ನಟಿ ಸಂಜನಾ ಮನವಿಗೆ ಸ್ಪಂದಿಸುವರೇ ಮೋದಿ?

| Updated: Saturday, July 26, 2014, 17:20 [IST]

ಬೆಂಗಳೂರು, ಜು 26: ದೇಶಾದ್ಯಂತ ಅವ್ಯಾಹತವಾಗಿ ಮುಂದುವರಿಯುತ್ತಿರುವ ಅತ್ಯಾಚಾರ ಪ್ರಕರಣಗಳ ಬಗ್ಗೆ ಗಂಡ ಹೆಂಡತಿ ಖ್ಯಾತಿಯ ನಟಿ ಸಂಜನಾ ಲೇಟಾದರೂ ಲೇಟೆಸ್ಟಾಗಿ ಧ್ವನಿ ಎತ್ತಿದ್ದಾರೆ. ಅಲ್ಲದೇ ಪ್ರಧಾನಿ ಮೋದಿಗೂ ಮನವಿ ಮಾಡಿದ್ದಾರೆ.

ಅತ್ಯಾಚಾರಿಗಳಿಗೆ ಕಠಿಣ ಶಿಕ್ಷೆಯಾಗುವಂತಹ ಕಾನೂನು ನಮ್ಮ ದೇಶದಲ್ಲಿ ಯಾಕೆ ಜಾರಿಗೆ ತರಲು ಸಾಧ್ಯವಿಲ್ಲ? ಈ ರೀತಿಯ ಕಾನೂನು ಜಾರಿಗೆ ಬಂದರೆ ಮಾತ್ರ ಕಾಮುಕರು ಪಾಠ ಕಲಿಯುವುದು ಎಂದು ಸಂಜನಾ ಟ್ವೀಟ್ ಮಾಡಿದ್ದಾರೆ.

ನನ್ನ ದೇಶದ ಬಗ್ಗೆ ನನಗೆ ಹೆಮ್ಮೆಯಿದೆ. ಕಾಮುಕರು ಬುದ್ದಿ ಕಲಿಯುವಂತಹ ಕಾನೂನು ನಮ್ಮಲ್ಲಿ ಇಲ್ಲದಿದ್ದರೆ ಹೊರ ದೇಶದಲ್ಲಿ ನಮ್ಮ ದೇಶವನ್ನು ಹೇಗೆ ಸಮರ್ಥಿಸಿಕೊಳ್ಳುವುದು ಎಂದು ಸಂಜನಾ ಬೇಸರ ವ್ಯಕ್ತ ಪಡಿಸಿದ್ದಾರೆ.

ಆರು ವರ್ಷದ ಬಾಲಕಿಯ ಮೇಲೆ ನಡೆದ ಅತ್ಯಾಚಾರದ ವಿಚಾರದಲ್ಲಿ ಆರೋಪ, ಪ್ರತ್ಯಾರೋಪ ಮಾಡುತ್ತಿರುವುದು ಮನಸ್ಸಿಗೆ ಬೇಸರ ತರುವ ಸಂಗತಿ ಎಂದು ಸಂಜನಾ ಟ್ವೀಟ್ ಮೂಲಕ ನೋವು ವ್ಯಕ್ತ ಪಡಿಸಿದ್ದಾರೆ.

ನರೇಂದ್ರ ಮೋದಿಗೆ ಟ್ವೀಟ್ ಸಂದೇಶ ಕಳುಹಿಸಿದ ಸಂಜನಾ. ಮುಂದೆ ಓದಿ..

ದೆಹಲಿಯ ನಿರ್ಭಯ ಪ್ರಕರಣ

ದೆಹಲಿಯಲ್ಲಿ ನಡೆದ ನಿರ್ಭಯ ಅತ್ಯಾಚಾರ ಪ್ರಕರಣದ ನಂತರ ನಮ್ಮ ಕಾನೂನು ಗಟ್ಟಿಯಾಗ ಬೇಕಿತ್ತು. ಪ್ರತೀ ದಿನ ಅತ್ಯಾಚಾರ ನಡೆಯುತ್ತಿರ ಬೇಕಾದರೆ ಜನತೆ ರಸ್ತೆಗಿಳಿದಿರುವುದಲ್ಲಿ ಯಾವ ತಪ್ಪಿದೆ ಎಂದು ಸಂಜನಾ ಪ್ರಶ್ನಿಸಿದ್ದಾರೆ.

ಬಾಲ ಕಾರ್ಮಿಕರು

ಬ್ರಿಗೇಡ್ ರಸ್ತೆ ಮುಂತಾದೆಡೆ ಮಕ್ಕಳು, ಮಕ್ಕಳನ್ನು ಬಳಸಿಕೊಂಡು ತಾಯಂದಿರು ಭಿಕ್ಷೆ ಬೇಡುವುದನ್ನು ನೋಡಿದರೆ ನೋವಾಗುತ್ತದೆ. ಬಾಲ ಕಾರ್ಮಿಕರಿಗೆ ಮತ್ತು ಮಕ್ಕಳು ಭಿಕ್ಷೆ ಬೇಡುವುದನ್ನು ನಿಷೇಧಿಸಬೇಕು ಎಂದು ಸಂಜನಾ ಟ್ವೀಟ್ ಮಾಡಿದ್ದಾರೆ.

"@narendramodi sir twitter was the only way I could reAch u and share my restless thoughts that ain't ... http://t.co/yKqLtkwmXA"
— Sanjjanaa Archana (@actressanjjanaa) July 25, 2014

ಮೋದಿಗೆ ಟ್ವೀಟ್ ಮಾಡಿದ ಸಂಜನಾ

ನರೇಂದ್ರ ಮೋದಿ ಸರ್ ಟ್ವಿಟರ್ ಮೂಲಕ ಮಾತ್ರ ನಾನು ನಿಮ್ಮನ್ನು ಸಂಪರ್ಕಿಸ ಬಹುದು ಮತ್ತು ನನ್ನ ನೋವನ್ನು ನಿಮಗೆ ತಿಳಿಸಬಹುದು ಎಂದು ಸಂಜನಾ ಪ್ರಧಾನಿ ಮೋದಿಗೆ ಸಂಜನಾ ಟ್ವೀಟ್ ಮಾಡಿದ್ದಾರೆ.

"@narendramodi I am aware that I'm a normal citizen & I'm not authorised to do so,but this is a request for an answer of the solution sir."
— Sanjjanaa Archana (@actressanjjanaa) July 25, 2014

ನನ್ನ ಟ್ವೀಟಿಗೆ ಉತ್ತರಿಸಿ

ನಾನೊಬ್ಬ ಸಾಮಾನ್ಯ ಪ್ರಜೆ ಎನ್ನುವುದು ನನಗೆ ಅರಿತಿದೆ. ಆದರೂ, ನನ್ನ ಟ್ವೀಟಿಗೆ ನೀವು ಉತ್ತರಿಸಬಹುದೆಂದು ಕಾಯುತ್ತಿದ್ದೇನೆ. ಅತ್ಯಾಚಾರ ಎನ್ನುವ ಪಿಡುಗು ಶಮನಕ್ಕೆ ನೀವು ದಿಟ್ಟ ಹೆಜ್ಜೆ ಇಡಿ ಎನ್ನುವುದು ನನ್ನ ಕೋರಿಕೆ ಎಂದು ಸಂಜನಾ ಟ್ವೀಟ್ ಮಾಡಿದ್ದಾರೆ.