ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಮಡಿಕೇರಿಯಲ್ಲಿ 52 ಅಡಿಯ ಬೃಹತ್ ಶಿವನ ಮೂರ್ತಿ ಪ್ರತಿಷ್ಠಾಪನೆ

By ಮೈಸೂರು ಪ್ರತಿನಿಧಿ
|
Google Oneindia Kannada News

ಮಡಿಕೇರಿ,ಮಾರ್ಚ್,04: ಓಂ ನಮಃ ಶಿವಾಯ, ಓಂ ನಮಃ ಶಿವಾಯ, ಶಿವಾಯ ನಮಃ ಎಂಬ ಉದ್ಘೋಷಗಳು, ಸಹಸ್ರಾರು ಭಕ್ತರಲ್ಲಿ ಮೈವೆತ್ತ ಎಲ್ಲಿಲ್ಲದ ಉತ್ಸಾಹ, ಇವರ ಭಕ್ತಿಪೂರ್ವಕ ನಮನ ಸ್ವೀಕರಿಸಿದ ಶಿವ ಧರೆಗಿಳಿರುವುದು ಮಾತ್ರ ಬಾಕಿ ಇತ್ತು. ಈ ದೃಶ್ಯ ಕಂಡು ಬಂದದ್ದು ಮಡಿಕೇರಿಯಲ್ಲಿ.

ನಗರದ ಹೊರವಲಯದಲ್ಲಿರುವ ಪುಣ್ಯಸ್ಥಳ ಕರ್ಣಂಗೇರಿ ಕ್ಷೇತ್ರ ಶ್ರೀ ರಾಜರಾಜೇಶ್ವರಿ ದೇವಾಲಯದಲ್ಲಿ 52ಅಡಿ ಎತ್ತರದ ಶಿವನ ಮೂರ್ತಿಯನ್ನು ಗುರುವಾರ ಪ್ರತಿಷ್ಠಾಪಿಸಲಾಗಿದ್ದು, ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ವೀರೇಂದ್ರ ಹೆಗ್ಗಡೆಯವರು ಸಾಂಪ್ರದಾಯಿಕ ಪೂಜಾ ಕೈಂಕರ್ಯದೊಂದಿಗೆ ಲೋಕಾರ್ಪಣೆ ಮಾಡಿದ್ದಾರೆ.[ಮಹಾಶಿವರಾತ್ರಿ : ಮಾ.4, 5ರಂದು ವಿಶೇಷ ಬಸ್ ಸೌಲಭ್ಯ]

52 feet tall Lord Shiva statue at Madikeri, Karnataka

ಶ್ರೀ ರಾಜರಾಜೇಶ್ವರಿ ದೇವಾಲಯದಲ್ಲಿ ಪ್ರತಿಷ್ಠಾಪಿಸಲಾದ ಈ ಶಿವನ ಮೂರ್ತಿಯನ್ನು ನಿರ್ಮಿಸಲು 19ಲಕ್ಷ ರೂ ತಗುಲಿದೆ. ಇದು ನಗರದ ಯುವ ಕಲಾವಿದ ಶಿಲ್ಪಿ ರವಿ ಅವರ ಕೈಚಳಕ, ತಾಳ್ಮೆಯಿಂದ ರೂಪಿತವಾಗಿದ್ದು, ಇದರ ರೂಪ, ರಚನೆಗೆ 10 ವರ್ಷ ತೆಗೆದುಕೊಳ್ಳಲಾಗಿದೆ.[ನಾಗೇಶ್ವರ, ಕಾಶಿ ವಿಶ್ವನಾಥ ಪೌರಾಣಿಕ ಹಿನ್ನೆಲೆ]

ಕಳೆದ ಮೂರು ವರ್ಷಗಳ ಹಿಂದೆ ಯುಗಾದಿಯಂದು ಪುಣ್ಯಕ್ಷೇತ್ರ ಕಾಶಿಯಿಂದ ಶಿವಲಿಂಗವನ್ನು ತಂದು ಭಕ್ತಾದಿಗಳ ಸಹಕಾರದಿಂದ ಪ್ರತಿಷ್ಠಾಪಿಸಲಾಗಿತ್ತು. ಈ ಸಂದರ್ಭದಲ್ಲಿ ಆಗಮಿಸಿದ ಸಹಸ್ರಾರು ಸಂಖ್ಯೆಯ ಭಕ್ತರು ಶಿವಮೂರ್ತಿಗೆ ನಮಸ್ಕರಿಸಿ ಧನ್ಯತಾ ಭಾವ ಅನುಭವಿಸಿದರು.[ನಂಜನಗೂಡು ದೇಗುಲದ ಕಿರಾತಾರ್ಜುನ ಮೂರ್ತಿಯ ಕಥೆ]

ಅಲ್ಲದೇ ಮಾರ್ಚ್ 7ರಂದು ಇರುವ ಮಹಾಶಿವರಾತ್ರಿ ಹಬ್ಬದ ಮೊದಲೇ ಶಿವಮೂರ್ತಿ ಪ್ರತಿಷ್ಠಾಪನೆಯಾಗಿರುವುದು ಮಡಕೇರಿ ಜನತೆಯ ಸಂತಸವನ್ನು ಇಮ್ಮಡಿಗೊಳಿಸಿದ್ದು, ಕಲಾವಿದ ರವಿಯವರನ್ನು ಜನ ಶ್ಲಾಘಿಸಿದರು.

English summary
This 52 feet tall Lord Shiva statue was unveiled by Dr. Veerendra heggade, Dharmasthala Dhramadikari at Madikeri, on Friday, March 04th. This statue was designed by Artist Ravi, Madikeri.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X