• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ತುರ್ತು ಬಳಕೆಗಾಗಿ ಚೀನಾದ ಸಿನೊಫಾರ್ಮ್ ಕೊರೊನಾ ಲಸಿಕೆಗೆ WHO ಅನುಮೋದನೆ

|

ಬೀಜಿಂಗ್, ಮೇ 8: ಚೀನಾದ ಸಿನೊಫಾರ್ಮ್ ಕೋವಿಡ್-19 ಲಸಿಕೆಯ ತುರ್ತು ಬಳಕೆಗಾಗಿ ವಿಶ್ವ ಆರೋಗ್ಯ ಸಂಸ್ಥೆ (WHO) ಶುಕ್ರವಾರ ಷರತ್ತು ಬದ್ಧ ಅನುಮೋದನೆ ನೀಡಿದ್ದು, ಇದರಿಂದ ಚೀನಾ ದೇಶದ ಲಸಿಕೆಗೆ ದೊಡ್ಡ ರಿಲೀಫ್ ಸಿಕ್ಕಂತಾಗಿದೆ.

WHO ಅನುಮೋದನೆ ನೀಡಿರುವುದು ಹಲವಾರು ದೇಶಗಳಲ್ಲಿ ಕೊರೊನಾ ವೈರಸ್ ಲಸಿಕೆಗಳ ಹೆಚ್ಚಳದ ಮಧ್ಯೆ ಬೀಜಿಂಗ್ ತನ್ನ ಲಸಿಕೆಯ ಮೂಲಕ ರಾಜತಾಂತ್ರಿಕತೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಚೀನಾದ ತನ್ನ ಐದು ಲಸಿಕೆಗಳನ್ನು ತುರ್ತು ಬಳಕೆಗಾಗಿ ಅನುಮೋದಿಸಿದ್ದು, ವಿಶೇಷವಾಗಿ ಸಿನೊಫಾರ್ಮ್ ಮತ್ತು ಸಿನೋವಾಕ್ ಲಸಿಕೆಗಳನ್ನು ದೇಶ ಮತ್ತು ವಿದೇಶಗಳಲ್ಲಿ ಬಳಸಲಾಗುತ್ತಿದೆ.

ಅಧಿಕೃತ ಮಾಧ್ಯಮ ವರದಿಗಳ ಪ್ರಕಾರ, ಸಿನೋಫಾರ್ಮ್ ಲಸಿಕೆಯನ್ನು 45 ದೇಶಗಳು ಮತ್ತು ವಯಸ್ಕರಲ್ಲಿ ಬಳಸುತ್ತಿದ್ದು, 65 ದಶಲಕ್ಷ ಪ್ರಮಾಣವನ್ನು ಈಗಾಗಲೇ ನೀಡಲಾಗಿದೆ. ಆದರೆ ಸಿನೋಫಾರ್ಮ್ ಲಸಿಕೆ ವಿಶ್ವ ಆರೋಗ್ಯ ಸಂಸ್ಥೆಯಿಂದ ಮಾನ್ಯತೆ ಪಡೆಯದ ಕಾರಣ ಅನೇಕ ದೇಶಗಳು ಅದನ್ನು ಬಳಸಲು ಹಿಂಜರಿಯುತ್ತಿದ್ದವು.

WHO ಫಿಜರ್/ ಬಯೋಟೆಕ್, ಅಸ್ಟ್ರಾಜೆನೆಕಾ-ಎಸ್ಕೆ ಬಯೋ, ಸೀರಮ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ, ಜಾನ್ಸನ್ ಲಸಿಕೆಗಳನ್ನು ತುರ್ತು ಬಳಕೆಗಾಗಿ ಪಟ್ಟಿ ಮಾಡಿದ್ದರೆ, ದತ್ತಾಂಶ ಸಂಬಂಧಿತ ಸಮಸ್ಯೆಗಳಿಂದಾಗಿ ಚೀನಾದ ಲಸಿಕೆಗೆ ಮಾನ್ಯತೆ ನೀಡಿವುದು ವಿಳಂಬವಾಯಿತು.

ವಿವಿಧ ದೇಶಗಳಿಗೆ ಲಸಿಕೆಯನ್ನು ಪರಿಣಾಮಕಾರಿಯಾಗಿ ರಫ್ತು ಮಾಡಲು ವಿಶ್ವ ಆರೋಗ್ಯ ಸಂಸ್ಥೆಯ ಅಂಗೀಕಾರಕ್ಕಾಗಿ ಚೀನಾ ಕಾಯುತ್ತಿತ್ತು. ಜಿನೀವಾದಲ್ಲಿನ ಡಬ್ಲ್ಯುಎಚ್ಒ ಶುಕ್ರವಾರ ಬಿಡುಗಡೆ ಮಾಡಿದ ಪತ್ರಿಕಾ ಪ್ರಕಟಣೆಯಲ್ಲಿ ಸಿನೊಫಾರ್ಮ್ ಕೋವಿಡ್-19 ಲಸಿಕೆ ತುರ್ತು ಬಳಕೆಗಾಗಿ ಪಟ್ಟಿಮಾಡಿದೆ. ವಿಶ್ವ ಆರೋಗ್ಯ ಸಂಸ್ಥೆಯಿಂದ ಅಂಗೀಕಾರ ಪಡೆದ ಚೀನಾದ ಮೊದಲ ಲಸಿಕೆಯಾಗಿದ್ದು, ಈ ಲಸಿಕೆಯನ್ನು ಜಾಗತಿಕವಾಗಿ ಹೊರತರಲು ಗ್ರೀನ್ ಸಿಗ್ನಲ್ ನೀಡಲಾಗಿದೆ.

ಚೀನಾ ನ್ಯಾಷನಲ್ ಬಯೋಟೆಕ್ ಗ್ರೂಪ್ (ಸಿಎನ್‌ಬಿಜಿ)ನ ಅಂಗಸಂಸ್ಥೆಯಾದ ಬೀಜಿಂಗ್ ಬಯೋ-ಇನ್‌ಸ್ಟಿಟ್ಯೂಟ್ ಆಫ್ ಬಯೋಲಾಜಿಕಲ್ ಪ್ರಾಡಕ್ಟ್ಸ್ ಕೋ ಲಿಮಿಟೆಡ್ ಸಿನೊಫಾರ್ಮ್ ಲಸಿಕೆಯನ್ನು ಉತ್ಪಾದಿಸುತ್ತಿದೆ. ಎರಡು ಜಬ್ ಲಸಿಕೆ SARS-CoV-2 ಲಸಿಕೆ (ವೆರೋ ಸೆಲ್) ಎಂಬ ನಿಷ್ಕ್ರಿಯ ಲಸಿಕೆ. ಇದರ ಸುಲಭವಾದ ಶೇಖರಣಾ ಅವಶ್ಯಕತೆಗಳು ಕಡಿಮೆ-ಸಂಪನ್ಮೂಲ ಸೆಟ್ಟಿಂಗ್‌ಗಳಿಗೆ ಇದು ಹೆಚ್ಚು ಸೂಕ್ತವಾಗಿದೆ ಎಂದು WHO ಪತ್ರಿಕಾ ಪ್ರಕಟಣೆ ತಿಳಿಸಿದೆ.

ಅಭಿವೃದ್ಧಿಶೀಲ ರಾಷ್ಟ್ರಗಳಿಗೆ ಲಸಿಕೆ ವಿತರಿಸಲು ಯುಎನ್ ಬೆಂಬಲಿತ ಕೋವಾಕ್ಸ್ ಸೌಲಭ್ಯಕ್ಕೆ 10 ಮಿಲಿಯನ್ ಲಸಿಕೆಗಳನ್ನು ನೀಡಲು ಚೀನಾ ಬದ್ಧವಾಗಿದೆ. ಆದರೆ ಅದರ ಲಸಿಕೆಗಳಿಗೆ WHO ಅನುಮೋದನೆ ಅಗತ್ಯವಿರುವುದರಿಂದ ಅದನ್ನು ತಲುಪಿಸಲು ಸಾಧ್ಯವಾಗಿರಲಿಲ್ಲ. ಕಡಿಮೆ ಆದಾಯದ 92 ದೇಶಗಳಿಗೆ ಲಸಿಕೆಗಳನ್ನು ಉಚಿತವಾಗಿ ಕಳುಹಿಸಲು ಮತ್ತು ಇನ್ನೂ 99 ದೇಶಗಳು ಮತ್ತು ಪ್ರಾಂತ್ಯಗಳು ಲಸಿಕೆ ಕೊಳ್ಳಲು ಸಹಾಯ ಮಾಡಲು ಕೋವಾಕ್ಸ್ ಉದ್ದೇಶಿಸಿದೆ.

English summary
WHO on Friday approved conditional sanction for China's Sinoform COVID-19 vaccine, giving in China a huge relief.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X