ಅಂತಿಮವಾಗಿ ಸಂತ ಪದವಿಗೇರಲಿರುವ ಮದರ್ ತೆರೆಸಾ
ವ್ಯಾಟಿನಕ್ ಸಿಟಿ, ಮಾರ್ಚ್, 15: ಮದರ್ ತೆರೆಸಾ ಅವರಿಗೆ ವಿಶ್ವದ ಮತ್ತೊಂದು ಅತ್ಯುನ್ನತ ಗೌರವ ಸಿಕ್ಕಿದೆ. ನೊಬೆಲ್ ಪ್ರಶಸ್ತಿ ಪುರಸ್ಕೃತ ಮದರ್ ತೆರೆಸಾ ಅವರಿಗೆ ಸಂತ ಪದವಿ ನೀಡಲು ಪೋಪ್ ಫ್ರಾನ್ಸಿಸ್ ಮಂಗಳವಾರ ಅಧಿಕೃತ ಸಮ್ಮತಿ ನೀಡಿದ್ದಾರೆ.[ಸೆಪ್ಟೆಂಬರ್ ನಲ್ಲಿ ಸಂತ ಪದವಿಗೇರಲಿರುವ ಮದರ್ ತೆರೆಸಾ!]
ಸೆಪ್ಟೆಂಬರ್ 4ರಂದು ಮದರ್ ತೆರೆಸಾ ಸಂತ ಪದವಿಗೆ ಏರಲಿದ್ದಾರೆ. ತೆರೆಸಾ ಅವರು ಮೃತರಾಗಿ 19 ವರ್ಷಗಳ ಬಳಿಕ ಸಂತ ಪದವಿ ದೊರೆಯುತ್ತಿದೆ. ಕಳೆದ ಡಿಸೆಂಬರ್ನಲ್ಲಿ ನಡೆದ ಸಭೆಯಲ್ಲಿಯೇ ಮದರ್ ತೆರೆಸಾ ಅವರಿಗೆ ಸಂತ ಪದವಿ ನೀಡಲು ತೀರ್ಮಾನ ಮಾಡಿಕೊಳ್ಳಲಾಗಿತ್ತು.[ಮದರ್ ತೆರೆಸಾ ಹೆಸರಿನ ಅನಾಥಾಶ್ರಮಗಳು ಇನ್ನಿಲ್ಲ]
'ಮಿಷನರೀಸ್ ಆಫ್ ಚಾರಿಟಿ' ಸೇವಾ ಸಂಸ್ಥೆ ಸ್ಥಾಪಿಸಿದ್ದ ತೆರೆಸಾ ಸುಮಾರು 45 ವರ್ಷಗಳ ಕಾಲ ಅಸಹಾಯಕರ ನೆರವಿಗೆ ನಿಂತಿದ್ದರು. ಭಾರತದಲ್ಲಿ ನೆಲೆಸಿ ಸೇವೆಗೆ ಹೊಸ ಅರ್ಥ ನೀಡಿದ್ದ ತೆರೆಸಾ ಅವರಿಗೆ ಸಂತ ಪದವಿ ದೊರೆಯುತ್ತಿರುವುದು ದೇಶವಾಸಿಗಳಿಗೂ ಹೆಮ್ಮೆ ತಂದಿದೆ.[ಮದರ್ ತೆರೇಸಾ ಭಾರತಕ್ಕೆ ಯಾಕೆ ಬಂದಿದ್ರು? ಆಸ್ಕ್ ಆರೆಸ್ಸೆಸ್]
ರತದ ಕೋಲ್ಕತಾದಲ್ಲಿ ನೆಲೆನಿಂತಿದ್ದ ತೆರೆಸಾ ಅವರಿಗೆ ಪ್ರತಿಷ್ಠಿತ ನೋಬೆಲ್ ಪುರಸ್ಕಾರ ಮತ್ತು ಭಾರತ ರತ್ನವೂ ಸಿಕ್ಕಿದೆ.1979 ರಲ್ಲೇ ತೆರೆಸಾ ಅವರಿಗೆ ನೋಬೆಲ್ ಸಿಕ್ಕಿದ್ದರೂ ಸಂತ ಪದವಿ ದೊರೆಯಲು ಇಷ್ಟು ವರ್ಷ ಬೇಕಾಯಿತು.[ಮದರ್ ತೆರೆಸಾ ಹೆಸರಿನ ಅನಾಥಾಶ್ರಮಗಳು ಇನ್ನಿಲ್ಲ]