ಈ ಪುಟಾಣಿ ಗ್ಲೋರಿಯಸ್ ಚಾಕಲೇಟ್ ಬೆಲೆ ಎಷ್ಟು ಗೊತ್ತಾ?
ಒಬಿಡೋಸ್ (ಪೋರ್ಚುಗಲ್), ಮಾರ್ಚ್ 24 : ಚಾಕಲೇಟ್ ಹೆಸರು ಕೇಳಿದರೇನೇ ಅಬಾಲವೃದ್ಧರೆಲ್ಲರ ಬಾಯಲ್ಲಿ ನೀರೂರಲು ಪ್ರಾರಂಭಿಸುತ್ತದೆ. ಅದರಲ್ಲೂ, ವಿದೇಶದಿಂದ ತಂದಿರುವ, ಸ್ವಲ್ಪ ದುಬಾರಿ ಚಾಕಲೇಟುಗಳನ್ನು ತಿನ್ನುವುದೆಂದರೆ ಅದೇನೋ ಪ್ರೀತಿ.
ವಿಧಾನಸಭೆ ಚುನಾವಣೆ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ | ಯಾವ ಪಕ್ಷಕ್ಕೆಷ್ಟು ಸೀಟು? ನೀವೇ ಊಹಿಸಿ
ಚಾಕಲೇಟು ಎಷ್ಟೇ ದುಬಾರಿಯಾಗಿರಲಿ ತಿನ್ನಲೇಬೇಕೆನ್ನಿಸಿದರೆ ಇಲ್ಲೊಂದು 'ಗ್ಲೋರಿಯಸ್' ಎಂಬ ಚಾಕಲೇಟು ತಯಾರಾಗಿದೆ. ಒಂದು ಕೈ ನೋಡೇಬಿಡೋಣ ಎಂದು ಅಂದುಕೊಂಡವರು ವಿಮಾನ ಹತ್ತಿ ಪೋರ್ಚುಗಲ್ಲಿಗೆ ಬರಬೇಕು.
ವಿಶ್ವ ಚಾಕೋಲೇಟ್ ದಿನ: ಚಾಕೋಲೇಟ್ ಸೇವನೆಯಿಂದಾಗುವ 5 ಲಾಭ
ಜಗತ್ತಿನ ಅತ್ಯಂತ ದುಬಾರಿಯಾದ ಚಾಕಲೇಟನ್ನು ಇಲ್ಲಿ ನಡೆಸಲಾಗುತ್ತಿರುವ ಚಾಕಲೇಟ್ ಉತ್ಸವದಲ್ಲಿ ಪ್ರದರ್ಶನಕ್ಕಿಡಲಾಗಿದೆ. ಅದರ ಬೆಲೆ ಜಾಸ್ತಿಯೇನಿಲ್ಲ, ಕೇವಲ 7,728 ಯೂರೋಸ್, ಅಂದ್ರೆ ಅಂದಾಜು 6 ಲಕ್ಷ ರುಪಾಯಿಗಳು ಅಷ್ಟೇ.
23 ಕ್ಯಾರಟ್ ಚಿನ್ನದ ಲೇಪವಿರುವ ಈ ಚಾಕಲೇಟು ಜಗತ್ತಿನ ಅತ್ಯಂತ ದುಬಾರಿ ಚಾಕಲೇಟ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಕೇಸರಿ ಎಸಳು, ವೈಟ್ ಟ್ರಫಲ್, ಮಡಗಾಸ್ಕರ್ನ ವೆನಿಲ್ಲಾ ಮತ್ತು ಚಿನ್ನದ ಫ್ಲೇಕ್ ಗಳನ್ನು ಈ ಚಾಕಲೇಟು ಹೊಂದಿದೆಯಂತೆ.
ಇದನ್ನು ತಯಾರಿಸಿರುವ ಡೇನಿಯೆಲ್ ಗೋಮ್ಸ್ ಎಂಬಾತ ಕಳೆದ ಒಂದು ವರ್ಷದಿಂದಲೇ ಈ ಚಾಕಲೇಟಿನ ತಯಾರಿಯಲ್ಲಿದ್ದರಂತೆ. ನೋಡಲು ಮಾತ್ರ ಅತ್ಯಂತ ಸುಂದರ ಮತ್ತು ಅತ್ಯಂತ ಮುದ್ದಾಗಿದೆ ಈ ಬಾನ್ಬಾನ್ ಚಾಕಲೇಟು. ನೋಡಲು ಇಷ್ಟೇ ಕಂಡರೂ ಒಮ್ಮೆಲೇ ಗುಳುಂ ಅನ್ನಿಸುವ ಹಾಗೂ ಇಲ್ಲ. ಇಷ್ಟಿಷ್ಟೇ ಇಷ್ಟಿಷ್ಟೇ ಸವಿಯಬೇಕು, 6 ಲಕ್ಷ ರುಪಾಯಿ ಕೊಟ್ಟಿರ್ತೀರಲ್ಲ!