ಸಂಸದರಿಗೆ ಐ-ಫೋನ್ ನೀಡಿದ್ದು ನಾನೇ ಎಂದ ಡಿಕೆ ಶಿವಕುಮಾರ್
Recommended Video
ಬೆಂಗಳೂರು, ಜು.17: ಸಂಸದರಿಗೆ ಐ-ಫೋನ್ ನೀಡಿರುವ ಕುರಿತು ಸಚಿವ ಡಿಕೆ ಶಿವಕುಮಾರ್ ಪ್ರತಿಕ್ರಿಯಿಸಿದ್ದು ಸಂಸದರಿಗೆ ಐ-ಫೋನ್ ನೀಡಿದ್ದು ನಾನೇ ಎಂದು ಹೇಳಿದ್ದಾರೆ.
ಕಾವೇರಿ ನೀರು ಹಾಗೂ ಇನ್ನಿತರೆ ವಿಚಾರಗಳಿಗೆ ಸಂಬಂಧಿಸಿದಂತೆ ಮುಖ್ಯಮಂತ್ರಿ ಹಾಗೂ ಸಂಸದರು ಕೇಂದ್ರ ಸಚಿವರ ಜತೆಗೆ ಬುಧವಾರ ಸಭೆ ನಡೆಸಲಿದ್ದಾರೆ, ಅದಕ್ಕೂ ಮುನ್ನ ಸಂಸದರಿಗೆ ಐ-ಫೋನ್ ಕಿಟ್ ಬಂದು ತಲುಪಿತ್ತು, ಈ ಕುರಿತು ಬಿಜೆಪಿ ಸಂಸದರು ವಿರೋಧ ವ್ಯಕ್ತಪಡಿಸಿದ್ದು ಐ-ಫೋನ್ ವಾಪಸ್ ನೀಡಿದ್ದರು.
ರಾಜ್ಯ ಸರ್ಕಾರದ ಮೊಬೈಲ್ ಗಿಫ್ಟ್ ವಾಪಸ್ ಕೊಟ್ಟ ಸಂಸದ ರಾಜೀವ್
ಸಂಸದ ರಾಜೀವ್ ಚಂದ್ರಶೇಖರ್ ಈ ಕುರಿತು ಟ್ವೀಟ್ ಮಾಡಿದ್ದು, ರಾಜ್ಯದಲ್ಲಿ ರೈತರು, ಪೌರಕಾರ್ಮಿಕರು ಸಂಕಷ್ಟದಲ್ಲಿದ್ದಾರೆ ಅದರೊಂದಿಗೆ ರಾಜ್ಯದ ಸಮಸ್ಯೆ ಸಾಕಷ್ಟಿದೆ ಈ ಸಂದರ್ಭದಲ್ಲಿ ಐ-ಫೋನ್ ನೀಡಿರುವುದು ಸರಿಯಲ್ಲ ಎಂದು ಹೇಳಿದ್ದರು.
ಈ ಕುರಿತು ಎಚ್ಡಿ ಕುಮಾರಸ್ವಾಮಿ ಕೂಡ ಪ್ರತಿಕ್ರಿಯಿಸಿದ್ದು ಐ-ಫೋನ್ ನೀಡುವ ಕುರಿತು ನನಗೆ ಯಾವ ಮಾಹಿತಿಯೂ ಇಲ್ಲ ಎಂದಿದ್ದರು ಈ ಸಂದರ್ಭದಲ್ಲಿ ಹಾಗಾದರೆ ಐ-ಫೋನ್ ನೀಡಿದ್ದು ಯಾರು ಎಂಬ ಕುತೂಹಲ ಮೂಡಿತ್ತು, ಇದೀಗ ತೆರೆ ಬಿದ್ದಿದೆ.
ಸಚಿವ ಡಿಕೆ ಶಿವಕುಮಾರ್ ವಿಧಾನ ಸೌಧದಲ್ಲಿ ಪ್ರತಿಕ್ರಿಯೆ ನೀಡಿದ್ದು, ಅಂಸದರಿಗೆ ಐ-ಫೋನ್ ನೀಡಿದರಲ್ಲಿ ತಪ್ಪೇನಿದೆ, ನಾನು ವಯಕ್ತಿಕವಾಗಿ ಕೊಟ್ಟಿದ್ದೇನೆ ಎಂದಿದ್ದಾರೆ. ಮಾಹಿತಿ ತ್ವರಿತವಾಗಿ ಸಂಸದರಿಗೆ ತಲುಪಲಿ ಎಂದು 50 ಸಾವಿರದ ಐ-ಫೋನ್ ನೀಡಿದ್ದೇನೆ ಅದರಲ್ಲಿ ತಪ್ಪೇನಿದೆ, ಅದರಲ್ಲಿ ಕೆಲವರು ವಾಪಸ್ ಕೊಟ್ಟಿದ್ದಾರೆ ಅದಕ್ಕೆ ನಾನೇನು ಮಾಡಲಿ, ಕಳೆದ ವರ್ಷವೂ ಐ-ಫೋನ್ ಕೊಟ್ಟಿದ್ದೆ ಹಲವು ಬಿಜೆಪಿ ಸಂಸದರು ಕರೆ ಮಾಡಿ ಕೃತಜ್ಞತೆ ಸಲ್ಲಿಸಿದ್ದರು ಎಂದರು.
ರಾಜೀವ್ ಚಂದ್ರಶೇಖರ್ ಹಣವಂತರು, ಹೀಗಾಗಿ ಗಿಫ್ಟ್ನ್ನು ಮರಳಿಸಿದ್ದಾರೆ. ಬೇರೆಯವರು ಅವರಂತೆ ಶ್ರೀಮಂತರಲ್ಲ ಎಂದು ರಾಜೀವ್ ಚಂದ್ರಶೇಖರ್ಗೆ ಟಾಂಗ್ ನೀಡಿದ್ದಾರೆ.