• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಯುಎಸ್ ನಲ್ಲಿ ಭಾರತೀಯ ವಿಜ್ಞಾನಿಗೆ ವಿಶಿಷ್ಟ ಗೌರವ

By Mahesh
|

ವಾಷಿಂಗ್ಟನ್, ಜು.1: ಪ್ರಾಣಿ ಸಂಕುಲದ ಸಮಗ್ರ ಮಾಹಿತಿ ಸಂಶೋಧನೆಯಲ್ಲಿ ಅದ್ವಿತೀಯ ಸಾಧನೆ ಮಾಡಿ, ಜೈವಿಕ ಪ್ರವರ್ತಕರೆನಿಸಿರುವ ಭಾರತೀಯ ಮೂಲದ ವಿಜ್ಞಾನಿ ಅಖೌರಿ ಸಿನ್ಹಾ ಅವರ ಗೌರವಾರ್ಥ ಅಂಟಾರ್ಕ್ಟಿಕಾದಲ್ಲಿರುವ ಸುಂದರ ಪರ್ವತವೊಂದಕ್ಕೆ ಅವರ ಹೆಸರನ್ನು ನಾಮಕರಣ ಮಾಡಲಾಗಿದೆ.

ಅಂಟಾರ್ಕ್ಟಿಕಾ ಈ ಪರ್ವತವನ್ನು ಜೈವಿಕ ವಿಜ್ಞಾನಿ ಅಖೌರಿ ಸಿನ್ಹಾ ಅವರ ಹೆಸರಿನಲ್ಲಿ ಕರೆಯಲಾಗುತ್ತದೆ ಎಂದು ಯುಎಸ್ ಸರ್ಕಾರದ ಮೂಲಗಳು ಪ್ರಕಟಿಸಿದೆ. ಮಿನ್ನೆಸೊಟ ವಿಶ್ವವಿದ್ಯಾನಿಲಯದಲ್ಲಿ ಅನುವಂಶಿವಾಹಿ (ತಳಿ), ಜೀವಕಣ-ಜೀವಶಾಸ್ತ್ರ ಮತ್ತು ಅಭಿವೃದ್ಧಿ ವಿಭಾಗದ ಪ್ರೊಫೆಸರ್ ಆಗಿದ್ದ ಸಿನ್ಹಾ ಅವರು 1971-72ರಲ್ಲಿ ಕೈಗೊಂಡ ಸಾಧನೆಯನ್ನು ಅಮೆರಿಕದ ಭೂ ವೈಜ್ಞಾನಿಕ ಸರ್ವೆ ಇಲಾಖೆ ಗುರುತಿಸಿದೆ. ಈ ಹಿನ್ನೆಲೆಯಲ್ಲಿ ಅಂಟಾಕ್ಟಿಕಾದ ಪರ್ವತಕ್ಕೆ 'ಮೌಂಟೇನ್ ಸಿನ್ಹಾ' ಎಂದು ನಾಮಕರಣ ಮಾಡಲಾಗಿದೆ.

ಸಿನ್ಹಾ ಅವರು 1972-74ರಲ್ಲಿ ಇಲ್ಲಿನ ಬೆಲಿಂಗ್‌ಶೌಸೇನ್(Bellingshausen) ಮತ್ತು ಆಮುಂಡ್‌ಸೇನ್(Amundsen) ಸಾಗರ ಪ್ರದೇಶಗಳಲ್ಲಿ ಸೀಲ್ ಪ್ರಾಣಿ, ತಿಮಿಂಗಿಲಗಳು ಹಾಗೂ ಹಲವು ಬಗೆಯ ಪಕ್ಷಿಗಳ ವಿಭಾಗೀಯ ಗಣತಿ ನಡೆಸಿದ ತಂಡದಲ್ಲಿ ಸಿನ್ಹಾ ಪ್ರಮುಖ ಪಾತ್ರ ವಹಿಸಿದ್ದರು.

ಮೌಂಟೈನ್ ಸಿನ್ಹಾ ಎಂಬ ಹೆಸರನ್ನು ಸಲಹಾ ಸಮಿತಿ(Advisory Committee on Antarctic Names (US-ACAN) ) ಶಿಫಾರಸು ಮಾಡಿತ್ತು. 990 ಮೀಟರ್ ಎತ್ತರದ ಈ ಸುಂದರ ಪರ್ವತವು ಮೆಕ್‌ಡೊನಾಲ್ಡ್ ಪರ್ವತಶ್ರೇಣಿಯ ದಕ್ಷಿಣ ಭಾಗದಲ್ಲಿದ್ದು, ಉತ್ತರಕ್ಕೆ ಮೇರೀ ಬೈರ್ಡ್‌ಲ್ಯಾಂಡ್‌ಗೆ ಹೊಂದಿಕೊಂಡಿದೆ.

ಸಿನ್ಹಾ ಪರ್ವತವನ್ನು ಗೂಗಲ್ ಕಾಮ್ ಅಥವಾ ಬಿಂಗ್ ಕಾಂನಲ್ಲಿ ಯಾರಾದರೂ ವೀಕ್ಷಿಸಬಹುದಾಗಿದೆ. ಸುದ್ದಿ ಸಂಸ್ಥೆ ನಡೆಸಿದ ಸಂದರ್ಶನದಲ್ಲಿ ಕೂಡ ಸಿನ್ಹಾ ಈ ವಿಷಯವನ್ನು ಖಚಿತಪಡಿಸಿದ್ದಾರೆ.

ಅಮೆರಿಕಕ್ಕೆ ಬರುವ ಮೊದಲು ಭಾರತದ ಜಾರ್ಖಂಡ್ ನ ರಾಂಚಿಯಲ್ಲಿ 1956 ರಿಂದ 1961 ರ ತನಕ ಪ್ರಾಣಿಶಾಸ್ತ್ರ ವಿಭಾಗದ ಪ್ರೊಫೆಸರ್ ಆಗಿದ್ದ ಸಿನ್ಹಾ ಅವರು 22 ವಾರಗಳ ಕಾಲ ಅಂಟಾರ್ಕಿಕಾದಲ್ಲಿ ತಮ್ಮ ಸಂಶೋಧನೆ ನಡೆಸಿದರು. ಈಗಲೂ ಭಾರತಕ್ಕೆ ಬಂದಾಗ ತಮ್ಮ ಪೂರ್ವಿಕ ಮನೆ ಇರುವ ಚುರಮ್ ಪುರ್ ಗೆ ಭೇಟಿ ನೀಡುತ್ತೇನೆ ಎಂದು ಸಿನ್ಹಾ ಹೇಳಿದ್ದಾರೆ. [ಪ್ರೊ.ಸಿನ್ಹಾ ಬಗ್ಗೆ ಹೆಚ್ಚಿನ ಓದಿಗೆ ಕ್ಲಿಕ್ ಮಾಡಿ]

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
The United States has named a mountain in Antarctica in honour of an eminent Indian-American scientist whose pioneering biological research expedition has provided critical data about animal populations.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more