ಹೆರಿಗೆ ಸಮಯದಲ್ಲಿ ಗರ್ಭದಲ್ಲೇ ಉಳಿದ ಶಿಶುವಿನ ತಲೆ: ನರ್ಸ್ ಅಚಾತುರ್ಯ!
ರಾಮಗರ್(ರಾಜಸ್ಥಾನ), ಜನವರಿ 11: ನರ್ಸ್ ವೊಬ್ಬರ ಅಚಾತುರ್ಯದಿಂದ ಹೆರಿಗೆಯ ಸಮಯದಲ್ಲಿ ಮಗಿವಿನ ದೇಹ ತುಂಡಾಗಿ, ತಲೆ ತಾಯಿಯ ಗರ್ಭದಲ್ಲೇ ಉಳಿದ ಹೃದಯವಿದ್ರಾವಕ, ಆಘಾತಕಾರಿ ಘಟನೆ ರಾಜಸ್ಥಾನದ ರಾಮಗರ್ ನಲ್ಲಿ ನಡೆದಿದೆ.
ಭಾರತ್ ಬಂದ್: ಕುಡಚಿ ಬಳಿ ರೈಲಿನಲ್ಲೇ ಮಗುವಿಗೆ ಜನ್ಮ ನೀಡಿದ ಮಹಾತಾಯಿ
ಜನವರಿ 6 ರಂದೇ ಈ ಘಟನೆ ನಡೆದಿದ್ದು ತಡವಾಗಿ ಬೆಳಕಿಗೆ ಬಂದಿದೆ. ಗರ್ಭಿಣಿಯೊಬ್ಬರು ಹೆರಿಗೆಗೆಂದು ರಾಮಗರದ ಸರ್ಕಾರಿ ಆಸ್ಪತ್ರೆಯೊಂದರಲ್ಲಿ ದಾಖಲಾಗಿದ್ದರು. ಜನವರಿ 6 ರಂದು ಹೆರಿಗೆಯ ಸಮಯದಲ್ಲಿ ಮಗುವನ್ನು ತಾಯಿಯ ಗರ್ಭದಿಂದ ಹೊರತೆಗೆಯುವಾಗ ಪುರುಷ ನರ್ಸ್ ವೊಬ್ಬರು ತೀರಾ ಒರಟಾಗಿ ಮಗುವಿನ ದೇಹವನ್ನು ಎಳೆದ ಪರಿಣಾಮ ಮಗುವಿನ ತಲೆ ಮತ್ತು ಕತ್ತಿನ ಕೆಳಭಾಗಗಳು ಬೇರೆ ಬೇರೆಯಾಗಿ, ತಲೆ ತಾಯಿಯ ಗರ್ಭದಲ್ಲೇ ಉಳಿದುಕೊಂಡಿತ್ತು.
ರಸ್ತೆಯಲ್ಲೇ ಹೆರಿಗೆ: ವಿಡಿಯೋವಾದರೂ ಅಧಿಕಾರಿಗಳ ಮನಕಲಕಲಿ!
ನರ್ಸ್ ಮಾಡಿದ ಈ ಅಚಾತುರ್ಯ ಮತ್ತು ನಿರ್ಲಕ್ಷ್ಯದಿಂದಾಗಿ ಆಸ್ಪತ್ರೆ ವಿರುದ್ಧ ರಾಜ್ಯ ಮಾನವ ಹಕ್ಕು ಆಯೋಗ ಸ್ವಯಂ ಪ್ರೇರಿತ ದೂರು ದಾಖಲಿಸಿಕೊಂಡಿದೆ.
ಘಟನೆಯ ನಂತರ ಮಹಿಳೆ ಮತ್ತು ಆಕೆಯ ಕುಟುಂಬಸ್ಥರ ಬಳಿ ಬಂದು ಹೆಚ್ಚಿನ ಚಿಕಿತ್ಸೆಗೆಂದು ಜೈಶಲ್ಮೇರ್ ಗೆ ತೆರಳುವಂತೆ ಈ ನರ್ಸ್ ಹೇಳಿದ್ದಾರೆ. ಹೆರಿಗೆ ತಜ್ಞರ ಬಳಿ ಹೋಗಿ ಹೆರಿಗೆಯನ್ನು ಮುಗಿಸಿದ್ದೇವೆ ಎಂದು ಸಹ ಹೇಳಿಕೊಂಡಿದ್ದಾರೆ.
ತನ್ನ ಹೆರಿಗೆಗೆ ಸೈಕಲ್ ಏರಿ ಆಸ್ಪತ್ರೆಗೆ ತೆರಳಿದ ಸಚಿವೆಯ ಸಾಹಸ ನೋಡಿ!
ಈ ಹೇಯಕೃತ್ಯಕ್ಕೆ ನರ್ಸ್ ಗೆ ಕಠಿಣ ಶಿಕ್ಷೆಯಾಗಬೇಕೆಂದು ಮಹಿಳೆಯ ಕುಟುಂಬಸ್ಥರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.