• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಸಿಎಂ ಪುತ್ರ ನಿಖಿಲ್ ಕುಮಾರಸ್ವಾಮಿ ಹೊಂದಿರುವ ಆಸ್ತಿ ಎಷ್ಟು?

|
      Lok Sabha Elections 2019 : ಸಿಎಂ ಪುತ್ರ ನಿಖಿಲ್ ಕುಮಾರಸ್ವಾಮಿ ಹೊಂದಿರುವ ಆಸ್ತಿ ಎಷ್ಟು? | Oneindia Kannada

      ಬೆಂಗಳೂರು, ಮಾರ್ಚ್‌ 25: ನಿಖಿಲ್ ಕುಮಾರಸ್ವಾಮಿ ಅವರು ಇಂದು ಮಂಡ್ಯ ಲೋಕಸಭಾ ಕ್ಷೇತ್ರದಿಂದ ನಾಮಪತ್ರ ಸಲ್ಲಿಸಿದ್ದಾರೆ. ತಮ್ಮ ಆಸ್ತಿ ವಿವರ ಸೇರಿದಂತೆ ಇನ್ನೂ ಕೆಲವು ವಿವರಗಳನ್ನು ಅವರು ಆಯೋಗಕ್ಕೆ ನೀಡಿದ್ದಾರೆ.

      ನಿಖಿಲ್ ಕುಮಾರಸ್ವಾಮಿ ಅವರ ಮೇಲೆ ಯಾವುದೇ ಕ್ರಿಮಿನಲ್ ಪ್ರಕರಣಗಳು ಇಲ್ಲ, ಅವರು ಪೆರಿಯಾರ್ ವಿವಿಯಿಂದ ಬಿಬಿಎ ಪದವಿ ಪಡೆದಿದ್ದಾರೆ. ಪದವಿಯನ್ನು ದೂರ ಶಿಕ್ಷಣದ ಮೂಲಕ ಪಡೆದಿದ್ದಾರೆ.

      ಲೋಕಸಭಾ ಚುನಾವಣೆ 2019 : ವಿಶೇಷ ಪುಟ | ಗ್ಯಾಲರಿ

      ನಿಖಿಲ್ ಕುಮಾರಸ್ವಾಮಿ ಅವರಿಗೆ ಈ ಹಣಕಾಸು ವರ್ಷದಲ್ಲಿ 71.47 ಲಕ್ಷ ಆದಾಯ ಬಂದಿದೆ. ಕಳೆದ ಹಣಕಾಸು ವರ್ಷದಲ್ಲಿ ಅವರ ಒಟ್ಟು ಆದಾಯ 1.06 ಕೋಟಿ ರೂಪಾಯಿಗಳು.

      ಮಂಡ್ಯ : ಪಕ್ಷೇತರ ಅಭ್ಯರ್ಥಿ ಸುಮಲತಾ ಘೋಷಿಸಿದ ಆಸ್ತಿ ಎಷ್ಟು?

      ನಿಖಿಲ್ ಕುಮಾರಸ್ವಾಮಿ ಅವರ ವಿವಿದ ಬ್ಯಾಂಕುಗಳ ಖಾತೆಯಲ್ಲಿ 1.09 ಕೋಟಿ ರೂಪಾಯಿ ಹಣವಿದೆ. ಕಸ್ತೂರಿ ಮೀಡಿಯಾ ಪ್ರೈವೇಟ್ ಲಿಮಿಟೆಡ್‌ನಲ್ಲಿ ಅವರು 76 ಲಕ್ಷ ರೂಪಾಯಿ ಬಂಡವಾಳ ತೊಡಗಿಸಿದ್ದಾರೆ.

      ಅಪ್ಪನಿಗೇ ಒಂದು ಕೋಟಿ ಸಾಲ ಕೊಟ್ಟಿರುವ ನಿಖಿಲ್

      ಅಪ್ಪನಿಗೇ ಒಂದು ಕೋಟಿ ಸಾಲ ಕೊಟ್ಟಿರುವ ನಿಖಿಲ್

      ನಿಖಿಲ್ ಕುಮಾರಸ್ವಾಮಿ ಅವರು 10.57 ಕೋಟಿ ಹಣವನ್ನು ಸಾಲವಾಗಿ ಹಾಗೂ ಮುಂಗಡವಾಗಿ ವಿವಿಧ ವ್ಯಕ್ತಿಗಳು, ಸಂಸ್ಥೆಗಳಿಗೆ ನೀಡಿದ್ದಾರೆ. ಬನಶ್ರೀ ಗಾರ್ಡನ್ಸ್‌ಗೆ 60 ಲಕ್ಷ, ಎಚ್.ಜಿ.ಶ್ರೀನಿವಾಸ ಎಂಬುವರಿಗೆ 1.27 ಕೋಟಿ, ಎಚ್‌ಆರ್‌ಎಂ ಸಾದಿಕುಲ್ಲಾ ಎಂಬುವರಿಗೆ 25 ಲಕ್ಷ, ತಂದೆ ಕುಮಾರಸ್ವಾಮಿ 1.10 ಕೋಟಿ, ಕಸ್ತೂರಿ ಮೀಡಿಯಾಕ್ಕೆ 1.74 ಕೋಟಿ ನೀಡಿದ್ದಾರೆ. ಸೈಟ್ ಒಂದರ ಖರೀದಿಗೆ 2.45 ಕೋಟಿ ಮತ್ತು ಲ್ಯಾಂಬರ್ಗಿನಿ ಕಾರು ಖರೀದಿಗೆ 4.15 ಕೋಟಿ ಮುಂಗಡ ನೀಡಿದ್ದಾರೆ.

      ಹಾಸನ : ಜೆಡಿಎಸ್ ಅಭ್ಯರ್ಥಿ ಪ್ರಜ್ವಲ್ ರೇವಣ್ಣ ಆಸ್ತಿ, ಸಾಲ ವಿವರ

      ನಿಖಿಲ್ ಬಳಿ ಇರುವ ಕಾರುಗಳಷ್ಟು?

      ನಿಖಿಲ್ ಬಳಿ ಇರುವ ಕಾರುಗಳಷ್ಟು?

      ನಿಖಿಲ್ ಕುಮಾರಸ್ವಾಮಿ ಅವರ ಬಳಿ 3.34 ಕೋಟಿ ಮೌಲ್ಯದ ರೇಂಜ್ ರೋವರ್ ಕಾರಿದೆ. ಜೊತೆಗೆ ಒಂದು 23.03 ಲಕ್ಷ ಮೌಲ್ಯದ ವ್ಯಾನಿಟಿ ವ್ಯಾನ್ ಇದೆ. ಈಗ ಲೆಂಬೋರ್ಗಿನಿ ಕಾರಿಗೆ ಮುಂಗಡ ನೀಡಿದ್ದಾರೆ. ನಿಖಿಲ್ ಅವರ ಬಳಿ 4.55 ಲಕ್ಷ ಮೌಲ್ಯದ ಚಿನ್ನದ ಆಭರಣಗಳಿವೆ. ಇತರ ಮೂಲಗಳಿಂದ ಅವರಿಗೆ 1.60 ಕೋಟಿ ನಿಯಮಿತವಾಗಿ ಆದಾಯ ಬರುತ್ತಿದೆ.

      ದೇವೇಗೌಡರಿಗಿಂತಲೂ ಪತ್ನಿ ಚೆನ್ನಮ್ಮ ಅವರೇ ಹೆಚ್ಚು ಶ್ರೀಮಂತರು!

      ನಿಖಿಲ್ ಹೆಸರಿಗಿರುವ ಸ್ಥಿರಾಸ್ತಿ ಎಷ್ಟು?

      ನಿಖಿಲ್ ಹೆಸರಿಗಿರುವ ಸ್ಥಿರಾಸ್ತಿ ಎಷ್ಟು?

      ನಿಖಿಲ್ ಕುಮಾರಸ್ವಾಮಿ ಬಳಿ 28 ಕೋಟಿ ಮೌಲ್ಯದ ಕೃಷಿಯೇತರ ಆಸ್ತಿ ಇದೆ. ನಿಖಿಲ್ ಕುಮಾರಸ್ವಾಮಿ ಹೆಸರಲ್ಲಿ ಯಾವುದೇ ಕೃಷಿ ಜಮೀನಿಲ್ಲ. ನಿಖಿಲ್ ಕುಮಾರಸ್ವಾಮಿ ಅವರ ವೈಯಕ್ತಿಕ ಸಾಲವೂ ಹೆಚ್ಚಿಗೆ ಇದೆ. ಅವರು ಒಟ್ಟು 23.84 ಕೋಟಿ ಸಾಲ ಮಾಡಿದ್ದಾರೆ. 11.52 ಕೋಟಿ ಮುಂಗಡ ಪಡೆದಿದ್ದಾರೆ.

      ನಿಖಿಲ್ ಕುಮಾರಸ್ವಾಮಿ ಒಟ್ಟು ಆಸ್ತಿ?

      ನಿಖಿಲ್ ಕುಮಾರಸ್ವಾಮಿ ಒಟ್ಟು ಆಸ್ತಿ?

      ನಿಖಿಲ್ ಕುಮಾರಸ್ವಾಮಿ ಅವರ ಸ್ಥಿರಾಸ್ತಿ ಮತ್ತು ಚರಾಸ್ತಿಯ ಒಟ್ಟು ಮೌಲ್ಯ 55.57 ಕೋಟಿ ರೂಪಾಯಿಗಳಾಗುತ್ತದೆ. ನಿಖಿಲ್ ಕುಮಾರಸ್ವಾಮಿ ಅವರ ತಾಯಿಯಷ್ಟೇನೂ ಶ್ರೀಮಂತರಲ್ಲ, ಅವರ ತಾಯಿ ಅನಿತಾ ಅವರು ಕಳೆದ ಉಪಚುನಾವಣೆಗೆ ಸ್ಪರ್ಧಿಸಿದ್ದಾಗ ನೂರು ಕೋಟಿ ಆಸ್ತಿ ಲೆಕ್ಕ ತೋರಿಸಿದ್ದರು.

      ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

      English summary
      Nikhil Kumaraswamy today filled nomination from Mandya constituency, He has 55.55 crore rupees asset. He is not richer than his mother, she has more than 100 crore asset in her name.
      ತಾಜಾ ಸುದ್ದಿ ತಕ್ಷಣ ಪಡೆಯಿರಿ
      Enable
      x
      Notification Settings X
      Time Settings
      Done
      Clear Notification X
      Do you want to clear all the notifications from your inbox?
      Settings X
      We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more