ಸಿನಿಮಾ ಮಂದಿರಗಳಲ್ಲಿ ಬಿಜೆಪಿ, ಕಾಂಗ್ರೆಸ್ ಜಾಹೀರಾತಿನ ಭರಾಟೆ
Recommended Video
ಬೆಂಗಳೂರು, ಮಾರ್ಚ್ 23: ಕರ್ನಾಟಕದ ಸಿನಿಮಾ ಮಂದಿರಗಳಲ್ಲಿ ಈಗ ವಿಕೋ ವಜ್ರದಂತಿ ಜಾಹೀರಾತಿಗಿಂತ ಬಿಜೆಪಿ ಮತ್ತು ಕಾಂಗ್ರೆಸ್ ನ ಜಾಹೀರಾತುಗಳೇ ಹೆಚ್ಚಾಗಿ ಕಂಡು ಬರುತ್ತಿವೆ. ಎರಡೂ ಪಕ್ಷಗಳು ಪೈಪೋಟಿಗೆ ಬಿದ್ದವರಂತೆ ಹಣ ಸುರಿದು ಜಾಹೀರಾತುಗಳನ್ನು ಥಿಯೇಟರ್ ಗಳಲ್ಲಿ ಪ್ರಸಾರ ಮಾಡುತ್ತಿವೆ.
ವಿಧಾನಸಭೆ ಚುನಾವಣೆ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ | ಯಾವ ಪಕ್ಷಕ್ಕೆಷ್ಟು ಸೀಟು? ನೀವೇ ಊಹಿಸಿ
ಸಿನಿಮಾ ಆರಂಭಕ್ಕೆ ಮುನ್ನ, ಇಂಟರ್ವಲ್ ನಲ್ಲಿ ಬಿಜೆಪಿ ಮತ್ತು ಕಾಂಗ್ರೆಸ್ ಸರಕಾರಗಳು ತಮ್ಮ ಸಾಧನೆಯ ಬಗ್ಗೆ ಜಾಹೀರಾತುಗಳನ್ನು ಪ್ರಸಾರ ಮಾಡುತ್ತಿವೆ.
ಸಿದ್ದರಾಮಯ್ಯ ನಡೆಗೆ ಭೇಷ್ ಎನ್ನುತ್ತಿದೆ 'ಕೈ' ಕಮಾಂಡ್ !
An ode to the cultural richness, progressive spirit & dynamic ethos of Namma Karnataka. #NammaNaaduKannadaNaadu
— Siddaramaiah (@siddaramaiah) March 22, 2018
"ನಮ್ಮ ನಾಡು,
ಕನ್ನಡ ನಾಡು;
ಬೆಳಗುತಿದೆ,
ಮುಂದೆ ಸಾಗುತಿದೆ."
Download the song from: https://t.co/vhqioMt4ZL pic.twitter.com/96tWxqCyTO
ಕಾಂಗ್ರೆಸ್ ಸಂಪೂರ್ಣವಾಗಿ ತನ್ನ ಸಾಧನೆಗಳಿಗೆ ಜಾಹೀರಾತನ್ನು ಮೀಸಲಿಟ್ಟಿದೆ. ನವ ಕರ್ನಾಟಕ ನಿರ್ಮಾಣಕ್ಕೆ ಸದಾ ಸಿದ್ದ ಸರಕಾರ, ಸಿದ್ದರಾಮಯ್ಯ ಸರಕಾರ ಎನ್ನುವ ಜಾಹೀರಾತುಗಳು ಸಿನಿಮಾ ನೋಡಲು ಹೋದ ಮಂದಿಯ ಕಣ್ಣಿಗೆ ಬೀಳುತ್ತಿವೆ.
ಇನ್ನು ಬಿಜೆಪಿಯ ಜಾಹೀರಾತುಗಳು ಎನ್.ಡಿ.ಎ ನೇತೃತ್ವದ ಕೇಂದ್ರ ಸರಕಾರದ ಸಾಧನೆಗಳ ಸುತ್ತ ಗಿರಕಿ ಹೊಡೆಯುತ್ತಿವೆ. ಬೇಟಿ ಬಜಾವೋ - ಬೇಟಿ ಬಜಾವೋ, ಉಜಾಲ್, ಉಜ್ವಲ್ ಯೋಜನೆಗಳ ಜಾಹೀರಾತುಗಳು ಸಿನಿಮಾ ಮಂದಿರಗಳಲ್ಲಿ ಪ್ರಸಾರವಾಗುತ್ತಿವೆ.