ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಭಯ ಹುಟ್ಟಿಸುವ ಮೆಕ್ಸಿಕೋ ಭೂಕಂಪದ ವೈರಲ್ ವಿಡಿಯೋ

|
Google Oneindia Kannada News

ಮೆಕ್ಸಿಕೋ, ಸೆಪ್ಟೆಂಬರ್ 8: ಮೆಕ್ಸಿಕೋದ ದಕ್ಷಿಣ ಕರಾವಳಿಯಲ್ಲಿ ಸಂಭವಿಸಿದ 8.0 ತೀವ್ರತೆಯ ಭೀಕರ ಭೂಕಂಪದ ಕೆಲವು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.

ದೀಪದ ಕಂಬಗಳು ಉಯ್ಯಾಲೆಯಂತೆ ತೂಗುತ್ತಿರುವ ದೃಶ್ಯ, ಆಕಾಶದ ತುಂಬ ವಿಲಕ್ಷಣ ಮಿಂಚು ತುಂಬಿರುವ ದೃಶ್ಯ, ಅಟ್ಟಿಸಿಕೊಂಡು ಬರುವ ಬಿರುಗಾಳಿಯಿಂದ ತಪ್ಪಿಸಿಕೊಳ್ಳೋದಕ್ಕೆ ಜನರು ಓಡುತ್ತಿರುವ ದೃಶ್ಯ, ಬೆಂಕಿಯುಗುಳುವ ವಿದ್ಯುತ್ ತಂತಿಯ ದೃಶ್ಯ ಇತ್ಯಾದಿ ದೃಶ್ಯಗಳು ಮೆಕ್ಸಿಕೋ ಭೂಕಂಪದ ತೀವ್ರತೆಯನ್ನು ವ್ಯಕ್ತಪಡಿಸಿವೆ.

ಮೆಕ್ಸಿಕೋ ಕಾಲಮಾನದ ಪ್ರಕಾರ ಗುರುವಾರ ರಾತ್ರಿ 9:49 ಕ್ಕೆ ಭೂಕಂಪ ಸಂಭವಿಸಿದ್ದು ಯಾವುದೇ ಸಾವು ನೋವಿನ ವರದಿಯಾಗಿಲ್ಲ. ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.

ಮೆಕ್ಸಿಕೋದಲ್ಲಿ ಭೀಕರ ಭೂಕಂಪ:ರಿಕ್ಟರ್ ಮಾಪನದಲ್ಲಿ 8.0 ತೀವ್ರತೆ ದಾಖಲುಮೆಕ್ಸಿಕೋದಲ್ಲಿ ಭೀಕರ ಭೂಕಂಪ:ರಿಕ್ಟರ್ ಮಾಪನದಲ್ಲಿ 8.0 ತೀವ್ರತೆ ದಾಖಲು

ಇಲ್ಲಿನ ಹವಾಮಾನ ಇಲಾಖೆ ಸುನಾಮಿ ಮುನ್ಸೂಚನೆಯನ್ನೂ ನೀಡಿದ್ದು, ಕೆಲವು ಮಾಧ್ಯಮಗಳು ರಿಕ್ಟರ್ ಮಾಪನದಲ್ಲಿ 8.4 ಭೂಕಂಪ ತೀವ್ರತೆ ದಾಖಲಾಗಿದೆ ಎಂದೂ ಉಲ್ಲೇಖಿಸಿವೆ. ನಿಖರ ಮಾಹಿತಿ ಲಭ್ಯವಾಗಿಲ್ಲ. ಆದರೆ ಭೂಕಂಪದ ಕೆಲವು ಭಯಾನಕ ವಿಡಿಯೋಗಳಂತೂ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ ಹರಿದಾಡುತ್ತಿವೆ. ಅವುಗಳಲ್ಲಿ ಕೆಲವು ವಿಡಿಯೋ ಇಲ್ಲಿವೆ.

ಅಲುಗಾಡಿದ ಏಂಜೆಲ್ ಆಫ್ ಇಂಡಿಪೆಂಡೆನ್ಸ್ ಕಟ್ಟಡ

ಮೆಕ್ಸಿಕೋದ ಪ್ರಸಿದ್ಧ ತಾಣವಾದ ಏಂಜೆಲ್ ಆಫ್ ಇಂಡಿಪೆಂಡೆನ್ಸ್ ಕಟ್ಟಡ ಭೂಕಂಪದ ತೀವ್ರತೆಗೆ ಅಲುಗಾಡುತ್ತಿದ್ದುದು ಕಂಡುಬಂತು.

ಉಯ್ಯಾಲೆಯಾಡುತ್ತಿರುವ ದೀಪದ ಕಂಬಗಳು

ಫ್ಲೈ ಓವರ್ ಮೇಲಿನ ದೀಪದ ಕಂಬಗಳು ಜೋಕಾಲಿಯಂತೆ ಅಲ್ಲಾಡುತ್ತಿದ್ದ ದೃಶ್ಯ ಭೂಕಂಪದ ತೀವ್ರತೆಯನ್ನು ಅರ್ಥ ಮಾಡಿಸುತ್ತಿದೆ.

ಭೂಕಂಪದದಿಂದಾಗಿ ಬೆಂಕಿಯುಗುಳುತ್ತಿರುವ ವಿದ್ಯುತ್ ತಂತಿಯ ವಿಡಿಯೋ.

ಭೂಕಂಪದದಿಂದಾಗಿ ಬೆಂಕಿಯುಗುಳುತ್ತಿರುವ ವಿದ್ಯುತ್ ತಂತಿಯ ವಿಡಿಯೋ.

ರುದ್ರರಮಣೀಯತೆ

ಭೂಕಂಪದ ಸಮಯದಲ್ಲಿ ಆಕಾಶದ ತುಂಬ ತುಂಬಿದ್ದ ಮಿಂಚಿನ ದೃಶ್ಯ ನೋಡುವುದಕ್ಕೆ ರಮಣೀಯವಾದರೂ ಅದು ಭೂಕಂಪದ ಮುನ್ಸೂಚನೆಯಾಗಿತ್ತು ಎಂಬುದು ಅಲ್ಲಿನ ಯಾರಿಗೂ ಗೊತ್ತಾಗಿರಲಿಲ್ಲ!

ಅಟ್ಟಿಸಿಕೊಂಡು ಬರುವ ಬಿರುಗಾಳಿ

ಭೂಕಂಪಕ್ಕೆ ಹೆದರಿ ಜನರು ಮನೆಯಿಂದ ರಸ್ತೆಗೆ ಓಡಿಬರುತ್ತಿದ್ದ ದೃಶ್ಯವಂತೂ ಮಾಮೂಲೆನ್ನಿಸಿತ್ತು. ಬಿರುಗಾಳಿಗೆ ಅಂಜಿ ರಸ್ತೆಯಲ್ಲಿ ಓಡುತ್ತಿದ್ದ ಜನರನ್ನೂ ಬಿರುಗಾಳಿ ಅಟ್ಟಿಸಿಕೊಂಡು ಬರುತ್ತಿದ್ದ ದೃಶ್ಯ ಮೆಕ್ಸಿಕೋ ಜನರ ಸಂಕಟದ ಕತೆ ಹೇಳುವಂತಿತ್ತು!

English summary
A magnitude 8.0 earthquake has struck off the southern coast of Mexico, triggering a tsunami warning. No casualties reported. Here are some viral videos of the earthquake.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X