂಡಿದೆ.

English summary
Haveri district police has launched new website to provide department’s information to public. People can get entire information from this website. SP Vamshikrishna has taken initiation to launch this website.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more