Click it and Unblock the Notifications
Just In
-
-
-
Don't Miss
-
ನೀವು ಸಹ ಈ ಶರ್ಬತ್ನ ರುಚಿ ಸವಿದಿದ್ದೀರಾ..? ಮರೆಯಾಯ್ತು ಈ ಹಳೆಯ ನೆನಪು -
ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ -
LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ -
3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ? -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರೈತರ ಸಾಲ ಮನ್ನಾ ನಿಯಮಗಳೇನು? ಇಲ್ಲಿದೆ ಮಾಹಿತಿ
Recommended Video
ಬೆಂಗಳೂರು, ಜುಲೈ 05: ಕುಮಾರಸ್ವಾಮಿ ಅವರು ಹೇಳಿದಂತೆ ರೈತರ ಸಾಲಮನ್ನಾ ಮಾಡಿದ್ದಾರೆ. ಆದರೆ ಸಂಪೂರ್ಣ ಸಾಲಮನ್ನಾಕ್ಕೆ ಬದಲು 2 ಲಕ್ಷ ಸಾಲ ಮಾತ್ರ ಮನ್ನಾ ಆಗಲಿದೆ.ರೈತರ ಸಾಲಮನ್ನಾಕ್ಕೆ ಸಂಪನ್ಮೂಲ ಕ್ರೂಢೀಕರಣ ಸರ್ಕಾರಕ್ಕೆ ಬಹುದೊಡ್ಡ ತಲೆನೋವಾಗಿತ್ತು. ಆದರೆ ಅಂತೂ ಇಂತೂ ಪೇಚಾಡಿ ಕೊನೆಗೂ ಕುಮಾರಸ್ವಾಮಿ ಅವರು ಸ್ವಲ್ಪವಾದರೂ ಸಾಲಮನ್ನಾ ಮಾಡಿದ್ದಾರೆ.
ಸಾಲಮನ್ನಾ ಬಗ್ಗೆ ವಿರೋಧ ಪಕ್ಷಗಳು ಈಗಾಗಲೇ ಹಲವು ಪ್ರಶ್ನೆಗಳನ್ನು ಎತ್ತಿವೆ. ಸಾಲಮನ್ನಾ ಪ್ರಕ್ರಿಯೆ ಸಾಕಷ್ಟು ಗೊಂದಲ ಪೂರ್ಣವಾಗಿದೆ ಎಂಬ ಮಾತುಗಳು ಕೇಳಿಬರುತ್ತಿವೆ. ಈಗ ಮಾಡಿರುವುದು ಕೇವಲ ಬೆಳೆ ಸಾಲಮನ್ನಾ ಮಾತ್ರ. ಎಂಬ ಮಾತುಗಳನ್ನೂ ವಿರೋಧ ಪಕ್ಷಗಳಾಡಿವೆ.
ಯಾವ ರೈತರ ಸಾಲಮನ್ನಾ ಆಗಲಿದೆ, ಯಾವ ರೀತಿಯ ಸಾಲಮನ್ನಾ ಆಗಲಿದೆ, ಎಷ್ಟು ಸಾಲಮನ್ನಾ ಆಗಲಿದೆ, ಯಾವ ಅವಧಿಯ ಒಳಗೆ ಮಾಡಿದ್ದ ಸಾಲಮನ್ನಾ ಆಗಲಿದೆ, ಯಾವ ಬ್ಯಾಂಕುಗಳಲ್ಲಿ ಮಾಡಿದ್ದ ಸಾಲಮನ್ನಾ ಆಗಲಿದೆ ಎಂಬಿತ್ಯಾದಿ ಪ್ರಶ್ನೆಗಳು ರೈತರನ್ನು ಕಾಡುತ್ತಿವೆ. ಅದಕ್ಕೆಲ್ಲಾ ಉತ್ತರ ಇಲ್ಲಿದೆ ನೋಡಿ.
ಕುಟುಂಬದ ಒಬ್ಬರ ಬೆಳೆ ಸಾಲಮಾತ್ರ ಮನ್ನಾ
* ರೈತ ಕುಟುಂಬದ 2 ಲಕ್ಷ ಸುಸ್ತಿ ಸಾಲಮನ್ನಾ ಮಾಡಲಾಗುತ್ತದೆ, ಕುಟುಂಬ ಎಂದರೆ ರೈತ ಅಥವಾ ಆತನ ಪತ್ನಿ ಅಥವಾ ಆತನ ಮಗನ ಹೆಸರಿನಲ್ಲಿ ಮಾಡಲಾದ ಕೃಷಿ ಸಾಲದಲ್ಲಿ 2 ಲಕ್ಷ ಸಾಲಮನ್ನಾ ಆಗಲಿದೆ. ಒಂದೇ ಕುಟುಂಬದಲ್ಲಿ ಎರಡು ಬೆಳೆಸಾಲ ಇದ್ದರೆ ಒಂದು ಸಾಲ (2 ಲಕ್ಷ) ಮಾತ್ರವೇ ಮನ್ನಾ ಆಗಲಿದೆ.
ಸಾಲ ತೀರಿಸಿದ್ದವರಿಗೆ 25000 ಬಹುಮಾನ!
* 01/04/2009ರ ನಂತರ ಪಡೆದ 30/12/2017 ರ ವೇಳೆಗೆ ಬಾಕಿ ಇರುವ ಬೆಳೆ ಸಾಲ ಮಾತ್ರ ಮನ್ನಾ ಆಗಲಿದೆ. ಅಕಸ್ಮಾತ್ ಅವಧಿಯ ಒಳಗೆ ಸಾಲ ತೀರಿಸಿದವರಿಗೆ 25000 ರೂಪಾಯಿ ಹಣ ವಾಪಾಸ್ಸು ಬರಲಿದೆ.
ಸಹಕಾರ ಸಂಘದ ಸಾಲಮನ್ನಾ ಆಗಿರುವ ರೈತರಿಗೆ ಲಾಭವಿಲ್ಲ
* ಕೃಷಿ ಸಾಲ ಅತವಾ ಕಿಸಾನ್ ಕ್ರೆಡಿಟ್ ಕಾರ್ಡ್ ಸಾಲ ಮರುಪಾವತಿಸಿದ ರೈತರಿಗೆ 25000 ರೂಪಾಯಿ ಬಹುಮಾನದ ರೀತಿಯಲ್ಲಿ ಸರ್ಕಾರ ನೀಡಲಿದೆ. ಮರುಪಾವತಿ ಮಾಡಿದ ಸಾಲವು 25000 ಕ್ಕಿಂತಲೂ ಕಡಿಮೆ ಇದ್ದರೆ ಅಷ್ಟೆ ಮೊತ್ತವನ್ನು ವಾಪಸ್ಸು ನೀಡಲಾಗುತ್ತದೆ.
ತೋಟಗಾರಿಕೆ, ಪ್ಲಾಂಟೇಶನ್ ಸಾಲವೂ ಮನ್ನಾ
* ಬೆಳೆ ಸಾಲ ಅಥವಾ ಕಿಸಾನ್ ಕ್ರೆಡಿಟ್ ಸಾಲ ಮತ್ತು 12 ರಿಂದ 18 ತಿಂಗಳ ಅವಧಿಯಲ್ಲಿ ತೀರಿಸಬಹುದಾದ ಸಾಲವನ್ನು ಬೆಳೆ ಸಾಲ ಎನ್ನಬಹುದು. ಪ್ಲಾಂಟೇಶನ್, ತೋಟಗಾರಿಕೆಗೆ ಪಡೆದ ಸಾಲಗಳನ್ನೂ ಒಳಗೊಂಡಿರುತ್ತದೆ.
ಯಾವ ಬಗೆಯ ಸಾಲಮನ್ನಾ?
* ಬೆಳೆಸಾಲ, ಮರು ವರ್ಗೀಕರಣ ಆದ ಬೆಳೆ ಸಾಲ (ರಿಸ್ಟ್ರಕ್ಚರ್ಡ್ ಲೋನ್), ವರ್ಷದ ಅವಧಿಯ ಬೆಳೆ ಸಾಲ (NPA), ಒಂದು ವರ್ಷ ಅವಧಿ ಮೀರದ ಸಾಲಗಳು ಮನ್ನಾ ಆಗಲಿವೆ.
ಯಾವ ಬ್ಯಾಂಕ್‌ಗಳ ಸಾಲಮನ್ನಾ
* ರಾಷ್ಟ್ರೀಕೃತ ಬ್ಯಾಂಕುಗಳು, ಪ್ರಾದೇಶಿಕ ಗ್ರಾಮೀಣ ಬ್ಯಾಂಕುಗಳು, ಖಾಸಗಿ ಮತ್ತು ಪ್ರಾಥಮಿಕ ಸಹಕಾರಿ ಕ್ರೆಡಿಟ್ ಸೊಸೈಟಿಗಳು, ರೈತರ ಸಹಕಾರ ಸೇವಾ ಕೇಂದ್ರದಿಂದ ಪಡೆದ ಸಾಲಗಳು, ಕಿಸಾನ್ ಕ್ರೆಡಿಟ್ ಕಾರ್ಡ್‌ನಿಂದ ಪಡೆದ ಸಾಲಗಳು ಮನ್ನಾ ಆಗಲಿವೆ.
ಕಿಸಾಸ್ ಕಾರ್ಡ್ ಸಾಲವೂ ಮನ್ನಾ
* ಕೃಷಿ ಸಾಲ ಅತವಾ ಕಿಸಾನ್ ಕ್ರೆಡಿಟ್ ಕಾರ್ಡ್ ಸಾಲ ಮರುಪಾವತಿಸಿದ ರೈತರಿಗೆ 25000 ರೂಪಾಯಿ ಬಹುಮಾನದ ರೀತಿಯಲ್ಲಿ ಸರ್ಕಾರ ನೀಡಲಿದೆ. ಮರುಪಾವತಿ ಮಾಡಿದ ಸಾಲವು 25000 ಕ್ಕಿಂತಲೂ ಕಡಿಮೆ ಇದ್ದರೆ ಅಷ್ಟೆ ಮೊತ್ತವನ್ನು ವಾಪಸ್ಸು ನೀಡಲಾಗುತ್ತದೆ.
