ಕಲಬುರಗಿಯಲ್ಲಿ ಗರ್ಭಿಣಿಯ ಹೋಂ ಕ್ವಾರಂಟೈನ್ ತಂದ ಆತಂಕ
ಕಲಬುರಗಿ, ಮೇ 23: ಗರ್ಭಿಣಿ ಎಂಬ ಕಾರಣಕ್ಕೆ ಮುಂಬೈನಿಂದ ಬಂದಿದ್ದ ಮಹಿಳೆಗೆ ಸಾಂಸ್ಥಿಕ ಕ್ವಾರಂಟೈನ್ ವಿಧಿಸದೇ ಹೋಂ ಕ್ವಾರಂಟೈನ್ ಹಾಕಿದ್ದೇ ಈಗ ಜಿಲ್ಲಾಡಳಿತಕ್ಕೆ ಆಘಾತ ನೀಡಿದೆ.
Recommended Video
ತರಕಾರಿಯಿಂದಲು
ಹಬ್ಬುತ್ತಿದೆ
ಕೊರೋನಾ
ಮಹಾಮಾರಿ!!
ಎಚ್ಚರ!!
|
Oneindia
Kannada
ಕಲಬುರಗಿಯಲ್ಲಿ ಮುಂಬೈನಿಂದ ವಾಪಸ್ ಆಗಿದ್ದ 22 ವರ್ಷದ ಗರ್ಭಿಣಿಯಲ್ಲಿ ಕೊರೊನಾ ಪಾಸಿಟಿವ್ ವರದಿ ಬಂದಿದೆ. ಗರ್ಭಿಣಿ ಎಂಬ ಕಾರಣಕ್ಕೆ ಮನೆಯಲ್ಲೇ ಕ್ವಾರಂಟೈನ್ ವಿಧಿಸಿದ್ದು, ಈ ಮಹಿಳೆಯಿಂದ ಅದೆಷ್ಟು ಜನರಿಗೆ ಕೊರೊನಾ ಹರಡಿದೆಯೋ ಎಂಬ ಆತಂಕ ಎದುರಾಗಿದೆ.
ಮುಂಬೈನಿಂದ ಕಲಬುರಗಿಗೆ ಸಾವಿರಾರು ಜನ: ಗಡಿಯಲ್ಲಿ ಢವ ಢವ
ಕಲಬುರಗಿ ಜಿಲ್ಲೆಯ ಜೇವರ್ಗಿ ತಾಲ್ಲೂಕಿನ ಯಾಳವಾರ ಗ್ರಾಮಕ್ಕೆ ಮುಂಬೈನಿಂದ ಇವರು ವಾಪಸ್ಸಾಗಿದ್ದರು. ನಂತರ ಹೋಮ್ ಕ್ವಾರೆಂಟೈನ್ ನಲ್ಲಿದ್ದು, ಆಕೆ ತಾನಿದ್ದ ಸುತ್ತಮುತ್ತಲ ಪ್ರದೇಶದಲ್ಲೂ ಓಡಾಡಿದ್ದಾರೆ. ಹೀಗಾಗಿ ಆಕೆಯ ಮನೆಯವರು ಸೇರಿ ಆ ಗ್ರಾಮದ ಜನರಲ್ಲೂ ಭೀತಿ ಶುರುವಾಗಿದೆ. ಸದ್ಯಕ್ಕೆ ಮಹಿಳೆಯ ಪ್ರಾಥಮಿಕ ಸಂಪರ್ಕದಲ್ಲಿದ್ದ ಎಂಟು ಜನರ ಗಂಟಲು ದ್ರವದ ಮಾದರಿಯನ್ನು ಸಂಗ್ರಹಿಸಲಾಗಿದೆ.
ಈ ನಡುವೆ ಜಿಲ್ಲೆಯಲ್ಲಿ ಇಂದು ಇಬ್ಬರು ಕೊರೊನಾ ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಜಿಲ್ಲೆಯಲ್ಲಿ ಇಲ್ಲಿಯವರೆಗೆ 60 ಜನರು ಗುಣಮುಖರಾಗಿದ್ದು, 134 ಕೊರೊನಾ ಪಾಸಿಟಿವ್ ಪ್ರಕರಣಗಳಲ್ಲಿ 7 ಜನ ಬಲಿಯಾಗಿದ್ದಾರೆ. ಇನ್ನೂ 67 ಜನರಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.
Comments
English summary
Pregnant who is in home quarantine reported coronavirus positive today. It has created fear among jevargi village in kalaburagi,