ವೈರಲ್ ವಿಡೀಯೋ: ವಿಮಾನದಿಂದ ಉದುರುವ ಮೀನುಗಳು, ಇದು ಪವಾಡವಲ್ಲ!
ನೀವು ಜಗತ್ತಿನ ಅತ್ಯಂತ ಸುಂದರ ಪರ್ವತ ಸರೋವರದ ತಾಣವೊಂದಕ್ಕೆ ತೆರಳಿದ್ದೀರಿ ಅಂದುಕೊಳ್ಳಿ. ನಿಂತು ಆ ಪರ್ವತದ, ಸರೋವರದ ಮೋಹಕತೆಯನ್ನು ಕಣ್ತುಂಬಿಸಿಕೊಳ್ಳುತ್ತಿರುವಾಗ ಗಗನದಲ್ಲಿ ಎಲ್ಲಿಂದಲೋ ಬಂದ ವಿಮಾನವೊಂದು ರಾಶಿ ರಾಶಿ ಮೀನುಗಳನ್ನು ಆ ಸರೋವರಕ್ಕೆ ನಿಮ್ಮೆದುರಲ್ಲೇ ಉದುರಿಸಿ ಹೋಗುತ್ತದೆ! ಇದೇನಿದು? ದೇವಕನ್ಯೆಯರಿದ್ದ ಪುಷ್ಪಕ ವಿಮಾನದಲ್ಲಿ ನಡೆದ ಪವಾಡವೇ ಎಂದೆಲ್ಲ ಯೋಚಿಸುವುದಕ್ಕೆ ಶುರುವಿಟ್ಟರೆ ಅಚ್ಚರಿಯೇನಿಲ್ಲ!
ವಿಶ್ವ ಜೀವವೈವಿಧ್ಯ ದಿನ: ನಿಸರ್ಗ ಎಂಬ ವಿಸ್ಮಯದ ಗೂಡು
ಆದರೆ ಇದರಲ್ಲಿ ಪವಾಡವೂ ಇಲ್ಲ, ಎಂಥದೂ ಇಲ್ಲ. ಅಮೆರಿಕದ ಉಟಾಹ್ ಎಂಬ ಪರ್ವತ ಶ್ರೇಣಿಯಲ್ಲಿರುವ ಸರೋವರದಲ್ಲಿ ಆಗಾಗ ಕಂಡುಬರುವ ಮಾಮೂಲಿ ದೃಶ್ಯ ಇದು! ಇಂಥದೊಂದು ವಿಡಿಯೋವನ್ನು ಉಟಾಹ್ ವನ್ಯಜೀವಿ ಸಂಪನ್ಮೂಲ ವಿಭಾಗ ಟ್ವೀಟ್ ಮಾಡಿದ್ದು ಈ ವಿಡಿಯೋ ವೈರಲ್ ಆಗಿದೆ.
Fun fact: We stock many of Utah's high-mountain lakes from the air. The fish are tiny — anywhere from 1–3 inches long — which allows more than 95% of them to survive the fall. #Utah #TroutTuesday pic.twitter.com/kotDe91Zzw
— Utah DWR (@UtahDWR) August 21, 2018
ಮತ್ಸ್ಯಗಳ ರಕ್ಷಣೆಗೆ, ಮತ್ತು ಉಟಾಹ್ ಪ್ರದೇಶದ ಆಕರ್ಷಣೆಯನ್ನು ಉಳಿಸುವುದಕ್ಕೆ ಈ ಭಾಗದಲ್ಲಿ ಸದಾ ಮೀನುಗಳ ಸಂತತಿ ಹೆಚ್ಚುವಂತೆ ಮಾಡಬೇಕಿದೆ. ಆದ್ದರಿಂದ ಇಲ್ಲಿಗೆ ಮೀನುಗಳನ್ನು ತಂದು ಸುರಿಯಲಾಗುತ್ತದೆ. ಮೀನಿಗಳನ್ನು ಅವುಗಳ ಪಾಡಿಗೆ ಬಿಡದೆ, ಒತ್ತಾಯ ಪೂರ್ವಕವಾಗಿ ಒಂದೆಡೆಯಿಂದ ಮತ್ತೊಂದೆಡೆಗೆ ತಂದು ಸುರಿಯವುದು ತಪ್ಪು ಎಂದು ಕೆಲ ಜೀವವಿಜ್ಞಾನಿಗಳು ದೂರುತ್ತಿದ್ದಾರೆ.
ವಿಶ್ವ ವನ್ಯಜೀವಿ ದಿನ: ಕಣ್ಮನಸೆಳೆವ ವನ್ಯಪ್ರಪಂಚದ 10 ಚಿತ್ರಗಳು
ಆದರೆ ಪುಟ್ಟ ಪುಟ್ಟ ಗಾತ್ರದ ಈ ಮೀನುಗಳು ಯಾವ ಪ್ರದೇಶದ ನೀರಿನಲ್ಲಿ ಬೇಕಾದರೂ ಹೊಂದಿಕೊಂದು ಬದುಕುವುದರಿಂದ ಇದಕ್ಕೆ ಯಾವುದೇ ಅಪಾಯವೂ ಆಗುವುದಿಲ್ಲ ಎಂಬುದು ಉಟಾಹ್ ದ ವನ್ಯಜೀವಿ ಸಂಪನ್ಮೂಲ ವಿಭಾಗದ ಸಮಜಾಯಿಷಿ!