ಮರುಮದುವೆಗೆ ಒಪ್ಪದ ವಿಧವೆ ಸೊಸೆಯ ಮೂಗು, ನಾಲಿಗೆ ಕೊಯ್ದ ಪಾಪಿಗಳು
ಜೈಪುರ, ನವೆಂಬರ್ 18: ಮರುಮದುವೆಗೆ ಒಪ್ಪದ ಸೊಸೆಯ ಮೂಗು, ನಾಲಿಗೆಯನ್ನು ಕತ್ತರಿಸಿ ಗಂಡನ ಮನೆಯವರು ಕ್ರೂರತೆಯನ್ನು ಪ್ರದರ್ಶಿಸಿದ್ದಾರೆ.
ಈ ಘಟನೆ ರಾಜಸ್ಥಾನದ ಜೈಸಲ್ಮೇರ್ನಲ್ಲಿ ನಡೆದಿದೆ. 30 ವರ್ಷದ ವಿಧವೆಯ ಗಂಟನೆ ಮನೆಯವರು ಆಕೆಗೆ ಮತ್ತೊಂದು ಮದುವೆಯಾಗುವಂತೆ ಒತ್ತಡ ಹೇರಿದ್ದರು, ಆದರೆ ಆ ಮದುವೆಯಾಗಲು ನಿರಾಕರಿಸಿದ ಸೊಸೆಯನ್ನು ಥಳಿಸಿ ಆಕೆಯ ಮೂಗು ಮತ್ತು ನಾಲಿಗೆಯನ್ನು ಕತ್ತರಿಸಿದ್ದರು.
ಸುಮಾರು 50 ಮಕ್ಕಳ ಮೇಲೆ ಲೈಂಗಿಕ ದೌರ್ಜನ್ಯ: ಎಂಜಿನಿಯರ್ ಬಂಧನ
ಮಂಗಳವಾರ ಈ ಘಟನೆ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ, ಮಹಿಳೆಯನ್ನು ಜೋಧ್ಪುರದ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಜಾನು ಖಾನ್ ಎಂಬುವವರನ್ನು ಬಂಧಿಸಲಾಗಿದೆ. ಇನ್ನಿಬ್ಬರು ಆರೋಪಿಗಳನ್ನು ಪತ್ತೆ ಹಚ್ಚಲಾಗುತ್ತಿದೆ ಎಂದು ಪೊಲೀಸ್ ಅಧಿಕಾರಿ ಪೋಕರಮ್ ತಿಳಿಸಿದ್ದಾರೆ.
ಆಕೆಯ ಮನೆಯವರು ಅವರ ಸಂಬಂಧಿಕರಿಗೆ ಕೊಟ್ಟು ಮರು ಮದುವೆ ಮಾಡಲು ಹೊರಟಿದ್ದರು. ಅದು ಆಕೆಗೆ ಇಷ್ಟವಿರಲಿಲ್ಲ. ಹರಿತವಾದ ಆಯುಧದಿಂದ ಆಕೆಯ ನಾಲಿಗೆ ಹಾಗೂ ಮೂಗನ್ನು ಕೊಯ್ದಿದ್ದಾರೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.