ಕರ್ನಾಟಕ: 2020ರಲ್ಲಿ ನಿವೃತ್ತರಾಗಲಿರುವ 12 ಐಪಿಎಸ್ ಅಧಿಕಾರಿಗಳು

ಬೆಂಗಳೂರು, ಜನವರಿ 03 : ಕರ್ನಾಟಕದಲ್ಲಿ ಕಾರ್ಯ ನಿರ್ವಹಣೆ ಮಾಡುತ್ತಿರುವ 12 ಐಪಿಎಸ್ ಅಧಿಕಾರಿಗಳು 2020ರಲ್ಲಿ ನಿವೃತ್ತರಾಗಲಿದ್ದಾರೆ. ಡಿಜಿ & ಐಜಿಪಿಯಾಗಿರುವ ನೀಲಮಣಿ ಎನ್. ರಾಜು ಅವರು ಸಹ ಜನವರಿ 31ಕ್ಕೆ ನಿವೃತ್ತರಾಗಲಿದ್ದಾರೆ.

2020ರ ವಿವಿಧ ತಿಂಗಳಿನಲ್ಲಿ ರಾಜ್ಯದ 12 ಐಪಿಎಸ್ ಅಧಿಕಾರಿಗಳು ನಿವೃತ್ತರಾಗಲಿದ್ದಾರೆ. ರಾಜ್ಯ ಪೊಲೀಸ್ ಮಹಾ ನಿರ್ದೇಶಕರು ನಿವೃತ್ತರಾಗಲಿದ್ದು, ಹೊಸ ಡಿಜಿ & ಐಜಿಪಿ ಆಯ್ಕೆಗೆ ಈಗಾಗಲೇ ಪ್ರಕ್ರಿಯೆಗಳನ್ನು ಆರಂಭಿಸಲಾಗಿದೆ.

ಕರ್ನಾಟಕ ಸರ್ಕಾರ ಕೇಂದ್ರ ಲೋಕಸಭಾ ಆಯೋಗಕ್ಕೆ ಮೂವರು ಐಪಿಎಸ್ ಅಧಿಕಾರಿಗಳ ಹೆಸರು ಶಿಫಾರಸು ಮಾಡಿದೆ. ಸೇವಾ ಹಿರಿತನದ ಆಧಾರದ ಮೇಲೆ ಹೊಸ ಡಿಜಿ & ಐಜಿಪಿ ನೇಮಕಾತಿ ನಡೆಯಲಿದ್ದು, ರಾಜ್ಯ ಪೊಲೀಸ್ ಇಲಾಖೆಯ ಉನ್ನತ ಸ್ಥಾನಕ್ಕೆ ಯಾರ ನೇಮಕವಾಗಲಿದೆ? ಎಂಬುದು ಕುತೂಹಲಕ್ಕೆ ಕಾರಣವಾಗಿದೆ.

ಆಂತರಿಕ ಭದ್ರತಾ ವಿಭಾಗದ ಡಿಜಿಪಿ ಎ. ಎಂ. ಪ್ರಸಾದ್, ಸಿಐಡಿಯ ಡಿಜಿಪಿ ಪ್ರವೀಣ್ ಸೂದ್ ಮತ್ತು ರಾಜ್ಯ ಪೊಲೀಸ್ ತರಬೇತಿ ವಿಭಾಗದ ಡಿಸಿಪಿ ಪದಮ್ ಕುಮಾರ್ ಗರ್ಗ್ ಹೆಸರನ್ನು ಡಿಜಿ & ಐಜಿಪಿ ಸ್ಥಾನಕ್ಕೆ ಶಿಫಾರಸು ಮಾಡಲಾಗಿದೆ.

ನೀಲಮಣಿ ಎನ್. ರಾಜು

* ಕರ್ನಾಟಕದ ಡಿಜಿ & ಐಜಿಪಿಯಾಗಿರುವ ನೀಲಮಣಿ ಎನ್. ರಾಜು ಅವರು ಜನವರಿ 31ಕ್ಕೆ ನಿವೃತ್ತರಾಗಲಿದ್ದಾರೆ. ರಾಜ್ಯದ ಮೊದಲ ಮಹಿಳಾ ಪೊಲೀಸ್ ಮಹಾ ನಿರ್ದೇಶಕಿ ಎಂಬ ಕೀರ್ತಿಗೆ ಅವರು ಪಾತ್ರರಾಗಿದ್ದಾರೆ.

* ಕಲಬುರಗಿ ಪೊಲೀಸ್ ಆಯುಕ್ತರಾಗಿರುವ ಎಂ. ಎನ್. ನಾಗರಾಜ್ 31/5/2020ಕ್ಕೆ ನಿವೃತ್ತರಾಗಲಿದ್ದಾರೆ.

* ಎಡಿಜಿಪಿಯಾಗಿರುವ ರವಿರಾಜ್ ಪ್ರತಾಪ್ ಶರ್ಮಾ 31/12/2020ರಂದು ನಿವೃತ್ತರಾಗಲಿದ್ದಾರೆ.

ಎಂ. ಎನ್. ರೆಡ್ಡಿ ನಿವೃತ್ತಿ

* ಗೃಹ ರಕ್ಷಕ ದಳದ ಡಿಜಿಪಿಯಾಗಿರುವ ಎಂ. ಎನ್. ರೆಡ್ಡಿ 31/1/2020ರಂದು ನಿವೃತ್ತರಾಗಲಿದ್ದಾರೆ. ಬೆಂಗಳೂರು ನಗರ ಪೊಲೀಸ್ ಆಯುಕ್ತರಾಗಿ, ಅಗ್ನಿ ಶಾಮಕ ದಳ ಮುಖ್ಯಸ್ಥರಾಗಿಯೂ ಅವರು ಕಾರ್ಯ ನಿರ್ವಹಣೆ ಮಾಡಿದ್ದಾರೆ.

* ಡಿಸಿಆರ್‌ಇ ಡಿಐಜಿಪಿ ಆಗಿರುವ ಮಂಜುನಾಥ ಅಣ್ಣಿಗೇರಿ 31/5/2020ಕ್ಕೆ ನಿವೃತ್ತರಾಗಲಿದ್ದಾರೆ.

* ಡಿಐಜಿಪಿ ಆಗಿರುವ ಟಿ. ಆರ್. ಸುರೇಶ್ 31/7/2020ರಂದು ನಿವೃತ್ತರಾಗಲಿದ್ದಾರೆ.

ರಾಘವೇಂದ್ರ ಔರಾದ್ಕರ್

* ಹೌಸಿಂಗ್ ಕಾರ್ಪೊರೇಷನ್ ಡಿಜಿಪಿಯಾಗಿರುವ ರಾಘವೇಂದ್ರ ಔರಾದ್ಕರ್ 31/1/2020ರಂದು ನಿವೃತ್ತರಾಗಲಿದ್ದಾರೆ.

* ಎಡಿಜಿಪಿ ಟಿ. ಸುನೀಲ್ ಕುಮಾರ್ 31/10/2020ರಂದು ನಿವೃತ್ತರಾಗಲಿದ್ದಾರೆ.

* ಪಿ. ರಾಜೇಂದ್ರ ಪ್ರಸಾದ್ 31/1/2020ರಂದು ನಿವೃತ್ತಿ

ಎನ್. ಎಸ್. ಮೇಘರಿಕ್ ನಿವೃತ್ತಿ

* ಬಂಧಿಖಾನೆ ಇಲಾಖೆ ಎಡಿಜಿಪಿ ಎನ್. ಎಸ್. ಮೇಘರಿಕ್ 31/7/2020ರಂದು ನಿವೃತ್ತರಾಗಲಿದ್ದಾರೆ.

* ಡಾ. ಎಸ್. ಪರಶಿವಮೂರ್ತಿ 30/9/2020ರಂದು ನಿವೃತ್ತಿ

* ಡಿಜಿಪಿಯಾಗಿರುವ ಆಶಿತ್ ಮೋಹನ್ ಪ್ರಸಾದ್ 31/10/2020 ನಿವೃತ್ತಿ

English summary

12 IPS officers inducing DG & IGP of Karnataka Neelamani Raju will retire in the year 2020. Who will new DG & IGP of Karnataka government proposed 3 names for the union government.